Sadio Mane "Liverpul"ni tark etdi. Senegallik futbolchi faoliyatini "Bavariya"da davom ettirishga qaror qildi. Achinarlisi shundaki, “qizillar” safidagi Saloh, Mane va Firmino kabi futbolchilardan tashkil topgan super uchlik endi yo‘q. Shu sabab bugun biz Manening hamda “Liverpul”ning kelajagi haqida biroz suhbatlashishga qaror qildik.
Sadio Manening “Liverpul”ni tark etishi Chempionlar ligasi finalidan keyin ma’lum bo‘ldi. Shu uchrashuvdan keyinoq senegallik sheriklari bilan xayrlashib, klub rahbariyatidan ketish uchun ruxsat so‘ragani haqida mish-mishlar paydo bo‘ldi. Mersisaydliklar Maneni jamoada olib qolish uchun ortiqcha harakat qilmadi. Senegallik futbolchining ingliz klubi bilan shartnomasi kelasi yilning yozida yakuniga yetadi. Shu sababdan Sadioning bu qarori “qizillar” rahbariyatiga juda ham ma’qul kelgan bo‘lsa kerak.
Mane faoliyatining eng yaxshi yillarini aynan "Liverpul"da o‘tkazgan. Uni 30 yoshida boshqa klubga ketishini tasavvur qilish qiyin. Chunki u butun faoliyati davomida “qizillar” safida o‘ynagandek tuyuladi. Albatta, Germaniyada boshqa atmosfera bor, bu Manening tezroq tiklanishiga imkon beradi. Shunga qaramay, senegallik “Enfild”da ko‘rsatgan o‘yinlarini Bundesligada ham namoyish etishi dargumon.
Mane uchun "Liverpul"da raqib jamoalardan tashqari, boshqa bir konkurent ham bor edi. Senegallik forvard uchun eng omadsizlik — faoliyati davomida Saloh o‘ynash bo‘lgan, bizningcha. Ha, to‘g‘ri ular birgalikda mersisaydliklarni g‘alabalar sari yetaklashdi, odatdagidan ko‘p gol urdi va Klopp jamoasini haqiqiy liderga aylantirdi, lekin hamma vaqt muxlisoar misrlikni yetakchi va kuchliroq futbolchi deb hisoblar, Sadio esa doimo chetda qolar edi. Shu sababli Mane hech qanday shaxsiy mukofotga da’volik qilmadi. Hatto Afrika qit’asida ham Saloh sobiq jamoadoshiga nisbatan ko‘proq e’tirofga sazovor bo‘lgan. Senegallik esa bu yil o‘zining hamkor-raqobatchisining “burnini ikki marta yerga ishqab qo‘ydi”: Mane Senegal bilan birga Afrika kubogi finalida Misr ustidan g‘alaba qozondi va Qatarda bo‘lib o‘tadigan jahon chempionati uchun yo‘llanmani yana o‘sha Misrdan tortib oldi.
Yurgen Klopp Maneni ishontira oldi va u kimlar uchun emas, “Liverpul” uchun o‘ynashni boshladi. Biroq, ikkala afrikalikning ham shartnomasi tugashi arafasida vaziyat keskinlashishi mumkin edi. Natijada Mane ketishga qaror qildi va endi kiyim almashtirish xonasidagi vaziyat biroz tinchib qolsa kerak.
O‘yin nuqtai nazaridan, "Liverpul" Manening ketishiga tayyor edi. Ayni paytda senegallikka o‘rinbosar topish qiyin emas. Salah - Firmino - Mane super triosi yondirayotgan paytda mersisaydliklarda muammo bor bo‘lgan, chunki jamoada ularning biri o‘rnini bosadigan hech kim yo‘q edi. Klopp uzoq vaqt davomida sifatni yo‘qotmagan holda bu uchlikdan biriga o‘rinbosar qidira boshladi. Starrij, Solanke, Origi nemis mutaxassisini ishontira olmadi, Shakiri va Minamino ham Liverpulga keldi, Oksleyd-CHemberlen sinab ko‘rildi, akademiyadagi yoshlarga imkoniyat berdi. Biroq, hech qaysi bu futbolchilarga o‘rinbosar bo‘la olmadi.
Shunga qaramay Klopp izlagan “xazinasini” topdi. Birinchi bo‘lib Firminoni zaxira o‘rindig‘iga o‘tirdi. Uning o‘rniga qanotlarda ham, maydon markazida ham o‘ynay oladigan Jota keldi. Qishda "Liverpul" Luis Diasni sotib oldi va bu transfer ham muvaffaqiyatli bo‘ldi. Kolumbiyalik futbolchi jamoani kuchaytirdi. Natijada yozga kelib, “Liverpul” tarkibida Saloh, Jota va Dias, shuningdek, jamoaga istalgan paytda yordam bera oladigan Firmino bor edi. Mersisaydliklar shu bilan to‘xtab qolmadi. Ular yozgi transfer oynasi ochilishi bilan yosh Darvin Nunyesni “Benfika”dan sotib oldi. Urugvaylik futbolchiga asosiy tarkibdan joy kafolatlanmagan, lekin usiz ham “Liverpul” hujumi kuchli va yuqori o‘rinlar uchun kurashishga tayyordek ko‘rinmoqda.
Xulosa qilib aytganda, vaziyat deyarli ideal bo‘lib chiqdi. "Liverpul" shartnomasi bir yildan keyin yakuniga etgan faxriy futbolchi bilan xayrlashdi va bir necha o‘n million yevro ishlab olishga muvaffaq bo‘ldi (40 million yevro). Ayni vaqtda jamoada unga o‘rinbosar tayyor. Ha, jamoaning asosiy yulduzi Saloh endi erkin nafas olishi mumkin bo‘ladi.
Qog‘ozda "Liverpul" Manening ketishidan umuman yutqazmagandek ko‘rinadi. Ammo, bu shunchaki taxminlar, xolos. Yangi mavsum boshlansa, vaziyat qay darajada to‘g‘ri yoki noto‘g‘ri ekanligiga guvoh bo‘lamiz.
Jamshidjon Mahmudov tayyorladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
