O‘zbekiston futbol assosiasiyasi Hakamlar qo‘mitasining navbatdagi yig‘ilishi bo‘lib o‘tdi. Unda so‘nggi turlar doirasida bo‘lib o‘tgan uchrashuvlardagi hakamlar harakatlari ko‘rib chiqildi.
«SO‘G‘DIYONA» – «QIZILQUM» (O‘zbekiston kubogi, 1/4 final)
2022 yil 2 sentyabr kuni O‘zbekiston kubogi 1/4 final «So‘g‘diyona» – «Qizilqum» uchrashuvning bosh hakami Shavkat Nasibullayev va zaxira hakami Ravshan Abduvohidov uchrashuv yakunidan so‘ng nazoratchi tomonidan qoniqarsiz bahoga loyiq ko‘rilgan.
Hakamlar qo‘mitasi qaroriga ko‘ra:
— Shavkat Nasibullayevga nisbatan Superliga va O‘zbekiston kubogi uchrashuvlaridan 4 ta o‘yinga chetlashtirish (diskvalifikasiya) va jarima intizom chorasi;
— Ravshan Abduvohidovga Superliga va O‘zbekiston kubogi uchrashuvlaridan 3 ta o‘yinga chetlashtirish (diskvalifikasiya) va jarima intizom chorasi qo‘llanildi.
«NASAF» – «LOKOMOTIV» (O‘zbekiston kubogi, 1/4 final)
2022 yil 3 sentyabr kuni O‘zbekiston kubogi 1/4 final «Nasaf» – «Lokomotiv» uchrashuvning hakamlari G‘ayrat Jo‘rayev, Sanjar Shoyusupov, Alisher Usmonov, Abdurashid Xudoyberganov uchrashuvida xato va kamchiliklar kuzatilgan bo‘lsada, nazoratchi Zokir Qodirov tomonidan bosh hakam va zaxira hakamiga past baho, biroq yordamchi hakamlar baholari ko‘tarib ko‘rsatilgan. Ekspert hakamlar komissiyasi talabiga ko‘ra mazkur holat bo‘yicha tegishli chora ko‘rish so‘ralgani tufayli hakamlar qo‘mitasi tomonidan holat atroflicha muhokama qilindi va tegishli qaror chiqarildi.
Unga ko‘ra:
— G‘ayrat Jo‘rayevga nisbatan intizom kodeksining 2.3 bo‘limning 1-bandiga asosan takroriy past natija qayd etgani uchun Superliga va O‘zbekiston kubogi uchrashuvlaridan 3 ta o‘yinga chetlashtirish (diskvalifikasiya) va jarima intizom chorasi;
— Sanjar Shoyusupovga nisbatan ogohlantirish va jarima intizom chorasi;
— Alisher Usmonovga nisbatan ogohlantirish va jarima intizom chorasi;
— Abdurashid Xudoyberganovga nisbatan ogohlantirish va jarima intizom chorasi;
— Zokir Qodirovga nisbatan ogohlantirish va jarima intizom chorasi qo‘llanilsin.
«BUNYODKOR» – «NEFTCHI» (O‘zbekiston Superligasining 18-turi)
2022 yil 8 sentyabr kuni Superliganing 18-turi doirasidan o‘rin olgan “Bunyodkor – «Neftchi» uchrashuvning bosh hakam Aziz Asimov va zaxira hakami Artyom Kalinin uchrashuv yakunidan so‘ng nazoratchi tomonidan qoniqarsiz bahoga loyiq ko‘rilgan.
Hakamlar qo‘mitasi qaroriga ko‘ra:
— Aziz Asimovga nisbatan ogohlantirish intizom chorasi;
— Artyom Kalininga nisbatan 2 ta o‘yinga chetlashtirish (diskvalifikasiya) va jarima intizom chorasi qo‘llanilsin.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
