Transfer yangiliklariga ko‘ra, "Arsenal" yaqin orada "Real" futbolchisi Marko Asensioni sotib olishi mumkin. Mikel Arteta jamoadagi muhitni yaxshilash va kerakli futbolchilarni sotib olish borasida izlanishlar olib bormoqda. Variantlar orasida esa Marko Asensio ham bor. Futbolchining agenti ayni damda London bo‘lib turgani aytiladi. Ha, agarda Asensio Emirates stadioniga kelsa, Arteta tarkibi yanada kuchayadi. Ammo ayni damda, bu hujumchining kelishi, jamoaning ayrim futbolchilariga muammo tug‘dirishi mumkin. Quyida Asensioning "Arsenal"ga kelishini yaxshi kayfiyat bilan kutib olmaydigan o‘yinchilar nomi keltirib o‘tiladi.
Oleksandr Zinchenko
Arteta Zinchenkoni chap qanot himoyasi uchun xarid qilgan. Ammo ukrainalik futbolchining yarim himoyadagi qobiliyatini ham unutmaslik kerak. Zinchenko Ukraina terma jamoasida yarim himoya, xususan, hujumkor chiziqda yordam berib keladi. Shu sabab "Arsenal" safida ham ayni shu pozisiyalarda ham o‘ynashni istashi aniq. Ammo Asensio o‘ninchi raqam o‘rnida katta tajribaga ega. Tabiiyki, uning darajasi Zinchenkonikiga qaraganda yuqori. Agarda "Real" futbolchisi Londonga kelsa, u holda Zinchenkoning yarim himoyada o‘ynash umidlari puchga chiqishi aniq. Bu esa sobiq "shaharliklar" vakili uchun yaxshi yangilik bo‘lmaydi.
Emil Smit-Rou
Klub tarbiyalanuvchisi o‘tgan mavsumda ajoyib daraja namoyish etgandi. Ammo yangi mavsumda, asosan zaxiradan maydonga tushirildi. Jahon chempionati o‘tkaziladigan yilda esa, tabiiyki har bir futbolchi doimiy o‘yin amaliyotiga ega bo‘lsam deydi. Smit-Rou ham. U Qatarga borishni istasa, "Arsenal"da o‘zini ko‘rsatib turishi kerak. Sautgeytning ko‘ziga yaxshi ko‘rinish oson ish emas, harxolda. Asensioning jamoaga kelishi esa Smit-Rouning shundoq ham cheklangan o‘yin vaqtini butunlay yo‘qqa chiqarib qo‘yishi mumkin.
Fabiu Viyeyra
Portugaliyalik futbolchining "Arsenal"dagi faoliyati yengil jarohat bilan boshlandi. Viyeyra APLning yangi mavsumini dastlabki ikki o‘yinida jarohat sabab qatnashmadi. "Bornmut" hamda "Fulxem" bilan bahsda esa qaydnomaga kiritilgandi. Ammo foydalanilmadi. Martin Edegorninh hozirgi formasida Viyeyraga imkon berilishi qiyin tuyuladi. Biroq, Asensio ham olib kelinsa, u holda Viyeyra batamom zaxiraga mixlanib qolishi mumkin. Bu esa hech bir futbolchiga yoqmaydi, albatta.
Reiss Nelson
"Xoffenxaym" hamda "Feyenoord" tarkibidagi nursiz o‘yinlaridan keyin, Nelson yana "Arsenal" safiga qaytdi. U bu yil 23 ga to‘ladi. Shu sabab "Arsenal"ga kerak ekanini tezroq isbotlashi lozim. Saka va Martinelli undan yoshroq bo‘lishiga qaramay, asosiy tarkibda harakat qila boshladi. Shuningdek, Smit-Rou ham tarkibni tanlab olishda Nelsondan ustun turadi. Asensioning xarid qilinishi esa, Nelsonni hammasidan ayirib qo‘yishi mumkin. Albatta, ikki pozisiyada beshinchi tanlov futbolchisi bo‘lish hech kimga yoqmaydi. Ammo "Real" yulduzini olib kelinishi Nelsonni o‘sha beshinchi darajali futbolchiga aylantirib qo‘yishi, ehtimoldan holi emas.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
