"Arsenal"ning sobiq futbolchisi Pol Merson jamoa hujumchisi Gabriel Martinelli haqida fikr bildirdi. U shunday deydi: "Martinelli juda ham yaxshi futbolchi. Umid qilamanki, u o‘z sport formasida muqim qoladi va o‘yinlarni yondirishda davom etadi. Unda braziliyaliklarga xos hamma narsa mavjud. Agarda Gabriel jarohatlardan holi qolsa, u holda yaqin kelajakda katta yulduzga aylanadi. Albatta, har narsaga vaqt kerak. Hozirga qadar uning o‘yinida faqat o‘sishni guvohi bo‘ldim".
"Arsenal" ustozi Mikel Arteta jamoa hujumchisi Nikolya Pepe kelajagi haqida fikr bildirdi. U shunday deydi: "Biz kerakli vaqtda, kerakli muloqotni amalga oshira olamiz. Shu sababli katta jamoaga ega bo‘ldik. Bu esa ayrim futbolchilarga jamoadan ketish imkonini beradi. Yoz oxiriga qadar Pepe bilan har narsa sodir bo‘lishi mumkin".
So‘nggi xabarlarda "Arsenal" o‘z himoyachisi Vilyam Salibani uzoq muddatlik shartnoma bilan "siylamoqchi" ekani aytiladi. Bu haqida "Express" nashri xabar berdi. Unda shunday deyiladi: "Saliba borasida ko‘p va aralashib ketgan xabarlar mavjud. Ammo ishonchli manbaga ko‘ra, "Arsenal" unga uzoq muddatlik bitim taklif etmoqchi. Hozirda Saliba 2024 yilga qadar shartnomaga ega. Ammo u uchun sobiq jamoalari bo‘lgan "Marsel" hamda "Barselona"ning qiziqish bildirishi, "Arsenal"ni harakatga chorlamoqda".
Mikel Arteta jamoa sardori sifatida nima uchun Martin Edegorni tanlagani haqida fikr bildirdi. U shunday deydi: "Uning bizga qo‘shilgan so‘nggi 18 oyi, o‘ta foydali edi. Martinning atrofdagilarga munosabati, muxlislarning unga bo‘lgan fikri va albatta insoniy fazilatlari, bizni shunday qaror qabul qilishga undadi. Edegor klub g‘oyalarini yaxshi tushunadi va to‘p tepish uchun hamma narsaga tayyor".
Murabbiy, shuningdek, muxlislarni hissiyotga berilmaslikka chaqirdi: "Biz yo‘limizda davom etishimiz kerak. Mavsum yaxshi boshlangani, hech narsani anglatmaydi. Endigina ikkita o‘yin o‘tkazdik. Oldimizda esa "Bornmut"ga qarshi o‘ta murakkab bahs kutmoqda. Hamma APLni qanchalik murakkab musobaqa ekanini biladi. Shu sababli bugun har narsa bo‘lishi mumkin. G‘alaba hech kim uchun kafolatlanmagan".
Ispaniyalik mutaxassis jamoaning yangi a’zosi Fabiu Viyeyradan nimalar kutayotgani haqida gapirdi. U shunday deydi: "Uning ko‘pvazifaliligi, bizning e’tiborimizni tortgandi. O‘ylaymanki, Fabiu bizga kutgan narsamizni bera oladi. Bunda eng avvalo futbolchining yangi sheriklari bilan qanday ishlashi va ko‘nikishini ko‘rib olish, keyin esa harakat qilish kerak. Men uning jamoamizga kerak futbolchi ekaniga ishonaman". Eslatib o‘tamiz, "Arsenal" bugun, Toshkent vaqti bilan 21:30da, safarda "Bornmut"ga qarshi maydonga tushadi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
