Levandovski yangi mavsumni yangi jamoada boshladi. U "Barselona" futbolchisiga aylandi va 13 avgust kuni o‘z debyutini o‘tkazdi. Shundan so‘ng, uni to‘xtatib bo‘lmayapti. Gol mashinasi o‘z ishini qilmoqda. Quyida Levandovskining 1 oy davomida "Barselona"da qayd etgan natijalariga to‘xtalib o‘tamiz.
2022 yilning iyul oyida "Bavariya" o‘zi uchun muhim bo‘lgan hujumchisini "Barselona"ga sotadi. Levandovskining transfer qiymati 45 million yevroga baholandi. U Bundesligada o‘ta katta figura edi. Xususan, polyak futbolchisi so‘nggi uch mavsumdan buyon "Bavariya" uchun bitta o‘yinda o‘rtacha, bittadan ko‘proq gol urib kelgan. May oyida esa Levandovski shunday degan: "Mening "Bavariya"dagi ishim yakunlandi. Men ortiq bu yerda futbol o‘ynay olmayman".
Hozirga qadar u "Barselona" safida 8 ta o‘yinda ishtirok etdi. Ulardan ayrimlarida xet-trik qayd etishga erishdi. Xavi Levandovskining "Viktoriya"ga qarshi qayd etgan xet-trigidan keyin shunday degan edi: "Uning darajasini e’tirof etish shart emas. U shunchaki gollar urmayapti. Robert qanday qilib harakatlanish, qaysi joyda, qachon va qay uslubda turish kerakligini yaxshi biladi. Shu sabab, natija bizning foydamizga hal bo‘lmoqda. Juda xursandman. U biz uchun muhim xarid bo‘ldi. Hujumdagi muammolarning yagona yechimi Roberdir".
Robert Levandovski "Elche" bilan o‘yinda dublga erishgan edi. Quyida hujumchi bilan bog‘liq statistikalar bayon etiladi.
- Levandovski "Rayo Valyekano" bilan bahsda gol ura olmagan. 0-0 bilan tugagan bahs hujumchi uchun 6,41 ballga baholangan. Shundan keyin, u 8 ta o‘yinda 11 ta gol urishga erishdi.
- Levandovski jami 629 daqiqa davomida maydonda harakat qilgan. Bu esa o‘rtacha har 57,2 daqiqada bitta gol deganidir.
- Polshalik futbolchi gollardan tashqari 2 ta assist ham ijro etdi. Bu esa uning har 48,4 daqiqada golda bevosita ishtirok etayotganini bildiradi.
- "Viktoriya"ga qarshi bahsdagi xet-trik orqali Levandovski YECHL tarixida uchta klubda xet-trik qayd etgan ilk futbolchiga aylandi ("BVB", "Bavariya", "Barselona").
- "Viktoriya"ga qarshi bahs futbolchining YECHLda ikki va undan ortiq gol urgan 21 o‘yini edi. Bu borada Ronaldu (31) hamda Messi (26) Levandovskidan ustun xolos.
- Robert YECHL tarixidagi eng yaxshi to‘purarlar ro‘yxatida 86 ta gol bilan uchinchi o‘ringa ko‘tarildi (Ronaldu - 140, Messi - 125).
- Levandovski oltita La-liga o‘yinida sakkizta gol urdi.
- Hujumchi Ispaniya ichki chempionatida uchta o‘yinda ikkitadan gol urishga erishdi.
- Levandovski bu mavsumda kuchli beshlik chempionatlarida jami 10 tadan ko‘p gol urgan to‘rtta futbolchidan biriga aylandi (Neymar, Mbappe va Xoland bilan birga).
- U "Barselona" safida o‘ng, chap va bosh bilan gol urishga erishdi. Shuningdek, u alohida-alohida bahslarda bitta, ikkita va uchta gollar urishga ulgurdi.
- Vanihoyat, 33 yoshli hujumchi "Who Scored" versiyasiga ko‘ra, La-liganing oltita turidan to‘rttasida eng eng yaxshi futbolchi deb topilgan.
Mana shunday o‘ziga xos natijalarga Levandovski bor-yo‘g‘i bir oy ichida erishdi. Mavsumning katta qismi hali oldinda. Kamiga bizda Jahon chempionati ham bor. Robertni kuzatishda davom eting!
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
