"MYU"dagi bir mavsum to‘liq faoliyatidan keyin Ronaldu jamoada qolishga o‘ylanib qoldi. Afsonaviy hujumchi klub rahbariyatidan qolish uchun asosli sabablar keltirishini talab qilmoqda. Edinson Kavani jamoani tark etdi. Agarda Krishtianu ham ketadigan bo‘lsa, "qizil iblislar" markaziy hujumida haqiqiy defisit boshlanadi. U holda Erik ten Xag yangi hujumchi istab yana transferlar bozoriga kirishi kerak bo‘ladi. Quyida Ronaldusiz MYU"ning tarkibi qanday bo‘lishi mumkinligi haqida so‘z yuritiladi.
Ronaldu agarda jamoadan ketsa, baribir uning o‘rni kim bilandir yopilishi kerak. O‘sha hujumchi esa "Ayaks" vakiki Antoni bo‘lishi mumkin. Ayni damda "MYU" Ronaldu uchun juda katta mablag‘ni maosh sifatida to‘lab bermoqda. Uning ketishi esa tarkibga yosh va nisbatan ancha arzon o‘yinchilarni jalb etishga yordam beradi. Demak, quyida Ronaldusiz tuzilgan yangi tarkibga e’tibor qarating:
Darvozada: De Xea;
Himoyachilar: Lisandro Martines, Rafael Varan, Lyuk Shou va Van-Bisakka;
Yarim himoyada: Frenki De Yong, Fred va Fernandesh;
Hujumda: Antoni, Reshford va Sancho.
Bunda markaziy hujumda Antonidan tashqari, Reshfordning o‘zini hamda Elangani ham qo‘yish mumkin bo‘ladi.
Markus Reshfordni ko‘rib hayron bo‘layotgan bo‘lishingiz mumkindir. Chunki 2021-22 yilgi mavsumda bu futbolchi o‘zining yuqori darajasini namoyish eta olmadi. Shunga qaramay, shu kunlarda kechayotgan mavsumoldi o‘yinlari Reshfordga "defibrillyator" bo‘lib xizmat qilmoqda. U hujum chizig‘ining har qaysi sohasida harakat qilishga qodir. Hujumchi o‘z faoliyati davomida markaziy hujumda har uchta o‘yindan bittasida gol urishga erishib kelgan. Shunday ekan, Reshford yana qaytishi mumkin.
Markaziy hujumga mos yana bir nomzod Antoni Elangadir. Reshford kabi shvesiyalik futbolchi ham uzoq vaqt davomida qanotda foydalanib kelingan. Ammo Elanganing asl joyi markaziy hujumdir.
Antoni Marsyal operasiyasi
Marsyalni yana qaytishini tasavvur qila olasizmi? Hozir bu narsa biroz g‘alati tuyular. Ammo futbolda g‘alati voqealar ko‘p sodir bo‘lib turadi. Fransuz hujumchisi "Sevilya"dan muvaffaqiyatsizlikka uchrab qaytib keladi. Shunga qaramay, mavsumoldi o‘yinlari Marsyalga katta yordam bermoqda. Erik ten Xagda esa uni olib qolish fikri paydo bo‘lsa, ajab emas.
Brunu Fernandesh yarim himoydan chiqarib yuboriladi(mi?)
Mart oyida bo‘lib o‘tgan Manchester Derbisida Ralf Rangnik ilk bor Fernandeshdan nominal hujumchi sifatida foydalangan edi. Biroq, bu uslub ish bermaydi. "Manchester Siti" esa 4-1 hisobida g‘alabaga erishadi. Garchand mag‘lubiyatga uchralgan bo‘lsa ham, Fernandeshning hujumga chiqarilishi Erik ten Xag uchun taktik hiyla sifatida asoqtib qolishi mumkin. Ten Xag Brununing yarim himoyadagi o‘rnini o‘z hamyurti bo‘lgan van de Bekka bo‘shatib beradi. Fernandesh esa faqat kerak paytdagina maydon markaziga qaytadi. Bu esa raqib jamoani chalg‘itishga zamin yaratadi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
