Futbol rivojlangani sari o‘yinchilar ham nisbatan tezroq voyaga yetib bormoqda. Bugun biz 18 ga to‘lib-to‘lmagan ko‘plab yulduz nomlarni taniymiz. Quyida «Transfermarkt» portali tomonidan eng yuqori baholangan yosh futbolchilarni sanab o‘tmoqchimiz.
10. Yugo Ekitike
Yoshi:19
Pozisiyasi: hujumchi
Klub: «Reyms»
Millati: fransuz
Narxi: 25 million funt
Ha, ko‘rib turganingizdek «Nyukasl» qimmatligi borasida dunyoda 10 o‘rinda turuvchi bolakayni o‘ziniki qilmoqchi. Ortda qolgan mavsumda Yevropa bo‘ylab hech bir o‘spirin Ekitikedan ko‘ra ko‘p gol urmagan edi.
9. Jovanni Reyna
Yoshi:19
Pozisiyasi: yarim himoyachi
Klub: «BVB»
Millati: amerikalik
Narxi: 31 million funt
Sobiq «Manchester Siti» yulduzining og‘li yaqin orada omma e’tiboriga tushgandi. Unga «shaharliklar» qiziqish bildira boshlagan. Erling Xolandni otasi ham bir paytlar «Siti» sharafini himoya qilgan. Kim biladi deysiz, balki bir kun kelib, o‘g‘illar ham «Manchester Siti»da birlashar. Ha, buni inkor etib bo‘lmaydi.
8. Yeremi Pino
Yoshi: 19
Pozisiyasi: vinger
Klubi: «Vilyarreal»
Millati: ispan
Narxi: 36 million funt
2021 yilning Yevropa Ligasi finalida «MYU»ga qarshi maydonda Yeremi Pino ham bo‘ladi. U bu orqali Yevrokuboklarda qatnashgan eng yosh futbolchiga aylangandi. Bugunga kelib, Pino Ispaniya va Yevropaning yorqin kelajagi sifatida bo‘y ko‘rsatmoqda. «Vilyarreal»ga esa uni saqlab qolish oson bo‘lmaydi.
7. Eduardo Kamavinga
Yoshi: 19
Pozisiyasi: yarim himoyachi
Klubi: «Real»
Millati: fransuz
Narxi: 50 million funt
Kamavinganing shu yoshida «Real» safida harakat qilayotgani, sizga uning darajasidan darak beradi. 19 yoshida YECHL g‘olibiga aylangan futbolchi, tez orada Fransiya terma jamoasida Pol Pogbaning o‘rniga ega chiqadi.
6. Ansu Fati
Yoshi: 19
Pozisiyasi: hujumchi
Klubi: «Barselona»
Millati: ispan
Narxi: 52 million funt
Yana bir ispan iste’dodi 19 yoshda bo‘lishiga qaramay, «Kamp Nou»da 16 yoshidan beri doimiy o‘yin amaliyotiga ega bo‘lib kelmoqda. «Barselona» tarixidagi ikkinchi eng yosh futbolchi, hozirga qadar jamoa safida 58 dan ortiq o‘yin o‘tkazgan. Ammo so‘nggi paytda uni jarohatlar qiynab qo‘ygandi.
5. Gavi
Yoshi: 17
Pozisiyasi: yarim himoyachi
Klubi: «Barselona»
Millati: ispan
Narxi: 54 million funt
Gavi «Barselona»ning yana bir javohiridir. U ushbu ro‘yxatdagi o‘yinchilar ichida eng yoshi ham sanaladi. Allaqachon Ispaniya terma jamoasi safida harakat qilayotgan futbolchining kelajagi yorqin deb qaraladi.
4. Jamal Musiala
Yoshi: 19
Pozisiyasi: yarim himoyachi
Klubi: «Bavariya»
Millati: nemis
Narxi: 58 million funt
Musiala «Bavariya»dagi so‘nggi 12 oyni ajoyib o‘tkazdi. Yosh futbolchi 30 ta o‘yinda 5 ta hamda 5 ta assistga mualliflik qilgandi. 16 yoshida «Chelsi» akademiyasini tark etgan talant, Germaniyadan qo‘nim topadi. Musiala shuningdek, Angliyadan ko‘ra, Germaniya terma jamoasi a’zoligini ma’qul ko‘rgandi.
3. Florian Virts
Yoshi: 19
Pozisiyasi
Klubi: «Bayer Leverkuzen»
Millati: nemis
Narxi: 63 million funt
Aql bovar qilmas futbolchi! «Kyoln»dan arzimagan mablag‘ga sotib olingan futbolchi «Bayer Leverkuzen» tarixidagi eng yaxshi xaridga aylandi. Virts «Die Werkself» safida hozirga qadar 78 ta o‘yinda 22 ta assistga mualliflik qilgan.
2. Pedri
Yoshi: 19
Pozisiyasi: yarim himoyachi
Klubi: «Barselona»
Millati: ispan
Narxi: 72 million funt
Gavi bilan birgalikda Pedri yangi Xavi-Inyesta erasini boshlab berayotgan bo‘lishi mumkin. Pedri o‘z tengqurlari ichida ajralib turadi. Yarim himoyachi allaqachon terma jamoada 12 ta o‘yinda maydonga tushishga ulgurdi.
1. Jud Bellingem
Yoshi: 18
Pozisiyasi: yarim himoyachi
Klubi: «BVB»
Millati: ingliz*
Narxi: 75 million funt
Ro‘yxatning yetakchisi Angliya termasi a’zosi Bellingemdir. Biz bugun sobiq «Birmingem Siti» a’zosining qanday darajaga chiqqanini juda yaxshi bilamiz. 18 yoshli futbolchi yaqin orada yangi jamoaga yo‘l olsa kerak. Bellingem 15 marta Angliya termasida harakat qilishga ulgurgan.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
