Minsk yig‘ini to‘g‘rida jamoamiz sardori Davronjon Ergashevning fikrlari bilan qiziqdik.
- Minsk shahriga yetib kelganimizga va mashg‘ulotlarni boshlaganimizga bir hafta bo‘ldi. Har kuni ikki mahaldan shug‘ullanyapmiz. Ertalab futbolchilarga jismoniy yuklamalar berilayotgan bo‘lsa, kechki mashg‘ulotda asosan to‘p bilan ishlab, texnik-taktik tayyorgarlikka e’tibor qaratilmoqda. Yig‘in doirasidagi ilk nazorat o‘yinimiz Belarusning yetakchi jamoalaridan biri «Energetik BGU»ga qarshi o‘tkazildi. Murabbiylarimiz mazkur o‘yinda yig‘inda qatnashayotgan barcha futbolchilarga imkoniyat berdi. Chunki Superliganing birinchi davrasidagi so‘nggi o‘yindan keyin nazorat bahsida ham maydonga tushmagandik. Tarkibdagi barcha o‘yinchilarning holatini bilish uchun «Energetik BGU»ga qarshi bahs kerakli edi. Garchi yig‘in vaqtida ikki mahal mashg‘ulot o‘tkazayotgan bo‘lsakda, o‘rtoqlik o‘yinida barcha jamoadoshlarim borini berib harakat qildi. Sardor sifatida shaxsan menga maydonga tushgan barcha o‘yinchilarning harakatlari ma’qul keldi.
- Agar imkoniyat bo‘lsa nafaqat qishgi, balki yozgi yig‘inni ham xorijda o‘tkazishning foydali tomonlari juda ko‘p. Oddiy misol, Minsk yig‘in uchun juda qulay shahar. Ayniqa, ob-havosi bilan. Qolaversa, Belarus UYEFAga a’zo hisoblanadi. Klublari Yevropa musobaqalarida ishtirok etadi. O‘z-o‘zidan ko‘rinib turibdiki, bunday raqiblar bilan o‘rtoqlik uchrashuvlarida maydonga tushish har qanday jamoa uchun faqat va faqat foydali bo‘ladi.
- Muxlislarga nima deyishim mumkin? «Bunyodkor»ning sodiq va qadrdon ishqibozlariga bir narsani ayta olaman, mavsumning ikkinchi qismini birinchisiga nisbatan yaxshiroq o‘tkazishga, Chempionlar ligasi uchun beriladigan yo‘llanlarning biriga ega chiqishga harakat qilamiz. Buning uchun biz futbolchilar qo‘limizdan kelgan barcha ishni bajaramiz!
- Sardor sifatida bizga shunday yig‘inni tashkillashtirib bergani uchun klub rahbariyatiga jamoadoshlarim nomidan minnatdorchilik bildiramiz. Biz bunday e’tiborga natijalarimiz orqali munosib tarzda javob beramiz! - deyiladi "Bunyodkor" klubi rasmiy saytida.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
