Sadio Maneni bugun butun dunyo yaxshi taniydi. U "Liverpul" afsonasiga aylanib ulgurgan. Vinisius esa yaqin kelajakda "Real" yetakchisi bӯlishi mumkin. U balki "qirollik klubi"da afsonaga ham aylanar. Biroq ayni damda kim yaxshiroq futbolchi? Quyida ushbu savolga javob izlab ko‘ramiz.
1. Eng yaxshi davr
2018-2019 yilgi mavsumda butun dunyo Manening eng zo‘r davriga guvoh bo‘lgandi. Hujumchi o‘shanda APL "Oltin to‘p"ini hamda YECHL bosh sovrini qo‘lga kiritgan. Mane dunyoning eng yaxshi beshta futbolchisidan biri sifatida e’tirof etiladi. Shundan keyin senegallik faoliyatida biroz pasayish yuz bergandi. Ayni damda esa 30 yoshli futbolchi "Liverpul"ga yana bir chempionlik taqdim etishga tayyor turibdi. Mane bir paytlar kuchli beshlikka kirgan bo‘lsa, Vinisius bu mavsumda ko‘rsatib qo‘ydiki, unda kuchli uchtalik uchun ham yaxshigina potensiali mavjud. "Real"dagi ilk davri biroz qiyin kechgan bo‘lsa ham, bugun u top-futbolchiga aylana oldi. "Real" esa unga 46 million yevro sarflab, adashmagan edi. Bugungi kundan kelib chiqadigan bo‘lsak, Vinisius yaxshiroq ko‘rinmoqda.
2. To‘purarlik
2021-2022 yilgi mavsumga qadar bu kategoriyani muhokamaga qo‘yishning o‘zi noto‘g‘ri bo‘lardi. Chunki Mane bir mavsumda 22 ta gol urgan paytlarda Vinisius 3 ta golga mualliflik qilgan, xolos. Ammo bugun Vinisius yaxshiroq. U La-ligada 17 ta gol ura oldi. Bu esa Manenikidan bittaga ko‘proqdir. Shunga qaramay, bu borada Sadio Mane tengsiz. Chunki Senegal terma jamoasi a’zosi besh mavsumdirki, ketma-ket 15 tadan ko‘p golga mualliflik qilib kelmoqda. Aytish mumkinki, bu o‘ta jiddiy va hammani ham qo‘lidan kelavermaydigan barqarorlikdir. Mane esa bunga erish olgan.
3. Klubdagi ta’sir doirasi
Ho‘p, yuqoridagi ikki aspekt biroz bahsli bo‘lishi mumkindir. Ammo bu borada hech so‘zsiz, Sadio Mane g‘olib chiqa oladi. Buning sababini quyida ko‘rishingiz mumkin. Sadio Mane "Liverpul"ga o‘tgandan beri: -APL g‘olibligi; -Angliya liga kubogi; - YECHL g‘olibligi; - Angliya kubogi sohibi.
Shuni alohida ta’kidlash kerakki, Mane o‘z jamoasida hech qachon shunchaki asosiy tarkib vakili bo‘lmagan. U yuqoridagi sovrinlarni yutishda muhim figura sifatida qatnashgan. Shunday ekan, e’tirozlarga o‘rin yo‘q deb hisoblaymiz.
4. Texnika va dribling
Ha, hamma biladi, hamma tan oladi – Mane texnikali futbolchi. Ammo keling, quyidagi videoni tomosha qilaylik. Ko‘rganingizdan keyin aniq anglaysizki, biz adolatli tarzda bu kategoriyani Vinisius Juniorga taqdim etganmiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
