Urugvay terma jamoasi hujumchisi bo‘lgan Suares, balki sayyoramizdagi eng ko‘ngli bo‘sh futbolchidir. 35 yoshli afsona o‘z faoliyati davomida nafaqat maydon ichida, balki tashqarisida ham ko‘z-yoshlarini tiya olmagan. Quyida emosional futbolchining eng esda qolarli va yig‘iga boy davrlarini esga olamiz.
APL chempionligi armonga aylanganida
2014 yilda o‘ta muhim bahs bo‘lib o‘tadi. Unda "Liverpul" "Kristal Pelas" mehmoni bo‘la turib, avvaligi 3-0 hisobida oldinda boradi. O‘yin yakuni 3-3 bilan tugaydi. Suares esa o‘ta ayanchli holga tushadi. O‘shanda u shunday degan: "Bu qattiq azob beradi. Biz o‘yinni yutishni juda ham xohlagan edik. Men bu bahs biz uchun yagona umid bӯlganini yaxshi tushunaman. Biz zo‘r o‘ynadik. Raqib esa bizni jazoladi. Ushbu durang bizni chempionlikdan ayirmoqda. Ming afsus...".
La-liga chempionligida
Bu lahzalar keyinchalik minglab memlar yaratilishiga asos bo‘lgandi. 2021 yilda Suares "Atletiko"ni chempionlikka erishishiga katta yordam beradi. O‘shanda hujumchi qattiq yig‘laydi va quvonchini yaqinlari bilan baham ko‘radi. Afsuski, futbolchilar koronavirus sababli muxlislar va oila a’zolarisiz chempionlikni nishonlashga majbur edi. Shunga qaramay, o‘zini yig‘idan tiya olmagan Suares, telefonda videoqo‘ng‘iroq orqali oilasi bilan bog‘langan edi.
Quvonch ko‘z-yoshlari
2014 yilgi APLdagi voqeadan bir necha oy o‘tib, Jahon chempionatida Urugvay guruh bahslarida Angliyani mag‘lubiyatga uchratadi. Hujumchi o‘sha o‘yinda dubl qayd etib, qahramonga aylangandi. Suares o‘yindan keyin shunday degan: "Ha, albatta. Men buni orzu qilardim. Hozir baxtliman va jamoa bilan g‘alabani bayram qilamiz. Men uzoq vaqt davomida faqat tanqidlar ostida yashadim. Bugun ularga javob qaytrishga harakat qildim".
Jarohat zahmi
"Atletiko" bu mavsum YECHL pley-offida "Portu"ga duch keladi. Ammo o‘yinni boshida, 13 daqiqadan keyin jarohat sabab Suares maydonni tark etishga majbur bo‘lgan. Hujumchi esa o‘z jamoasiga yordam bera olmasligini o‘ylab daryo-daryo yosh to‘kadi. Hali ham "matraschilar" o‘sha bahsni 3-1 hisobida o‘z foydasiga hal qilgan. Aks holda, Suares qay ahvolga tushishini tasavvur qilish qiyin.
"Barselona"dan ketish
Suares "Atletiko"ga yo‘l olganidan bir necha oy o‘tib, u "Barselona"dagi so‘nggi kunlarini yodga oladi. U o‘shanda ko‘zlarida yosh bilan shunday degan: "U kunlar men uchun alamli va og‘ir edi. Men juda qattiq azob chekkanman va yig‘laganman. Chunki, hatto menga jamoadoshlarim bilan mashg‘ulot o‘tkazishga ruxsat berishmagandi. Eng alam qiladigani esa klub rahbariyati meni ustimdan qanday qaror chiqarishini menga aytmaganidir. Men o‘z taqdirimni birovlar hal qilishiga qarab turganman. Chunki boshqa ilojim yo‘q edi".
Luis Suares tez orada Madrid klubini tark etadi. U uchun keyingi manzil MLS bo‘lishi mumkin. Yana kim biladi deysiz...
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
