To‘liq ismi: Mateus Lima Kruz
Tug‘ilgan sanasi: 1993 yil 18 yanvar (29 yosh)
Tug‘ilgan joyi: Iturama, Braziliya
Bo‘yi: 1,87 m
Pozisiyasi: Hujumchi
Minas-Jeraisning Iturama shahrida tug‘ilgan Mateus Lima “Gremio Baruyeri” yoshlar jamoasi bitiruvchisi edi. "Sport Baruyeri"da qisqa muddatli ijaradan so‘ng u professional debyutini 2012 yilning 17-noyabrida B Seriya chempionligi uchun "Avai"ga qarshi o‘z uyidagi o‘yinda nishonlagan.
2013yilning 4-fevralida Mateus Lima “Sport Resifi”ga ko‘chib o‘tgan.Keyinchalik u 10-dekabrda Guarani safiga qo‘shilgan.
2014 yilning 16-yanvarida Mateus Lima “Luverdense” bilan shartnoma imzoladi. U o‘zining professional faoliyatidagi debyut golini 19-noyabr kuni kiritdi. O‘sha o‘yinda uning jamoasi“Amerika Mineiro”ga o‘z uyida 1:2 hisobida mag‘lub bo‘ldi.
2015 yil 20-fevralda Mateus Lima “Operario Ferroviario” bilan shartnoma tuzishga rozi bo‘ldi. U Campeonato Paranayensening yil chempioni bo‘lgan, ammo kamdan-kam hollarda asosiy tarkibda maydonga tushgan.
2015yil iyun oyida Mateus Lima Ako Stoykov, Diyego Martins va Fatjon Sefa ketganidan keyin Albaniya chempioni “Skënderbeu Korche” bilan shartnoma imzoladi. 16 iyun kuni o‘zining Yevropadagi norasmiy debyutida Lima Ruminiya jamoasiga qarshi 2:1 hisobida g‘alaba qozongan o‘yinda gol urdi. Debyutda gol urganiga qaramay, u UYEFA Chempionlar Ligasining birinchi saralash bosqichi uchun "Skënderbeu"ning qaydnomasiga kiritilmagan, chunki u o‘z o‘yinlari bilan murabbiyi Mirel Xosani ishontira olmagan.
2015 yilning iyulida, “Skënderbeu Korche” bilan atigi bir oy o‘tgach, Mateus klubni tark etdi va “Kukesi” bilan shartnoma imzoladi. 2015-16 yilgi mavsumda u 27 liga o‘yinida 7 ta gol urdi va Albaniya kubogida uchta gol kiritgan.
2016 yilning iyul oyida Mateus Lima "Santos"ga qo‘shildi va B-jamoasi a’zosi bo‘ldi. Ammo birorta o‘yinda maydonga tushmagan.
2017 yil yozgi transfer oynasining so‘nggi kunida Mateus Lima Serbiya Superligasi vakili “Borac Chachak” bilan shartnoma imzoladi.
2018 yilning yozida Mateus Lima Xorvatiya Birinchi Futbol Ligasi vakili “Slaven Belupo” bilan ikki yillik shartnoma imzoladi.
2020 yil 17 avgustda “Apoel Nof HaGalil” bilan shartnoma imzolangan. Jamoa tarkibida 30 o‘yin o‘tkazib, 9 golga mualliflik qilgan. Hujumchining so‘nggi jamoasi “Apoel Rishon LeZion” hisoblnadi. Futbolchi Isroil klubida 39 o‘yinda 7 gol urishga muvaffaq bo‘lgan.
Futbolchi faoliyati davomida 12 klubda 258 o‘yin o‘tkazgan va 57 golga mualliflik qilgan. Shuningdek, uning hisobida 12 golli uzatma ham bor.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
