"Barsa"ga o‘tish uchun Levandovski maoshini pasaytirishga rozi bo‘lgan. Bunday sharoitda shartnoma ikkinchi mavsumdan keyin bekor qilinishi mumkin.
Robert Levandovski nihoyat Barselonaga ko‘chib o‘tdi. Transferning asosiy tafsilotlari ma’lum. Buning uchun klub qancha to‘laydi? Insayder Toni Xuanmarti kataloniyaliklar polyakni 45 million yevro evaziga sotib olayotganini yozmoqda. Yana 5 million yevro bonuslar hisobida o‘tadi. Shartnoma 2025 yilgacha mo‘ljallangan va yana bir mavsumga uzaytirilishi ham mumkin.
Xo‘sh, bunda uning maoshi qancha bo‘ladi?
Robert yiliga 9 million yevro evaziga uch yillik shartnoma imzolaydi. U jamoadagi eng ko‘p maosh oluvchi futbolchiga aylanadi. Ammo bu ko‘rsatkich "Bavariya"da mavsumiga 12 million yevroga teng edi. Shu sababli bu Leva uchun juda ham yuqori ko‘rinmasligi mumkin. Shartnoma tuzilish jarayoni ham qiziq. Jerar Romeroning xabar berishicha, "Barsa" unga ikki maxsus bandni kiritgan.
• Klub tovon puli evaziga ikkinchi mavsum oxirida Levandovski bilan shartnomani bekor qilishi mumkin. Biroq bu mablag‘ oshkor etilmadi, ammo “Barsa” futbolchi jarohat olgan taqdirda bu bandni kuchga kiritadi. 2024 yilda polyak 35 yoshga to‘ladi. Bu ham albatta, rejalar o‘zgarib ketishiga sabab bo‘lishi mumkin.
Agar Levandovski jamoada qolsa, uning uchinchi yilidagi maoshi taxminan 50 foizga tushadi. Agar "Barselona" buni yana bir mavsumga uzaytirish variantini faollashtirsa, Robertning maoshi yana kamayadi. Bu yo‘lda har uchala tomon ham vaziyatga eng yaxshi yechim topishni xohlashdi. Robert boshini baland ko‘targan holda ushbu yangi vazifani bajarishga loyiq albatta. Romeroning so‘zlariga ko‘ra, Robert tez orada "Barsa"ning AQSHdagi mavsumoldi safari uchun jamoaga qo‘shiladi. Agar hammasi yaxshi bo‘lsa, polyak aynan Mayamida tibbiy ko‘rikdan o‘tadi.
Barsa transfer uchun pulni qayerdan oladi?
"Barselona" 60 million yevroni Rafinyaga sarflab yuborganidan keyin ham to‘xtamoqchi emas. Kataloniyaliklarning navbatdagi maqsadi "Sevilya" himoyachisi Jyul Kunde bo‘ldi. Yaqin kelajakda "Barsa" ikkinchi iqtisodiy dastakni ishga tushiradi - keyingi 25 yil uchun televideniye huquqlarining 15 foizi, ya’ni 400 million yevro foyda. Albatta, OAVdan tushayotgan foyda klub iqtisodiyotini ancha mustahkamlaydi.
Shu bilan birga, "Barselona" La Liganing qat’iy FFL talablariga javob berishi kerak. Muammo aynan shu yerda yuzaga keladi. Robertni ro‘yxatdan o‘tkazish uchun yulduz futbolchilardan biri zudlik bilan sotilishi kerak. Yagona da’vogar mavjud. Lekin de Yong umuman ketishni istamayapti. To‘g‘ri, insayder Jerar Romeroning yozishicha, ular allaqachon "Manchester Yunayted" bilan kelishib olishgan. Bunga faqat Frenki qarshi, xolos. “Barselona” undan 20 million yevroga yaqin qarzdor.
Marca nashrining yozishicha, Frenki sotilmasa, Robertni ro‘yxatdan o‘tkazib bo‘lmaydi. Insayder Shay Lugassi Levani sotib olish uchun "Barsa"ning yo‘llari kam ekani haqida yozmoqda. Voqealar rivojini kuzatishda davom etamiz.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
