"Chelsi" so‘nggi o‘n yilliklar yil ichida ko‘plab ispan o‘yinchilariga makon bo‘lgan. Saul Nigesning o‘tgan yozda olib kelinishi, 14 ta ispanning London jamoasidagi imzosini ta’minladi.
Bu sanoqni Albert Ferrer boshlab beradi. Ushbu himoyachi "Barselona" bilan ko‘plab muvaffaqiyatlarga erishgach, "Chelsi"ga keladi va jamoadagi ilk ispan futbolchisiga aylanadi. Xususan, u "Chelsi"ga qadar, 5 marta Ispaniya chempioni, 2 marotaba Ispaniya kubogi sohibi hamda Yevropa chempionligini qo‘lga kiritgandi. Bu ishlarni u 8 yil davomida bajargan edi. "Chelsi"da esa Ferrer 2000 yilda Angliya kubogiga ega chiqadi. Aynan uning davrida "Chelsi" ilk bora YECHL yo‘llanmasiga ega bo‘lgandi.
"Chelsi" tarixidagi ikkinchi ispan futbolchisi, bu unchalik ham mashhur bo‘lmagan Kike De Lukas edi. U o‘z davrida faqat zaxira vakili bo‘lib qoladi.
Navbatdagi futbolchi Asyer Del Orno bo‘ladi. Himoyachi "Chelsi"da katta rolga ega bo‘ladi va 2006 yilda Angliya chempionligiga ega chiqadi. Orno atigi bir mavsum Londonda bo‘lib, 25 ta bahsda asosiy futbolchi sifatida maydonga tushgan.
2011 yilda "Chelsi" birdaniga uchta ispaniyalikni xarid qiladi. Ular bir yil o‘tib, YECHLda zafar quchgan edi. Shulardan birinchisi Xuan Mata. U "Valensiya"dan tashrif buyurgan. Mata "Chelsi"da o‘ta muhim figura edi. U o‘zining ikkita mavsumida klubning mavsum o‘yinchisi nomiga sazovar bo‘lgan. Mataning Oskar hamda Eden Azar bilan maydondagi alqoasi o‘ta kuchli va foydali edi.
"Chelsi"ning keyingi ispan futbolchisi bu Fernando Torresdir. "Liverpul"da porlagan yulduzni, darrov Roman Abramovich sotib olishga kirishadi. 2011 yilning yanvar oyida Torres 50 million funt evaziga "Chelsi" libosini kiyadi. Ha, Torres "Chelsi"da hech qachon "Liverpul"dagi darajasiga chiqa olmadi. Ammo ispan hujumchisi "Chelsi"ni YECHL g‘olibi qilishdagi harakatlari muxlislar tomonidan unutilmaydi. Aynan Torresning yagona goli "Barselona"ni mag‘lub etilishiga, bu esa finalga yo‘l olishga yordam bergan.
Oradan ko‘p o‘tmay, 2014 yilda jamoaga Sesk Fabregas olib kelinadi. Ha, sobiq "Arsenal" hamda "Barselona" futbolchisi haqida ko‘p gapirish mumkin. U "Chelsi" yarim himoyasida mustahkam joylashib oldi va muhim vakilga aylandi. Uning boshqa bir ispan futbolchisi, Diyego Kosta bilan bog‘lami o‘ta kuchli edi. Ular birgalikda APLda g‘oliblik shohsupasiga ko‘tarilgandi. Fabregas "Chelsi" libosida jami 2 marta Angliya chempioni, bir marta Angliya kubogi hamda liga kubogi sohibiga aylangan.
Navbatdagi Ispaniya termasida faoliyat yuritgan futbolchi bu Alvaro Moratadir. U hali ham "Selecciòn"ning muqim a’zosidir. Hujumchi "Real"dan katta pul evaziga transfer qilinadi. Ammo bu ko‘chish o‘ta omadsiz kechgan.
Ayni damda "Chelsi"da to‘rtta ispan futbolchi harakat qilmoqda. Ular: Kepa Arrisabalaga, Sesar Aspilikueta, Markos Alonso hamda Saul Niges (ketgan). Demak, quyida barcha, o‘n to‘rtta futbolchining ro‘yxati taqdim etiladi:
1. Albert Ferrer
2. Kike De Lukas
3. Asyer Del Orno
4. Xuan Mata
5. Fernando Torres
6. Oriol Romeu
7. Sesar Aspilikueta
8. Diyego Kosta
9. Sesk Fabregas
10. Pedro
11. Markos Alonso
12. Alvaro Morata
13. Kepa Arrisabalaga
14. Saul
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
