"Barselona" va Braziliya terma jamoasini o‘xshash jihatlari juda ko‘p va ikkalasi ham chiroyli futbolni yoqtirishadi. Shu bois Kataloniya klubida ko‘plab braziliyalik futbolchilar to‘p surishgan. Dani Alveshning "Barselona"ni tark etishi, bizga "ko‘k-anorranglilar" tarkibida to‘p surgan afsonaviy braziliyaliklarning reytingini tuzishimizga sabab bo‘la oladi.
5-o‘rin: Ronaldo
Jamoadagi yillari: 1996-1997.
O‘yinlar va gollar: 51 - 47.
Unvonlar: Ispaniya kubogi va Superkubogi, Kubok egalari kubogi.
"So‘yloqtish" "Barselona"da atigi bir mavsum o‘tkazdi, ammo qanday mavsum! 51 o‘yinda 47 gol, shu jumladan Kubok egalari kubogi finalida Parij klubiga qarshi o‘yinda g‘alaba qozonish. Chempionatda Ronaldu 37 ta o‘yinda maydonga tushib, 34 ta gol urgandi.
Ammo Ronaldo va "Barselona" o‘sha muvsum 90 ochko bilan chempionlikni qo‘lga kirita olmagan.
4-o‘rin: Romario
Jamoadagi yillar: 1993-1995 yillar.
O‘yinlar va gollar: 97 - 66.
Unvonlar: ikkita chempionlik va Ispaniya Superkubogi.
Ronaldodan uch yil oldin, xuddi shu yo‘nalishda (Gollandiyaning "PSV" dan) yana bir braziliyalik Kataloniyaga yetib kelgandi. Romario ziyofatlarni, karnavallarni yaxshi ko‘rardi, yarim kun uxlardi va mashg‘ulotlarni yomon ko‘rardi.
Ammo bu yigitda ajoyib maqsad tuyg‘usi bor edi, u buni "Barselona"da to‘liq amalga oshirdi. Forvard hech qachon Yevropada ildiz otmagan va uning erkinligi Kataloniya poytaxtida taklif qilingan katta puldan qimmatroq bo‘lib chiqdi - atigi bir yarim mavsumdan keyin u vataniga jo‘nab ketdi.
3-o‘rin: Neymar
Jamoadagi yillari: 2013-2017.
O‘yinlar va gollar: 186 - 105.
Unvonlar: ikkita chempionat, uchta kubok, Ispaniya Superkubogi, Chempionlar Ligasi, UYEFA Superkubogi, Klublar o‘rtasidagi jahon chempionati.
Neymar jahon futboli "Olimpusi"da Messi va Krishtianuning vorisi va iqtidorli yulduz maqomida "Barselona"ga ko‘chib o‘tdi.
U klubda yanada mashhur bo‘ldi: Neymar - Messi - Suares triosi dunyodagi eng yaxshilaridan biriga aylandi.
2-o‘rin: Rivaldo
Jamoadagi yillari: 1997-2002.
O‘yinlar va gollar: 235 -130.
Unvonlar: ikki chempionlik, Ispaniya kubogi, UYEFA Superkubogi.
"Barselona"dagi dastlabki ikki mavsum Rivaldoni ikki karra Ispaniya chempioniga aylantirdi, ammo keyin Kataloniya klubida og‘ir damlar boshlandi.
Rivaldo "Barselona"ning oyoqqa turishiga yordam berdi, ba’zida o‘yinlarni yolg‘iz o‘zi hal qildi. O‘sha Rivaldoning qo‘lidan barcha ish kelardi.
1-o‘rin: Ronaldinyo
Jamoadagi yillari: 2003-2008.
O‘yinlar va gollar: 214 - 94.
Unvonlar: ikkita chempionlik, ikkita Ispaniya Superkubogi, Chempionlar ligasi.
Rivaldo ketganidan so‘ng ko‘p o‘tmay, Frank Raykard boshchiligidagi "Barselona" Yevropa futbolida yetakchilik maqomini tiklay boshladi. Va o‘sha buyuk jamoaning asosiy ijodkorlaridan biri Ronaldinyo edi.
“Barselona” futbolchisi sifatida “Oltin to‘p”ni qo‘lga kiritdi va bir marta “Santyago Bernabeu”dagi dubldan so‘ng jilmayib turgan braziliyalik “Real Madrid” muxlislari tomonidan olqishlarga sazovor bo‘ldi! "El-Klasiko" tarixida bunday voqea bir marta yuz bergan.
Mirjalol Pardaboyev tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
