Angliyada yozgi transfer oynasi ochilishi bilan “Manchester Siti” va “Liverpul” o‘z safiga ikki top futbolchilarni qo‘shib oldi. “Shaharliklar” bir necha mavsumdan beri futbol jamoatchiligi e’tiborida bo‘lgan Erling Xolandni sotib olgan bo‘lsa, “qizillar” Urugvay terma jamoasi forvardi Darvin Nunyes bilan shartnoma imzoladi. Shu sabab bugun biz APL grandlarining mazkur transferlari haqida batafsil to‘xtalmoqchimiz.
"Manchester Siti" APLning so‘nggi mavsumida 99 ta gol urdi, "Liverpul" - 94. Bu ko‘rsatkich bo‘yicha mazkur jamoalarning eng yaqin ta’qibchi "Chelsi" bo‘lib, londonliklar 76 bor raqiblar darvozasini ishg‘ol qildi. Shunga qaramay, “Manchester Siti” ham, “Liverpul” ham yangi forvard sotib olishga qaror qildi. Erling Xoland va Darvin Nunyes yangi jamoalariga barcha to‘lovlarni hisobga olgan holda 100 million yevrodan ko‘proqqa tushdi. Qizig‘i, transfermarkt nashrining yozishicha, Nunyesning tovon puli avvaldan yuqoriroq bo‘lgan, ammo norvegiyalik haqida bunday deya olmaymiz.
Garchi ikkala klub ham hujumchilar uchun juda ko‘p pul ajratgan bo‘lsalar-da, hali ikki forvarddan qanchalik foydalana olishi noma’lum.
"Manchester Siti" tayyor yulduzni sotib oldi. Balki Erling Xoland top-bo‘lmagan klublarda eng yaxshi futbolchi bo‘lgandir. Sababi “Borussiya D”ga hurmat saqlagan holda shuni aytishimiz mumkinki, nemis klubi Chempionlar ligasida g‘alaba qozonishga da’vogar emas edi. Ammo, nima bo‘lgan taqdirda ham, Xoland jahon darajasidagi futbolchi hisoblanadi. Deyarli hamma yangi mavsumda Xolanddan ajoyib o‘yin kutadi. Norvegiyalik allaqachon Germaniya chempionati va Chempionlar ligasida o‘z darajasini ko‘rsatgan. Uning fonida Nunyesdan ko‘p narsa kutilmasligi mumkin. Ha, Darvin o‘tgan mavsum ko‘p gol urdi, lekin bu Portugaliya chempioantida yuz berganini esdan chiqarmaslik kerak. Qolaversa, urugvaylik futbolchi faqatgina bir mavsumgina muvaffaqiyatli o‘ynadi. Xoland esa “Zalsburg”da o‘ynab yurgan paytdayoq Chempionlar ligasida gollar urib, Yevropani hayratda qoldirgan edi.
Balki, klublar o‘zlarining xaridlariga turlicha munosabatda bo‘lishi ham mumkin. Ehtimol, “Manchester Siti” Xolandni asosiy tarkib futbolchisiga aylantirar?! Sababi, “shaharliklar” safidan unga raqobatchilar deyarli yo‘q. Nunyesga kelsak, qimmat bo‘lishiga qaramay, hech kim unga asosiy tarkibdan joyni kafolatlamagan. Sadio Mane ketgan taqdirda ham mersisaydliklar uch o‘rin uchun hujum chizig‘ida beshta kuchli futbolchi bor. Shu bilan birga, Salohning asosiy tarkib futbolchisi deb qarasak, ikkita pozisiya uchun jami to‘rtta ijrochi kurash olib boradi. Albatta, kelgusi mavsumdagi tig‘iz taqvim Nunyesning foydasiga ishlaydi, shuning uchun u ko‘proq o‘yin amaliyotiga ega bo‘lishiga shubha yo‘q. Biroq urugvaylik futbolchi mavsum boshida zaxira o‘yinchisi bo‘lishi ehtimoli ham bor.
Ingliz futboliga qaysi futbolchi tez ko‘nikishi mumkin? Nunyesda moslashish uchun vaqt ham imkoniyat ham yetarli. Bu esa uning foydasiga ishlashi tayin. Xoland dastlabki o‘yinlardanoq o‘zini ko‘rsatishi kerak. Bu shuni ko‘rsatadiki, Germaniya to‘purarlariga Angliyada har doim ham oson bo‘lmaydi. Mavsumlarning birida Bundesligada 28 ta gol urgan (Xolandning eng yaxshi natijasi 27 ta), lekin bu natijani Premyer-ligada takrorlay olmagan Timo Vernerni esdan chiqarmaslik kerak.
Transferlarning muvaffaqiyatiga ta’sir qilishi mumkin bo‘lgan yana bir jihat bor. Nunyes tizimga tezda moslashishi va kuchli uchlikdan joy topishi kerak. Qolversa, dastlabki yillardanoq undan eng yaxshi to‘purar nomini kutish shart emas. Xolandga kelsak, undan faqat bitta natija kutiladi - "Manchester Siti"ning to‘purari. Shu bilan birga, Xosep Gvardiolaning tizimida “ yolg‘on to‘qqizlik” bo‘lgan, bu esa yangi mavsumda “shaharliklar”ning o‘yin tizimida o‘zgarish ko‘rishimiz mumkin.
Xolandda Nunyesga qaraganda ko‘proq bosim bo‘ladi va bu urugvayliklarning foydasiga ishlaydi. Boshqa tomondan, janubiy amerikalik shuni tushunishi kerakki, agar Xoland to‘purarlik mahoratini namoyish etishni boshlasa, matbuot "Benfika" sobiq hujumchisining transfer narxiga ishora qilib, undan ham xuddi shunday natijani talab qiladi. Nima bo‘lganda ham Nunyes bo‘shashmasligi kerak.
Albatta, qog‘ozda Xoland raqibiga qaraganda kuchiroq. Biroq, Nunyesning moslashishi uchun barcha narsa bor. Agar norvegiyalik futbolchi "Manchester Siti" hujumlari yetakchisiga aylanishi kerak bo‘lsa, Nunyes muvaffaqiyatga erishish uchun top hujumchilar orasidan o‘z o‘rnini topishi kerak bo‘ladi.
Buxoro
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
