Angliya Premyer-ligasida ko‘plab gollar urilmoqda. Bundan hech qaysi o‘yin mustasno emas. Ammo ushbu voqeaning boshqa bir salbiy tarafi bor: gollar ko‘p urilmoqda, bu esa himoyachilar yaxshi ishlamayotganini anglatadi. Shunday bo‘lsada, quyida, o‘tgan 7 ta turda o‘zini yaxshi tarafdan ko‘rsata olgan 10 ta himoyachini e’tirof etmoqchimiz.
10. Oleksandr Zinchenko
«Arsenal» bu mavsumni yuqori notada boshlay oldi. Bunda esa yangi xarid qilingan Zinchenkoning ham oz bo‘lsada ta’siri bo‘ldi. Ukrainalik futbolchi o‘yinning borishini o‘zgartira olish qobiliyatiga ega ekanini ko‘rsatdi. «Arsenal»ning to‘pni nazorat qilish uslubiga Zinchenko juda ham yaxshi mos tushdi. Natijada esa 25 yoshli futbolchi Londonda katta olqishlarga sazovar bo‘ldi.
9. Rafael Varan
Varan «MYU»dagi faoliyatini zaxiradan boshlagandi. Ammo hozirga kelib, u jamoaning asosiy vakiliga aylangan. Ten Xag jamoasi Varan asosiy tarkibda o‘yinni boshlagan paytlarda yutqazmayotir. Fransuz himoyachisi yangi sherigi - Martines bilan ajoyib juftlikka aylana oldi.
8. Tiagu Silva
Hatto «Chelsi» himoya uchun Fofana va Kulibalilarni olib kelgan taqdirda ham, Tiagu Silva jamoadagi o‘rnini yo‘qotib qo‘ymadi. 38 yosh bo‘lishiga qaramay, braziliyalik futbolchi yuqori darajada turibdi.
7. Armel Bella-Kochap
Balki «Sautgempton» mavsumni zo‘r boshlay olmagandir. Ammo Bella-Kochapning bu borada omadi keldi. 20 yoshli himoyachi tez orada «avliyolar»ning muhim vakiliga aylandi.
6. Ris Jeyms
Jeyms, shubhasiz, bu mavsumdagi «Chelsi»ning eng yaxshi o‘yinchisi sifatida e’tirof etishga loyiq. Uning o‘yini har ikkala maydon oxirida ham muhim rol o‘ynamoqda. Qanot himoyachisi hozirga qadar 1 gol va shuncha assistga mualliflik qildi.Jeymsning imkon yaratish ehtimoli eng yuqori darajalarni qayd etdi.
5. Lisandro Martines
Ko‘pchilik bu futbolchining bo‘yi sabab APLga mos kelmaydi deb hisoblayotgan edi. Ammo Lisandro bu fikrlarni xato ekanini isbot eta oldi. Argentinalik futbolchi «Liverpul» hamda «Arsenal»ni mag‘lub etishda muhim figura edi.
4. Yoaxim Andersen
«Kristal Pelas» ham mavsumni risoladagidek boshlamadi. Ammo Andersen bo‘lmaganida vaziyat hozirgidan ham yomonroq bo‘lishi mumkin edi. Niderlandiyalik himoyachi Viyeyra jamoasiga qanchalik kerak ekanini atigi 7 ta turda isbot eta oldi.
3. Kiran Trippyer
Ko‘plab muxlislar Trippyer 2019 yilda «Tottenxem»dan ketganida, uni so‘nib qoladi deb o‘ylagandi. Ammo unday bo‘lmadi. Bugun Trippyer «Nyukasl»da o‘ta muhim o‘yinchi sanaladi. Shu sababdan ham qanot himoyachisi Jahon chempionatida Angliya terma jamoasi sharafini himoya qiladigan bo‘ldi.
2. Joau Kanselu
Faqatgina bitta qanot himoyachisi APLda Trippyerdan yaxshiroq darajaga ega. U ham bo‘lsa «Manchester Siti» vakili Kanseludir. Portugaliyalik YECHL va APLda birdek foydali futbolchi sanaladi. Buni, uning Erling Xolandga ajoyib pas uzatgan «BVB»ga qarshi o‘yindan ham bilib olish mumkin.
1. Vilyam Saliba
Umuman olganda, «Arsenal»ning himoyasi o‘tgan mavsumda ham unchalik yomon emasdi. Biroq, Saliba kelgach, mudofaaning ham darajasi bir pog‘onaga yuqoriladi. «Marsel»dan qaytib kelgan futbolchi, londonliklar uchun o‘ta kerak figura ekanini isbotlay oldi. U hozirga qadar 2 ta gol urishga erishdi. Markaziy himoya esa hozirda Arteta istagandek ko‘rinishga keldi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
