Gazetamizning avvalgi sonlarida navbati bilan milliy chempionatimiz tarixidagi goleadorlar, gvardiyachilar, shuningdek, «poker» va «xet-trik»lar soni bo‘yicha yetakchi futbolchilar haqida turkum statistik ma’lumotlar taqdim etgandik.
Tabiiyki, muxlislarni elit liga medallari (oltin - 1-o‘rin, kumush - 2-o‘rin va bronza - 3-o‘rin)ga doir hisobot ham qiziqtiradi. Demak, bugun O‘zbekiston chempionati medallarini birrov sanab ko‘ramiz...
MEDALLAR TAQSIMOTI
Avvalo, aytish kerak, mavjud qoidalarga muvofiq, muayyan davriy chempionatda sovrindor bo‘lgan jamoa futbolchisidan medal olish uchun turnirning kamida 50 foiz o‘yinida qatnashish talab etiladi. Bir qarashda, musobaqa doirasidagi uchrashuvlarning yarmida maydonga tushish osondek tuyuladi, lekin amalda bunday natijaga erishish ancha qiyin. Ayniqsa, futbolda. Deylik, kamdan-kam holatda jamoa tarkibidagi futbolchilardan yarmiga medal olish nasib etadi. To‘g‘ri, odatga ko‘ra, sovrindor jamoaga 20-25ta medal ajratiladi. Biroq unutmaslik kerakki, bunda jamoa murabbiylari va boshqa yordamchi xodimlarning ulushlari ham bo‘ladi.
«OLTIN» SANOG‘I
Endi asosiy masalaga o‘tamiz. Demak, O‘zbekiston chempionati elit ligasining ortda qolgan 30 mavsumida mavjud qoidalar bo‘yicha turli jamoalarning jami 217 nafar futbolchisiga oltin medal berilgan.
O‘zbekiston chempionati oltin medali egalari
116 nafar futbolchi - 1 martadan
39 nafar futbolchi - 2 martadan
30 nafar futbolchi - 3 martadan
21 nafar futbolchi - 4 martadan
6 nafar futbolchi - 5 martadan
1 nafar futbolchi - 6 marta
1 nafar futbolchi - 9 marta
1 nafar futbolchi - 10 marta
2 nafar futbolchi - 11 martadan
Chempionlik medali soni bo‘yicha kuchli beshtalikni gruziyalik legioner Kaxi Maxaradze ochib beradi. U «Paxtakor» va «Lokomotiv» safida 3 martadan chempionlik marrasiga yetgan - jami 6ta oltin medal. Osiyoning ikki karra eng yaxshi futbolchisi Server Jeparov milliy chempionatimizning oliy probali medaliga 9 marta sazovor bo‘lgan. O‘zbekiston terma jamoasi sobiq sardori shuncha «oltin»ni 3ta klub - «Paxtakor», «Bunyodkor» va «Lokomotiv» libosida to‘plagan. Sobiq hujumchi Anvar Soliyev esa «Paxtakor» va «Bunyodkor»dagi faoliyati davomida naq 10 marta bo‘yniga oltin medal taqqan. O‘zbekiston chempionati elit ligasida eng ko‘p g‘alaba nashidasini surgan futbolchilar ro‘yxatini esa ikki kishi boshqarib turibdi - Temur Kapadze va Ignatiy Nesterov. «Olimpik» bosh murabbiy ham, «Qizilqum»ning amaldagi darvozaboni ham 11ta «oltin»ni «Paxtakor», «Bunyodkor» va «Lokomotiv» bilan qo‘lga kiritgan. Demak, Nesterovda bu borada mutlaq rekordchi bo‘lish imkoniyati yo‘q emas. To‘g‘ri, buning uchun «Qizilqum» yanada dalillashi talab etiladi. O‘z o‘rnida bitta qiziqarli fakt: milliy jamoamiz sobiq yarim himoyachisi Abduqahhor Ma’rufaliyev o‘z bisotidagi 3ta oltin medalni 3ta jamoa (1992 yili «Paxtakor», 1996 yili «Navbahor» va 2000 yili «Do‘stlik»)da rasmiylashtirgan.
«KUMUSH» SANOG‘I
Ikkinchi probali medal hisobotiga kelsak, uni 30 mavsum yakuni bo‘yicha jami 252 nafar futbolchi olgan. Bu borada ham yetakchilar guruhi shakllangan, albatta.
