Mavsum-2021/2022da Yevropa milliy chempionatlarida eng yaxshi hujumga aylangan va 2022 yilda barchadan ko‘p gol urgan futbolchilar haqida gaplashamiz. Bunda forvardning joriy yilda bitta o‘yinda o‘rtacha nechta gol urganiga ahamiyat qaratamiz.
5-o‘rin. Chiro Immobile ("Lasio") — 0.84 gol
Immobile Italiya chempionatining so‘nggi mavsumlarida yuqori barqarorlik namoyish etayotgan futbolchi hisoblanadi. U o‘tgan mavsumda "Lasio" safida barcha musobaqalar doirasida 32ta gol urishga muvaffaq bo‘ldi. Italiyalik futbolchi 2022 yil boshidan buyon barcha musobaqalar doirasida 19ta bahsda ishtirok etib, 16ta gol muallifiga aylandi. U gollarining ikkitasini Italiya terma jamoasi safida urdi. Bir uchrashuvda — 0.84 gol.
4-o‘rin. Darvin Nunyes («Benfika»/«Liverpul») – 0,84 gol
Darvin Nunyes «Benfika» safida ajoyib o‘yinlaridan so‘ng top klublar unga qiziqish bildira boshlashdi. Futbolchi uchun kurashda «Liverpul» dadillik namoyish etib, uni 85 million funt sterlingga xarid qildi.
Nunyes mavsum-2021/2022da «Benfika» tarkibida barcha musobaqalar doirasida 34ta gol urishga muvaffaq bo‘ldi. Darvin ham Immobile kabi 2022 yilda o‘z hisobiga 19ta o‘yinda 16ta gol yozdi. Bir uchrashuvda — 0.84 gol.
Uning Premyer-ligadagi o‘yinlarini kuzatish qiziq bo‘ladi. Unga omad tilaymiz.
3-o‘rin. Robert Levandovski («Bavariya») – 0,95 gol
Ayni paytda jahon futbolida Robert Levandovski kabi yuqori barqarorlik namoyish etayotgan hujumchi topish qiyin. Polshalik forvard barcha musobaqalar doirasida 50ta gol urishga erishdi. Polsha terma jamoasining Qatar-2022 yo‘llanmasini qo‘lga kiritishda "Bavariya" o‘yinchisining hissasi ulkan bo‘ldi. Levandovski o‘tgan mavsumda kiritgan 50ta to‘pining 20tasini 2022 yilda urdi. Polshalik futbolchi bu gollarni 21ta bahsda urganini inobatga olsak, uning bitta o‘yinda kiritgan to‘plari soni 0,95ga teng bo‘ldi.
Kelasi oyda 34 yoshga kiradigan Robertga "Barselona" qiziqish bildirayotgani bejiz emas. Uning "Kamp Nou"ga ko‘chib o‘tishi hozirda aniq emas. Ammo u qayerda o‘ynamasin, ko‘p gol urishda davom etishiga shubha yo‘q.
2-o‘rin. Karim Benzema («Real») – 1,04 gol
Karim Benzema «Real»ning La liga va Yevropa chempionlar ligasida g‘olib chiqishida juda katta hissa qo‘shdi. U deyarli har bir bahsda o‘ta muhim gollarni urishga erishdi. Fransiyalik futbolchi barcha musobaqalar doirasida 46 o‘yinda ishtirok etib, 44ta gol urdi. Ayniqsa, 2022 yilning o‘zini olib qaraydigan bo‘lsak, uning samaradorligi yanada yuqori bo‘ldi — 23 o‘yinda 24 gol (bir o‘yinda 1,04ta gol). Bejizga uning "Oltin to‘p"ni qo‘lga kiritishi taxmin qilinmayapti.
1-o‘rin. Kilian Mbappe (PSJ) — 1,09 gol
Tezkor va chaqqon harakatlari, samarali driblinglari va gol sezish qobiliyati orqali Kilian Mbappe mavsum-2021/2022da barcha musobaqalar doirasida 39ta gol urdi. Ushbu yilda esa 23 yoshli futbolchi 22 o‘yinda qatnashib, 24 gol muallifiga aylandi. Shuningdek, u 2022 yilda Fransiya terma jamoasi tarkibida 3ta gol urishga erishdi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
