Superliga 8-tur doirasidan o‘rin olgan “Lokomotiv” – “Qo‘qon-1912” uchrashuvi 11 may kuni Toshkent shahrida bo‘lib o‘tadi. Mazkur bahs oldidan ushbu jamoalarning o‘zaro o‘yinlardagi statistik ma’lumotlari bilan tanishtirib o‘tamiz.
O‘zaro o‘yinlar.
Ushbu jamoalar shu paytga qadar chempionat doirasida 14 marta to‘qnash kelishgan.
“Lokomotiv” o‘yinlarning 6 tasida zafar quchgan, 5 ta bahsda durang qayd etilgan. Uchta uchrashuvda qo‘qonliklarning qo‘li baland kelgan.
To‘plar nisbati – 23-14, “Loko” foydasiga. O‘zaro o‘yinlarda “Temiryo‘lchilar” 23 ochkoni qo‘lga kiritishgan. “Qo‘qon-1912” ochkosi 14 tani tashkil etadi.
Jamoalarning so‘nggi sakkizta uchrashuvida qayd etilgan natijalar:
23.10.2021. “Qo‘qon-1912”- “Lokomotiv” 2-1
20.06. 2021. Lokomotiv – Qo‘qon-1912 – 0:1
25.11.2020. Qo‘qon-1912 – Lokomotiv – 0:1
21.08.2020. Lokomotiv – Qo‘qon-1912 – 1:2
20.09.2019. Qo‘qon-1912 – Lokomotiv – 1:1
02.05.2019. Lokomotiv – Qo‘qon-1912 – 2:2
09.07.2018. Qo‘qon-1912 – Lokomotiv – 1:2
07.04.2018. Lokomotiv – Qo‘qon-1912 – 1:1
“Lokomotiv”ga qarshi o‘yinni Vadim Agishev boshqarib boradi
O‘zPFL superliganing 8-turida ishlaydigan rasmiylar nomini e’lon qildi. Unga ko‘ra “Lokomotiv” – “Qo‘qon-1912” uchrashuvini Vadim Agishev boshqarib boradigan bo‘ldi. Agishev o‘tgan mavsumda farhg‘onaliklar ishtirokidagi ikkita o‘yinni boshqarib borgan va bu uchrashuvlarda “Qo‘qon-1912” g‘alaba qozongan.
Agishev boshqargan va Muborakda bo‘lib o‘tgan “Mash’al” – “Qo‘qon-1912” bahsi 0-2 hisobi bilan yakunlangan bo‘lsa , Qo‘qonda “Paxtakor” jamoasi bilan bo‘lib o‘tgan o‘yinda 4-2 hisobida g‘alaba qozongan.
Toshkentdagi o‘yinda VAR tizimidan foydalanilmaydi.
LOKOMOTIV – QO‘QON-1912
Hakamlar: Vadim Agishev, Rishat Nugmanov, Doniyor Saylavov, To‘rabek Suyunov
Nazoratchi: Dmitriy Roman
Komissar: Muhammad Sodiq Sodiq-Oxunov
Boshlanish vaqtlari
“Lokomotiv” – “Qo‘qon-1912” uchrashuvi 11 may, chorshanba kuni, soat 19:00da start oladi. Bu o‘yin Toshkentdagi “Lokomotiv” stadionida bo‘lib o‘tadi.
Uchrashuvni MTRKning “dunyo bo‘ylab” telekanali to‘g‘ridan-to‘g‘ri efirga uzatadi.
Bu jamoalarning o‘rinbosarlari o‘rtasidagi o‘yin esa 12 may kuni , Toshkentdagi TTYMI stadionida, soat 17:00da boshlanadi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
