Pol Pogbaning "Manchester Yunayted"dagi hikoyasi yakuniga yetdi. Ingliz klubi bir necha yil avval 105 million yevro evaziga sotib olgan fransiyalik futbolchining ketishini rasman e’lon qildi. Shu sabab bugun biz Pogbaning Angliyadagi faoliyati haqida biroz fikr yuritishga qaror qildik.
Pol Pogba iqtidorli futbolchi. Ammo uning karyerasi undanda omadsizroqdek, chamamizda. Fransuz xavbeki “MYU”dan tekinga “Yuventus”ga o‘tgan. Turindagi bir necha yillik ajoyib mavsumdan so‘ng 105 million yevro evaziga “Old Trafford”ga qaytib keldi. Endi esa yana Turin safari uchun chipta olishga yaqin turibdi. Fransuzning “qizil iblislar” safidagi faoliyati esa oddiy bo‘ldi. Qisqa qilib aytganda, Pol mankunianliklar safiga qo‘shilib, o‘zi o‘tirgan shoxni arraladi.
Olti yil oldin, Pogba “Manchester Yunayted”ga qaytganida, bu ingliz klubini yuqori cho‘qqilarga olib chiqish taxmin qilingan va tashqi tomondan qaraganda ham shunday ko‘rinar edi. O‘sha paytda fransuz futbolchisi atigi 23 yoshda bo‘lsa-da, futbol jamoatchiligi tanigan yulduz hisoblanar, tom ma’noda "Yuventus" yetakchisi edi. Pogbaning Premyer-ligada porlashi uchun hamma narsasi bor, biroq, olti yilni sarhisob qilib ko‘rsak, fransuz o‘z imkoniyatlaridan yetarlicha foydalana olmagani va bunga ba’zi narsalar to‘siq bo‘lganiga guvoh bo‘lishimiz mumkin.
Asosiy aybdor Pogbami? Bu savolga ha deb ham, yo‘q deb ham javob berish mumkin. Bir tomondan fransuz o‘z jarohatlari qurboniga aylandi. Bu holat olti yil davomida juda ko‘p kuzatildi, shuning uchun u ko‘p vaqtni shifoxonada o‘tkazib yubordi. Boshqa tomondan esa Pogba "Manchester Yunayted"da bo‘layotgan tartibsizliklarning qurboniga aylandi. Joze Mourinyo va Ole-Gunnar Sulsher “Old Trafford”da turli xil taktik futbol qurishga harakat qildi. Bu uni vaqti-vaqti bilan o‘z pozisiyasini o‘zgartirishga majbur qildi. Shu bilan birga, "Manchester Yunayted"da doimiy ravishda o‘yinchilarning rotasiyasi kuzatildi, bu ham uning barqarorligiga jiddiy zarba berdi.
Biroq, bularning barchasi Pogbaning bahonalariga o‘xshaydi. Uning “Manchester Yunayted”dagi butun faoliyatining qaysidir qismi ajoyib mavsumlardan, yana qaysidir qismi esa pasayishlardan iborat. Fransuz o‘zi hohlaganida yuqori saviyadagi o‘yin ko‘rsatishi mumkin edi. U joriy mavsum boshidayoq, aniqrog‘i 4-turga keliboq 7 ta golli uzatmani amalga oshirdi. 2018/2019 yilgi mavsumning 11-turiga qadar 8 ta gol va 6 ta golli uzatmani o‘z hisobiga yozdirib qo‘ygan va bu fantasitik natija ekanligini ta’kidlash shart emas. Qolaversa, Rossiya maydonlarida bo‘lib o‘tgan JCHdagi Pogbaning harakatlarini eslashimiz mumkin.
Fransuz ingliz klubida ham o‘z darajasidagi o‘yinni namoyish qilgan bo‘lishi mumkin , ammo "Manchester Yunayted"da yetarlicha motivasiya yetishmagani aniq. "Yuventus"da uni tajribali Pirlo, Kyellini, Bonuchchi kabi futbolchilar qo‘llab-quvvatlagan va ular bilan ajoyib o‘yin ko‘rsatgan va unda ortiqcha bosim yo‘q edi. Biroq, "Manchester Yunayted"da uni yetakchi, jamoani boshqaradigan, klubning tayanchiga aylanadigan futbolchi sifatida qabul qilishdi. Biroq, Pogba tajribasiz edi va tabiiyki, u bu nomni ko‘tara olmadi.
Shu ma’noda, bugungi "Yuventus"ga haqiqatan ham u kerakmi, degan savol tug‘iladi. Hozirda turinliklarga jamoani oldinga torta oladigan yetakchilar kerak. Albatta, ayni paytda “Yuventus”da ham katta nomlar yetarlicha bor, ammo ko‘p emas. “Manchester Yunayted” Pogba uchun maosh to‘laganini hisobga olmaganda, faqat transfer uchun ko‘proq (105 million yevro) pul sarfladi. "Yuventus" esa futbolchini erkin agent sifatida o‘z safiga qo‘shib oladi va Pogba yana Manchesterdagi kabi o‘yin namoyish qilsa, “keksa sinyora” uchun katta yo‘qotish bo‘lmaydi.
Aslida hikoya achinarli. Iqtidor, jismoniy holat bo‘yicha Pogba o‘z tengdoshlari orasida eng yaxshi markaziy yarim himoyachiga aylanishi kerak edi. Aksincha, u o‘zini to‘liq ochib bera olmagan yana bir futbolchi sifatida yodda qoladi. U uchun Yevropa ligasida g‘alaba qozonish yetarli emas.
Jahon chempionatidagi muvaffaqiyat esa Pogba ko‘p narsaga erisha olishi mumkinligi, ammo erisha olmaganining ramzi va isbotidir.
Jamshidbek Mahmudov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
