Bahorda muxlislar Benzemaning "PSJ" va "Chelsi" bilan o‘yinlardagi ko‘rsatgan yutuqlaridan so‘ng xet-triklar sonini sanashdi. Bugungi kunga qadar “Oltin to‘p” uchun asosiy da’vogar roppa-rosa o‘nta o‘yinda uchtadan gol urgan, Karim poker va penta-trikni faqat “tushida” qayd etgan.
Benzema "Real Madrid"da 13 mavsum o‘tkazgan eng yaxshi hujumchi, futbol tarixidagi eng yaxshi fransuz (425 gol), ammo Messi va Ronaldu bilan solishtirganda hali u qirol emasligi ma’lum bo‘ladi. Krishtianuda 60 ta xet-trik bor, bu jahon rekordidir, Lionel yakshanba oqshomida 56-marta bir o‘yinda uchta gol urdi. Ikkisi ham daho va haqiqiy qirol.
Yevropa terma jamoasi bilan o‘rtoqlik uchrashuvida Messi o‘yin debyutida hisobni ochgan bo‘lsa, birinchi bo‘lim oxirida dubl, ikkinchi bo‘lim boshida xet-trik qayd etdi. 71-daqiqada Leo poker muallifiga aylandi, besh daqiqadan so‘ng esa faoliyatidagi ikkinchi penta-trikni amalga oshirdi. Bir o‘yinda to‘rtta gol, yettita "Oltin to‘p" sohibi sakkizinchi martapokerini ham nishonladi. Shu sababli Leoning o‘sha 8 ta o‘yinini eslab o‘tamiz.
1.“Barselona” 4:1 “Arsenal” (Chempionlar ligasi 2009/10, chorak final) = 4 gol
Messi birinchi marta Chempionlar ligasining chorak finali doirasidagi o‘yinda uchtadan ko‘p gol urdi. Londonda bo‘lib o‘tgan birinchi chorak finalda “Barselona” hujumda Leo bilan juftlik hosil qilgan, Zlatan Ibrahimovichning dublidan so‘ng 2:0 hisobida oldinga chiqib oldi. Bu ustunlikni saqlab qolishning iloji bo‘lmadi. Arsen Venger shogirdlari yakunda ikkita gol urib, hisobni tenglashtirdi.
Javob o‘yinida Gvardiola Zlatansiz tarkib tuzdi, Terri Anri zaxirada qoldi - hammasi Leo o‘zini imkon qadar qulay his qilishi uchun. O‘yin debyutida "Barsa" Bendnerni bo‘sh qoldirdi. Daniyalik vaziyatdan foydalandi. Ammo "Arsenal" hursandchilik 3 daqiqacha bo‘ldi: birinchi bo‘lim oxirida Leo xet-trik qayd etdi va 88-daqiqada hisobni 4:1 ko‘rinishiga olib keldi.
2. "Barselona" - "Valensiya" - 5:1 (Ispaniya chempionati 2011/12) = 4 gol
2011/12 yilgi mavsumda Messi 75 ta gol urdi, bu uning faoliyatidagi eng sermahsul mavsum, shuning uchun 2012 yil boshida biz birdaniga uchta super golli o‘yinni uchratamiz. Ulardan birinchisi “Valensiya”ning “Kamp Nou”dagi mag‘lubiyatidir. Argentinalik futbolchining faoliyatidagi birinchi va ikkinchi poker o‘yinlari ssenariylari ko‘p jihatdan o‘xshash: bu yerda ham raqib tezda hisobni ochdi (Pablo Piatti 8-daqiqadayoq Viktor Valdesni “dog‘da qoldirdi”), Messi esa golli uzatma bilan javob qaytardi. Keyin esa “Messimaniya” boshlandi. Leo o‘yinda 4 ta gol kiritdi. Yagona farq shundaki, “Arsenal” darvozasini faqatgina Messi ishg‘ol qilgandi. Bu o‘yinda esa Leoning jamoadoshlari ham bitta gol urgan.
