«MYU» va «Nottingem Forrest» o‘smirlar jamoalari Angliya kubogi finalida o‘zaro kuch sinashdi. Navqiron «qizil iblislar» 3:1 hisobida ishonchli g‘alabani nishonlashdi.
«MYU» sardori Ris Bennettning goliga o‘z darvozaboni Radek Vitek avtogol bilan javob qaytardi. Ammo ikkinchi bo‘limda «Yunayted» darajasi o‘z so‘zini aytdi: Alexandro Garnacho «dubl» rasmiylashtirdi.
Uchrashuv shuningdek, tomoshabinlar tashrifi bilan ham alohida ahamiyat kasb etdi. «MYU» o‘smirlari «Old Traffordda 67 492 nafar muxlis yig‘ishdi. Maydonda katta futbolga ilk qadamlarni qo‘yayotgan yigitlar kuch sinashdilar. Manzara esa hayratlanarli.
O‘smirlarni qo‘llab-quvvatlash uchun asosiy jamoa a’zolari David de Xea, Garri Maguayr, Brunu Fernandesh, o‘tmish afsonalari (Niki Batt, Duayt York, Ues Braun), klub vunderkindlaridan biri Xannibal Mejbri va albatta, ser Aleks Fergyuson tashrif buyurishdi.
Ommaboplikning ikki sababi bor: garchi «MYU» o‘smirlar o‘rtasida Angliya kubogini qo‘lga kiritish rekordchi bo‘lsada (endi 11ta yutuq), yosh «iblislar» so‘nggi bor mavsum-2010|2011da turnir finalida qatnashishgandi. Qo‘shimchasiga, klub chipta uchun ramziy narx belgiladi - 1 funt, vaholanki, xohlovchilar ko‘p edi. Umumiy hisobda 74 140ta chipta sotildi - «Old Trafford» o‘z bag‘riga aynan shuncha muxlisni sig‘dira oladi. Ishqibozlarning ma’lum qismi o‘yinga kelolmadi, shu bois, finaldagi tashrif buyurganlar 67 492 kishi etib ko‘rsatildi.
Avvalgi rekord ham «Manchester Yunayted» ishtirokidagi o‘yinda qayd etilgan, 2007 yilning martida «Arsenal» va «MYU» «Emireyts»da o‘smirlar o‘rtasidagi kubogi finalida kuch sinashgandi. O‘shanda londonlik yigitlarning g‘alabasini 38 187 muxlis kuzatib borgan.
«MYU» o‘smirlari orasida kimlar e’tiborga loyiq?
Alexandro Garnacho
17 yoshli argentinalik termaga chaqirilib, asosiy tarkibda debyutini ham nishonlab ulgurgan. «MYU» uni «Atletiko»dan olgan, endi esa o‘sish jarayonidan rohat olmoqda. Joriy mavsum «Yunayted» U-18 jamoasining eng yaxshi futbolchisiga atalgan Jimmi Myorfi sovrini aynan Garnachoga nasib qildi.
Charli Maknill
«MYU» qo‘shni «Siti»dan «o‘g‘irlagan» ushbu forvard asosiy o‘smirlar derbisida o‘zini ko‘rsatdi. Birdaniga «poker» rasmiylashtirdi.
Jo Xagill
«Yunayted» ko‘plab gollar urayotgan hujumchi uchun kurashda «Arsenal» va «Tottenxem»ni ortda qoldirdi. Yosh Xagill uchun «Sanderlend»ga 330 ming yevro to‘landi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
