Xabaringiz bor, bugun O‘zbekistonda mavsumning ikkinchi qismi uchun transfer oynasi yopiladi.
O‘z oldiga doimo yuqori maqsadlarni qo‘yadigan “Bunyodkor” mavsumning ikkinchi qismi uchun uch nafar futbolchini O‘zPFLda ro‘yxatdan o‘tkazdi. Bular – muxlislarimizga yaxshi tanish, tajribali tayanch yarim himoyachi Akbar Ismatullayev, bo‘ydor himoyachi Jasur Yoqubov va faoliyatining deyarli to‘liq qismini Rossiya premyer ligasida o‘tkazgan, yaqin-yaqingacha ham Rossiya milliy terma jamoasidan taklif olgan Pavel Mogilevets. Har uchchala futbolchi ham mavsumning ikkinchi qismida “Bunyodkor” libosida “qaldirg‘ochlar”ning “parvozi” uchun yordam beradi.
Akbar Ismatullayev 7-raqamda harakat qilsa, Jasur Yoqubov 5-raqamli libosni kiyadi. Pavel Mogilevesga 18-raqamli libos topshirildi.
MA’LUMOT UCHUN
ISMATULLAYEV AKBAR MAHKAMTOHIR O‘G‘LI
Fuqaroligi: O‘zbekiston
Tug‘ilgan sanasi: 10 yanvar 1991 yil
Bo‘yi: 180 sm. Vazni: 79 kg
Amplua: yarim himoyachi
FAOLIYATI
Futbolchilik faoliyati davomida “Paxtakor”, “Metallurg”, “Buriram Yunayted” (Tailand) klublari sharafini himoya qilgan. Superligada 129 ta uchrashuvda maydonga tushgan. O‘zbekiston milliy terma jamoasi libosini 4ta o‘yinda kiyish nasib qilgan.
SOVRINLARI
O‘zbekiston chempioni – 2012, 2014, 2015 yillar.
YOQUBOV JASUR G‘AYRATJON O‘G‘LI
Fuqaroligi: O‘zbekiston
Tug‘ilgan sanasi: 26 mart 1999 yil
Bo‘yi: 187 sm. Vazni: 80 kg
Amplua: markaziy himoyachi
FAOLIYATI
Superligada «Qo‘qon-1912», «Surxon», «Paxtakor» jamoalari safida jami 38 ta o‘yinda to‘p surgan.
SOVRINI
O‘zbekiston Superkubogi sohibi: 2022 yil
MOGILEVETS PAVEL
Tug‘ilgan sanasi: 25 yanvar 1993 yil
Tug‘ilgan joyi: Rossiya
Ampluasi: yarim himoyachi
Bo‘yi: 183 sm. Vazni: 70 kg
FAOLIYATI
Faoliyati davomida “Zenit”, “Rubin”, “Rostov”, “Ximki” va “Nijniy Novgorod” klublari safida Rossiya premyer ligasida jami 148 ta uchrashuvda maydonga tushib, jamoadoshlarining 10 ta goliga hammualliflik qilgan bo‘lsa, 4 marta o‘zi raqib posbonlarini xafa qilgan.
Pavel Mogileves mashhur italiyalik murabbiy Fabio Kapello qo‘l ostida Rossiya milliy terma jamoasi safida 3 ta uchrashuvda maydonga tushgan.
Rossiya U-21 terma jamoasi tarkibida 14 marta harakat qilgan.
SOVRINLARI
Rossiya chempioni – 2015 yil
Kumush medal sovrindori – 2013 va 2016 yillar
Rossiya Superkubogi sohibi – 2017 yil
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
