“Andijon” klubining Toshkentdagi tayyorgarlik jarayoni reja asosida davom ettirilmoqda. Futbolchilar murabbiylarning ko‘rsatmalarini to‘liq bajarishyapti.
Jamoaning ishonchli darvozabonlaridan biri Eldor Adhamov tayyorgarlik va o‘rtoqlik uchrashuvlari borasida o‘z fikrlarini bildirdi.
— Avvalo, “Metallurg” jamoasiga qarshi o‘yin haqida to‘xtaladigan bo‘lsam, bunaqa uchrashuvlar natija uchun o‘ynalmaydi, - deya gap boshladi, Adhamov. - Jismoniy og‘ir yuklamalardan so‘ng asta-sekin maydonda shug‘ullanishni boshladik. Bu Toshkentda yig‘in boshlaganimizdan keyingi birinchi o‘rtoqlik uchrashuvi bo‘ldi. Bunday bahsda kamchiliklar ko‘zga tashlanishi tabiiy hol edi. Boz ustiga aralash tarkib o‘ynadi. Hamma futbolchilar bir taymdan o‘ynadi. Mana shunaqa uchrashuvlar orqali oldingi sport formamizni tiklab boramiz. Asosiysi, bu kabi bellashuvlar xatolarni ko‘rib olish maqsadida o‘tkaziladi. Natijadan mutlaqo fojea yasash kerak emas.
— Jamoaning yozgi yig‘ini ko‘ngildagidek o‘tyaptimi?
— Birinchi yig‘inimizni tog‘da o‘tkazib, jismoniy tayyorgarlik ustida ishladik. Toshkentda texnik-taktik va to‘p bilan muomala qilish bo‘yicha o‘z ustimizda mehnat qilyapmiz. Barchasi reja bo‘yicha ketyapti. Mana shunday uchrashuvlar va mashg‘ulotlar orqali sport formamizni asta-sekin tiklab boramiz. Rasmiy bahsgacha tayyor bo‘lamiz.
— Superliga bilan pro liga klublari o‘zaro bellashganda farq qanchalik, deb o‘ylaysiz?
— Qolgan jamoalarda qanaqa bilmadimu, lekin aynan bizning klub bilan solishtirganda farq katta emas. “Metallurg” bilan bahsning birinchi bo‘limida ko‘rindiki, kerak paytda ustunlik ham qildik. Ikkinchi bo‘limda o‘zimizni xatolarimiz evaziga gollar o‘tkazdik va yigitlar jismoniy yuklamalar bilan o‘ynayotgani evaziga biroz toliqib qolishdi. Tarkibimizdagi aksariyat futbolchilar yaxshi saviyada. Deyarli farq bilinmayapti.
— Xizmatingizga boshqa klublardan ham qiziqishlar bo‘ldimi?
— Bir-ikkita jamoalar qiziqish bildirishdi. Ammo men “Andijon”da qolib jamoani Superligaga qaytarish yo‘lida yordam berishni xohlayman.
— Avgustdan mavsumning qolgan qismi davom ettiriladi. Butun e’tibor shunga qaratilgan. Nima kutyapsiz?
— Jamoamizga yangi futbolchilar kelishni boshladi. Mana, Suhrob Berdiyev qo‘shildi. Yana bir-ikkita ijrochilar qo‘shilsa ajab emas. Biz sport formamizni tiklab boryapmiz. Xudo xohlasa, mavsumning ikkinchi qismiga har tomonlama kuchayamiz. Optimal formaga qaytishimizga 100 foiz ishonaman. Bizda barchasi o‘z vaqtida boshlandi. Yuqorida aytdim, tayyorgarlikning birinchi bosqichida jismoniy yuklamalar oldik, ikkinchi yig‘inda texnik taraflama ishlayapmiz. Muxlislarimizni xursand qilishga harakat qilamiz. O‘rtoqlik o‘yini bilan rasmiy o‘yin boshqa-boshqa. Biz yanada kuchayamiz va hammasi yaxshi bo‘ladi.
“Andijon” matbuot xizmati.
OKMK
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