O‘zbekiston chempionati kumush medali egalari
174 nafar futbolchi - 1 martadan
42 nafar futbolchi - 2 martadan
13 nafar futbolchi - 3 martadan
12 nafar futbolchi - 4 martadan
6 nafar futbolchi - 5 martadan
3 nafar futbolchi - 6 martadan
1 nafar futbolchi - 7 marta
1 nafar futbolchi - 8 marta
«Kumush» bo‘yicha kuchli beshtalikda «Neftchi» vakillari yaqqol ustunlar. Deylik, Umid Isoqov, Sergey Lebedev va Ravshan Mataliyev Farg‘ona jamoasi bilan 6 martadan shohsupaning 2-qatoriga ko‘tarilishgan. Bu kumush medal reytingida 3-yaxshi natijadir. «Neftchi»ning sobiq darvozaboni Georgiy Zabirov hisobida esa 7ta «kumush» bor. Bu borada mutlaq peshqadam sanalgan Akmal Xolmatov (8ta) ham asosan Farg‘ona jamoasida ikkinchi raqamli sovrindor bo‘lgan. Unda yana «Lokomotiv» bilan yutilgan «kumush» ham yo‘q emas. Qiziqarli fakt va o‘ziga xos rekord esa Pavel Bugaloga bog‘liq. Diqqat qiling, milliy jamoamiz sobiq darvozaboni 3ta kumush medalidan dastlabkisini 1993 yili «Paxtakor» bilan nishonlagan bo‘lsa, ikkinchisi mavsum-2007 yakunida «Bunyodkor» futbolchisi sifatida olgan. Bugalo hisobidagi 3-kumush medal 2013 yilgi mavsumga to‘g‘ri keladi. Darvozabon o‘shanda «Lokomotiv» sharafini himoya qilgandi. Xullas, uning ikkinchi probali medallari oralig‘ida naq 20 yillik farq bor!
«BRONZA» SANOG‘I
O‘zbekiston chempionatida bronza medali egalari safi «oltin» va «kumush»nikidan kengroq. Ya’ni elit ligamiz tarixida jami 266 nafar futbolchi 3-o‘rin sohibi o‘laroq, uchinchi probali medal yutgan.
O‘zbekiston chempionati bronza medali egalari
180 nafar futbolchi - 1 martadan
49 nafar futbolchi - 2 martadan
18 nafar futbolchi - 3 martadan
12 nafar futbolchi - 4 martadan
2 nafar futbolchi - 5 martadan
4 nafar futbolchi - 6 martadan
1 nafar futbolchi - 7 marta
Bronza medali sovrindorlarining kuchli beshtaligida raqobat ancha jiddiy. Xususan, Vali Keldiyev, Maqsud Karimov, Tohir Madrahimov va Saydullo Tursunov o‘z faoliyatlari davomida 6 martadan 3-o‘rin sohibiga aylanishgan. Peshqadam - Botir Qorayev hisobida esa «Nasaf» va «Mash’al» safida yutilgan 7ta «bronza» bor.
ENG SOVRINDOR FUTBOLCHILAR
3 xil medalni birlashtirsak, chempionatimizning ortda qolgan 30 mavsumidagi eng sovrindor futbolchilar ro‘yxati shakllanadi. Demak, hozirgi holatda bu reytingni amaldagi futbolchi Ignatiy Nesterov boshqarib turibdi - jami 15ta medal!
|
Futbolchi
|
«Oltin»
|
«Kumush»
|
Bronza»
|
Jami
|
|
1. Ignatiy Nesterov
|
11
|
4
|
-
|
15
|
|
2. Anvar Soliyev
|
10
|
1
|
3
|
14
|
|
3. Temur Kapadze
|
11
|
1
|
-
|
12
|
|
4. Sergey Lebedev
|
4
|
6
|
1
|
11
|
|
5. Server Jeparov
|
9
|
-
|
-
|
9
|
|
6. Akmal Xolmatov
|
1
|
8
|
-
|
9
|
|
7. Georgiy Zabirov
|
1
|
7
|
-
|
8
|
|
8. Botir Qorayev
|
-
|
1
|
7
|
8
|
|
9. Kaxi Maxaradze
|
6
|
-
|
1
|
7
|
|
10. Umid Isoqov
|
1
|
6
|
-
|
7
|
|
11. Tohir Madrahimov
|
1
|
-
|
6
|
7
|
|
12. Saydullo Tursunov
|
1
|
-
|
6
|
7
|
|
13. Maqsud Karimov
|
-
|
1
|
6
|
7
|
Sergey KNYAZEV
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
