Yozgi transfer oynasi ochilishiga ham ko‘p vaqt qolmadi. Ba’zi klublar o‘z tarkibini kuchaytirish istagida bo‘lsa, yana ba’zilari yaxshigina ko‘rish niyatida. Futbolchilar ham shunday ulardan kimlarningdir shartnomasi tugash arafasida bo‘lsa, yana kimlardir yangi shartnoma imzolashni istashmoqda. Qo‘yida esa, yozda o‘z jamoasini o‘zgartirishga yaqin futbolchilar haqida so‘z yuritamiz.
Pol POGBA (“Manchester Yunayted”)
Fransuzning harakteridan kelib chiqib, uning “Manchester Yunayted”da ancha vaqt qolishi dargumon edi. Ammo u 6 yil davomida mankunianliklar safida to‘p surgani ham yaxshigina vaqt. U ketadigan payt keldi. Pogba har qancha yomon bo‘lmasin unda yaxshigina iqtidor bor. Shu sababli ham Polni o‘z jamoasida ko‘rish istagidagi grand jamoalar doim topiladi.
Pogbaning “Manchester Siti”ga o‘tishi ko‘p muhokama qilindi, ammo u “sotqinlar” qatoriga kirishni istamayapti. Shu tufayli uning oldida hozir asosiy ikki yo‘l bor. Birnichisi “PSJ”dir. Parijliklar Pogba uchun asosiy davogar klub. Ularning Yevropa maydonlaridagi muvaffaqiyatsiz ishtirokini yakunlashi uchun ham sifatli pleymeyker zarur. Ikkinchisi esa “Yuventus”dir. Turinliklar doimo sobiq futbolchisini jamoaga qaytarishni istashadi. Endi esa Pol yana ham “zebralar”ga juda zarur. Italiyadagi peshqadamlikning tugatilishi va beqaror o‘yin buni ko‘rsatmoqda. Shunday bo‘lsa-da, Pol faoliyatida yangilik yaratishni istaydigan futbolchi. Mana shu sabablar uning Parij tomon yo‘l olishiga yetarli bo‘la oladi. Balki transfer amalga oshguncha, fransuzni o‘z tarkibida ko‘rishni istaydigan jamoalar paydo bo‘lib qolar. Xar holda “Barselona” va “Real Madrid” ham shartnomasi tugaydigan tekin futbolchiga e’tibor qaratishi mumkin.
Karim ADEYEMI (“RB Zalsburg”)
Karimlardan yaxshi hujumchi chiqadi, shekilli. Bitta Karim “Oltin to‘p” uchun da’vogarlik qilayotgan bo‘lsa, yana biri doimo grand jamoalar e’tiborida bo‘lmoqda. Yarim yildan beri yosh iqtidor atrofida juda ko‘p shov-shuvli xabarlar tarqaldi. Xar qanday jamoa kelajagini Adeyemi bilan qurishni istashdi. Chunki juda yosh bo‘lishiga qaramay o‘zini ko‘rsata olgan futbolchi ko‘plab gollar kiritdi.
Ammo so‘nggi oylarda Adeyemi Germaniyaga yo‘l olishi deyarli oydinlashib qoldi. Ammo hamon aniq bir jamoaning nomini ayta olmaymiz. “Borussiya D” Karim uchun asosiy davogardek ko‘rinmoqda. Birinchidan Xolandning yo‘li Karim uchun ham omadli kelishi mumkinligi bo‘lsa, ikkinchidan jamoa yoshlarni qanday o‘ynatishni bilishidir. Erling “Siti”ga ketayotgani esa, bu transferga yana ham realroq qarashimiz imkonini beradi. Ammo Levandovski va “Bavariya” o‘rtasidagi bo‘layotgan gaplar so‘zsiz o‘z ta’sirini o‘tkazmoqda. Leva “Rekordmeyster” bilan shartnomani yangilamasa, “qizillar” o‘ziga boshqa hujumchi topishi kerak bo‘ladi. Ularning ro‘yxatidan esa Karim joy olgan. Ta’kidlash joizki, Adeyemi “Bavariya” futbol maktabi tarbiyalanuvchisidir.
Krishtianu RONALDU (“Manchkster Yunayted”)
Odatda Krishtianu jamoasini o‘zgartirishdan oldin ortiqcha shov-shuv ko‘tarmaydi. Uning amalga oshadigan transferi bir-ikki kunda hal bo‘ladi qo‘yadi. Ten Hag Ronalduni ketishini istayotgani haqida mish-mishlar paydo bo‘ldi. Ammo Erik buni holaydimi, yo‘qmi, Ronaldu “qizil iblislar”ni tark etishga yaqin turipti.
Krish YECHLni istashi turgan gap va u Yevropa ligasi yoki Konferensiyalar ligasi darajasidagi futbolchi emas yoshi 38da bo‘lsa ham. Uning “Real”ga qaytishi haqida ko‘p gapirishmoqda. Ammo bu biroz mushkul. “Galaktikos” Mbappeni o‘z safiga qo‘shib olgach, Ronalduni ham jalb etishi qiyinroq bo‘ladi. Ammo Mbappening “Real”ga yo‘l olishi KriRo uchun yana bir variantni taqdim etishi mumkin. Agar bu hodisa ro‘y bersa, biz “PSJ”da Messi Ronaldu Neymar triosini ko‘rishimiz mumkin. “PSJ” Kiliandan ayrilsa, uning o‘rnini to‘ldiri mumkin bo‘lgan, Yevropa taxtini egallashga yordam beradigan maksimal hujumchini izlay boshlaydi. Bu ro‘yxatda albatta Ronaldu bo‘ladi.
Mirjalol Pardaboyev tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