3. "Barselona" - "Bayer" - 7:1 (Chempionlar ligasi 2011/12, 1/8 final) = 5 gol
"Bayer" Chempionlar ligasi pley-offining birinchi bosqichida "Barselona"ga munosib qarshilik ko‘rsata olmadi va umumiy 2:10 hisobida mag‘lub bo‘ldi. Messi “Kamp Nou”da “dorichilar”ni ayab o‘tirmagandi. O‘yinda Messi 5 ta Telyo esa 2 bor raqib darvozasini ishg‘ol etgandi.
4. “Barselona” 4:0 “Espanyol” (Ispaniya 2011/12) = 4 gol
Messi fevralda “Valensiya”ni jazoladi, “Bayer” mart oyi boshida mag‘lub bo‘ldi, 5 mayda esa argentinalik futbolchi uch oy ichida uchinchi super-golli o‘yinni o‘tkazdi. Kataloniya klublari uchun barcha imkoniyatlar tengsizligi bilan bu mintaqadagi asosiy derbi edi. "Barselona"ning "Espanyol" ustidan ishonchli g‘alabasi ajablanarli emas edi, lekin Lionelning pokeri prinsipial qarama-qarshilik tarixida sezilarli ta’sirga aylandi. Darvoqe, Messining “PSJ”dagi amaldagi ustozi Maurisio Pochettino o‘sha paytlar “Espanyol”ni boshqargan.
5. "Barselona" - "Osasuna" - 5:1 (Ispaniya chempionati 2012/13) = 4 gol
Messining gol urishdagi muhim jihati: argentinalik futbolchining "Barselona" uchun 4+ gol urgan barcha o‘yinlari "Kamp Nou"da bo‘lgan. 2013 yilning yanvar oyida “Osasuna” yaxshi qarshilik ko‘rsatadiganlek ko‘ringan edi. Mendilibar jamoasi hatto Messining birinchi goliga javob qaytarishgan. Biroq ikkinchi 30 daqiqaqalikda Leoning pokeri va Pedrining goli evaziga o‘yin 1:1dan, 5:1 ga aylangandi.
6. Barselona 6:1 Eybar (Ispaniya 2017/18) = 4 gol
7. “Barselona” 5:0 Eybar (Ispaniya 2020/21) = 4 gol
Messi PSJning bo‘lajak murabbiylari (Unai Emeri va Maurisio Pochettino) boshchiligidagi jamoalarga qarshi ikkita o‘yinda poker qayt etgan, biroq u uchun Xose Luis Mendilibar eng yoqimli raqib. Leo so‘nggi 10 yil ichida ushbu murabbiyning jamoalariga qarshi o‘tkazgan uchta o‘yinda poker qayd etgan. Hammasi 2013 yil boshida “Osasuna”dan uchralgan mag‘lubiyat bilan boshlandi va “Kamp Nou”da ikki marta Messidan to‘rtta gol o‘tkazib yuborgan mag‘rur “Eybar” bilan tugadi. Bu klubga qarshi o‘yinlarda Lionel umuman absurd statistikaga ega: 11 o‘yindan so‘ng 20 ta gol va 6 ta golli uzatma.
8. Argentina - Estoniya - 5:0 (o‘rtoqlik uchrashuvi) = 5 gol
Messi “Osasuna” bilan o‘yinda poker, “Osasuna” stadionida esa Argentina terma jamoasi uchun o‘yinda penta-trikka erishdi. UYEmblidagi Finalissimada g‘alaba qozonganidan so‘ng, Albiseleste Yevropa turnesini Pamplonada estoniyaliklarga qarshi o‘rtoqlik uchrashuvi bilan yakunladi.
Estoniya terma jamoasi darvozasiga kiritilgan beshta gol Messini terma jamoalar to‘purarlari orasida to‘rtinchi o‘ringa olib chiqdi va yaqin kunlarda ba’zi nashrlarda Leo “Oltin to‘p”ni Benzemaning qo‘lidan tortib oldi, deb hazillashish ma’nosida postlar chiqarildi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
