«Brayton»ning belgiyalik futbolchisi Leandro Trossard Premyer-ligadagi so‘nggi 4 ta o‘yinda 3 ta gol urdi, ammo gol urganidan keyin uning harakatlari nimani anglatadi?
U jurnalistlarga o‘zining mashhur gol nishonlashi haqida gapirib berdi va bu g‘oyani o‘g‘li va uning sevimli multfilmlariga bog‘ladi! Belgiyalik futbolchi so‘nggi haftalarda ajoyib sport formasida bo‘lib, ketma-ket uchta mehmondagi bahslarda gol urdi. Hujumkor yarim himoyachi joriy mavsumda umumiy 7 ta gol urishga muvaffaq bo‘ldi, bu uning Premyer-ligaga o‘tganidan keyingi eng yaxshi natijasi hisoblanadi.
Uning "Arsenal", "Tottenxem" va "Vulvz"ga urgan gollari bayram paytida sodir bo‘lgan. Ya’ni qishdagi Boxing Dayda. Leandro yuzi bilan durbinga taqlid qiladi. Jurnalistlar ushbu holat haqida so‘rashdi va Leandro shunday javob berdi:
Boxing Dayda "Brentford"ga qarshi o‘yinda gol urgan paytim birinchi marta uni shunday harakatlar bilan ishonlaganman. O‘sha kuni gol urishimni his qilgandim.
O‘sha kuni ertalab men kichkina o‘g‘limdan golni qanday nishonlashimni so‘radim? U tez o‘yladi, keyin shunchaki menga qaradi va durbinga taqlid qilib, qo‘llarini yuziga ko‘tardi, shundan so‘ng men shunday qilaman, deb va’da berdim. Men bu bilan ushbu bayramni qo‘llab-quvvatlayman va golimni o‘g‘limga bag‘ishlayman.
O‘yindan keyin uyga qaytganimda bu unga yoqadi. U har doim o‘z harakatlarini takrorlash uchun men tomon yuguradi va men uning ortidan buni takrorlayman. Bu ancha yoqimli holat, bizning umumiy xususiyatimizdir, men buni butun stadion bilan baham ko‘rishni xohlayman", - deydi futbolchi.
Trossard o‘g‘li bilan
“U buni qayerdan o‘ylab topganini hali ham bilmayman, lekin menimcha, u multfilm yoki internetda shunga o‘xshash narsani ko‘rgan bo‘lsa kerak. Va u mendan buni qilishni so‘raganida, men darhol qaror qildim, chunki men uni xursand qilishni xohlayman va men xuddi shu ruhda davom etaman", - deydi futbolchi. Trossardning ajoyib formasi jamoasining aprel oyidagi ajoyib o‘yiniga to‘g‘ri keldi, bu oyda Grem Potter jamoasi faqat birgina mag‘lubiyatga uchradi xolos - «Manchester Siti»ga qarshi o‘yinda.
Bunday yutuq "chaykalar"ga Premyer-ligada o‘zlari uchun rekord miqdordagi ochko to‘plashga yordam berdi (allaqachon 44!) "Ayni damda o‘z o‘yinim menga yoqadi. Gol urish har doim yoqimli va ular jamoaga ochko olishda yordam bergani meni yanada quvontiradi. Men o‘zimni ajoyib his qilaman va umuman, butun jamoa kabi. Umid qilamanki, biz mavsumni muvaffaqiyatli yakunlaymiz: bizda uchta o‘yin bor va imkon qadar ko‘proq ochko olishni istaymiz. Umid qilamanki, siz meni bu mavsumda yana bir necha marta gol nishonlayotganimni ko‘rasiz!”, - deydi Trossard.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
