Joriy yilgi mavsumga katta o‘zgarishlar bilan kirishgan Bekobodning «Metallurg» jamoasi Superliganing ikkinchi davrasi 14-turida - Toshkent viloyati derbisida AGMK mehmoni bo‘lgandi.
O‘sha o‘ziga xos «jang»da mehmonlar yarim himoyachisi Damir Temirov tomonidan urilgan yagona - Mirjalol Qosimov uslubidagi gol Luisma Ernandes shogirdlariga g‘alaba keltirgandi. Qizig‘i, bunday goldan aynan Qosimov jamoasi aziyat chekdi. Butun bekobodlik muxlislar qahramoniga aylangan futbolchi o‘sha uchrashuv va bosh-qa bir qator qiziqarli mavzularda gapirib berdi.
- Keling, suhbatimizni shiddatli derbi haqida boshlasak.
- Tomoshabop va kurashlarga boy keskin o‘yin bo‘ldi. Chinakam Toshkent viloyati derbisi bo‘ldi. Ikkinchi davrani munosib boshlay oldik. Muxlislar va jamoadoshlarimga rahmat aytaman.
- «Metallurg» bu yil ikkita o‘yinda ham AGMKni mag‘lub etishga erishdi...
- Ha to‘g‘ri, biz har bir o‘yinga raqibdan kelib chiqib tayyorgarlik ko‘ramiz. Ularni o‘rganamiz. Murabbiylar bu borada tegishli ko‘rsatmalarni berishadi. Nasib qilsa yana muxlislarimizni mana shunday g‘alabalar bilan xushnud etamiz.
- Burchakdan to‘g‘ri raqib darvozasini ishg‘ol qildingiz. Bu qanday amalga oshdi? Maqsad to‘pni darvozaga yo‘lashmidi yoki...?
- Bilasizmi, mashg‘ulotlarda standartlar ustida ko‘p ishlaymiz. Golga kelsak, bu mana shu mashg‘ulotlar samarasi, deb o‘ylayman. Ha, omadim keldi. Umid qilamanki, bu oxirgisi bo‘lib qolmaydi. Mazkur golim tufayli jamoa-ga yordamim tekkanidan xur-sandman.
- Joriy yilgi Superliga bahslari barcha jamoalar singari «Metallurg» uchun ham oson kechmayapti. Xo‘sh, qayd etilayotgan natijalarga rahbariyat qanday munosabatda?
- Bugungi natijadan hammamiz xursandmiz, lekin turnir jadvalidagi holatimizdan qoniqish hosil qilmayapmiz. Oldinga o‘sishda davom etishimiz kerak.
- Ona shahringiz bosh jamoasi «Dinamo» ikkinchi davra arafasida sizni ort-ga qaytarmoqchi bo‘lgani qanchalik haqiqatga yaqin?
- Ha to‘g‘ri, shunday taklif bo‘ldi. Lekin bu haqda gapirishni xohlamayman.
- Ispaniyalik murabbiyning futbolchilarga qo‘yayotgan asosiy talabi nimalardan iborat?
- Umuman olganda bizdan professional bo‘lishni talab qiladi. Futbolchi sifatida o‘sishimiz va jamoa o‘yinini kuchaytirish mumkin bo‘lgan har qanday vaziyatda ko‘rsatmalarni atroflicha tushuntiradi.
- Luisma Ernandes o‘zaro suhbatlarda o‘zbek futbolchilari va Superligamiz saviyasi haqidagi fikrlari bilan o‘rtoqlashadimi?
- Bizning bor etiborimiz o‘yinimizni kuchaytirish va bo‘lajak uchrashuvlarga qaratilgan. Bosh murabbiyimiz hamisha bizga hech bir jamoadan kuchsiz emasligimizni ta’kidlaydi.
XURSHID suhbatlashdi.
Sho‘rtan
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
