Tuxelning iste’fosi, menimcha, juda tushunarsiz qaror va agar qo‘shimcha ma’lumotlar bo‘lmasa, ahmoqona degan bo‘lardim. Hatto “Tuxelaut” degan chaqiriqlar ham yangrab ulgurmagandi-ku?
Ha, jamoa APL va YECHL ni yaxshi boshlamadi. Lekin masalan, Angliyada hali hech narsa tugagani, hatto boshlangani yo‘q – peshqadamdan atigi 5 ochko farq va hali jamoa transferlardan keyin to‘liq tarkibda birorta o‘yin o‘tkazmadi. YECHL dagi mag‘lubiyat, agar guruhning u qadar qiyin emasligi, “Milan”ham “Zalsburg” bilan durang o‘ynaganini inobatga olsak, hatto 1-o‘rin bilan chiqish mumkin.
Transferlar esa, to‘liq Tuxelning rahbarligida amalga oshgan – buni “Chelsi”ning yangi xo‘jayini Bouli o‘z intervyusida aytib o‘tgandi. Foffana va Kulibali, Kukurelya ham, Tuxelning aynan uch himoyachili sxemasiga moslashtirib sotib olingan. So‘nggi yillarda porlayotgan Ris Jeyms ham aynan 3-4-3 da top darajaga chiqdi. Romelu Lukaku aynan Tuxel tizimiga moslasha olmagani uchun ijaraga berib yuborildi. Pyer Emerik Obameyang – Tuxelning “Borussiya”dagi eski shogirdi, uni sotib olishni aynan Tuxel istadi. Nemis murabbiyi uslubiga mos shaklda yig‘ilgan tarkib kim bo‘lishidan qat’i nazar yangi murabbiy uchun qiyin bo‘lmaydimi?
To‘g‘ri, Abramovich paytida ham mavsum davomida murabbiylar almashgan va ko‘pincha vaziyat o‘nglanib, jamoa sovrinlar yutgan. Lekin u paytlarda, transferlar bilan alohida bo‘lim shug‘ullanar va sotib olingan futbolchilar odatda, har qanday murabbiy va uslubga moslashishi mumkin bo‘lardi. Eng muhimi, bir transfer oynasida 300 millionga yaqin pul sarflab, o‘sha kampaniyani boshqargan murabbiyni yozdan bir hafta o‘tib bo‘shatib yuborish – bilmadim. Abramovich ham hayron qolayotgan bo‘lsa kerak.
Buni asoslashi mumkin bo‘lgan birgina taxmin shuki, balkim, Zagrebdagi mag‘lubiyatdan so‘ng, murabbiy va rahbariyat o‘rtasida qattiq tortishuv, hatto janjal bo‘lgandir.
O‘rinbosarlarga kelsak, Pochettino va Zidan bo‘sh, Rodjers yaqinda bo‘shaydi, yana, asosiy nomzod sifatida Grem Potter tilga olinyapti. Lekin “Brayton”da ajoyib loyiha qilayotgan Potterning u yerni tark etishi achinarli bo‘lardi.
Darvoqe, Tomas Tuxel "Chelsi"ga yangi murabbiy kelishidan ertaroq ish topishi mumkin o‘ziga. Bugun boshqa bir iste’fo ham bo‘ldi - "Leypsig" Tedeskoni ishdan bo‘shatdi. Tuxel esa, bu tizimga u qadar begona odam emas.
Qahramon Aslanov.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
