May oyida "Chelsi" boshqaruv tuzilmasidagi o‘zgarishlarni e’lon qildi. "Ko‘klar" amerikalik tadbirkor Todd Boeli boshchiligidagi konsorsium tomonidan sotib olindi. U London klubining ham egasi va uning rahbari. "Aristokratlar" tarkibidagi barcha asosiy qarorlar Boeli tomonidan qabul qilinadi. Hozir, uning kelganidan deyarli 4 oy o‘tib, yangi rahbariyat bilan "Chelsi"da nima o‘zgarishini tushunish mumkin.
O‘tgan yozda "ko‘klar" kuchli transfer kampaniyasini o‘tkazdilar. “Aristokratlar”ga darvozabon Gabriel Slonina, himoyachilar Kalidu Kulibali, Mark Kukurelya va Uesli Fofana, yarim himoyachi Karni Chukvuemeka, vinger Raxim Sterling va hujumchi Pyer-Emerik Obameyanglar kelishdi. Umuman olganda, "Chelsi" transferlar uchun 245 million funt sarfladi, bu klub tarixidagi rekorddir. Yangi xo‘jayinlar jamoani moliyaviy qo‘llab-quvvatlashga tayyor ekanliklarini ko‘rsatishdi.
Eng qizig‘i, bu futbolchilarning barchasi Tomas Tuxel borligida klub bilan shartnoma imzolagan. Ammo mutaxassis yangilangan jamoa bilan chinakam ishlashga ulgurmadi. Sentyabr oyi boshida "Chelsi" Tuxelning ishdan bo‘shatilganini e’lon qildi. Mavsum boshlanishi londonliklar uchun eng yaxshisi bo‘lmadi, ammo halokatli hech narsa ham sodir bo‘lmadi. Nemis mutaxasis Chempionlar ligasining 1-turida Zagrebning “Dinamo”siga imkoniyatni boy berganidan so‘ng (0:1) egallab turgan lavozimidan chetlatildi. Ammo, manbalarga ko‘ra, murabbiyning ishdan bo‘shatilishiga natijalar sabab bo‘lmagan.
Boeli mashg‘ulot jarayoniga ta’sir qilmasa, hech bo‘lmaganda uning bir qismi bo‘lishni xohladi. U birga ishlashni xohlardi, ammo Tuxel yangi rahbariyat bilan unchalik suhbatlashmasligi haqida mish-mishlar tarqaldi. Bu amerikalik tadbirkorga yoqmadi. Qaror qabul qilingandan so‘ng, u va mutaxassisning kelajakka qarashlari turlicha ekanligini aytdi. Boeli o‘z klubida rahbariyat va murabbiylar shtabi birgalikda ishlashi kerakligini tasdiqladi. Hamma narsa uchun pul to‘laydigan odamdan juda oddiy talab.
Boeli Tuxel bilan yaxshi ishlamadi. Tez orada "Chelsi" xo‘jayini bosh murabbiy lavozimiga yangi mutaxassis topdi. Ular endi "Brayton" ustozi Grem Potter bilan shartnoma imzoladi. O‘zaro munosabatlar nuqtai nazaridan, Boeli to‘g‘ri tanlov qildi. Bu Potter uchun katta imkoniyat, shuning uchun u albatta rahbariyat bilan qarama-qarshilikka kirmaydi. Qolaversa, mutaxassis jamoada va klubda qulay muhit yaratish uchun astoydil harakat qiladi. Bu Boeliga kerak bo‘lgan narsa.
Yozgi transfer kampaniyasi davomida "Chelsi" xo‘jayini o‘zi ko‘plab kelishuvlar bo‘yicha muzokaralar olib bordi. Biroq “ko‘klar” o‘zlari istagan barcha futbolchilarni o‘z safiga qo‘shib ololmadilar, ba’zilarini esa yo‘qotishdi. Shu munosabat bilan Boeli transfer masalalari bilan mutaxassislar shug‘ullanishi kerak degan qarorga keldi. Albatta, uning nazorati ostida. "Zalsburg" sport direktor Kristoff Froynd avvalroq London klubi sport direktori lavozimiga asosiy nomzod bo‘lgan edi. Hamkorlik shartlari funksioner bilan kelishilgandek tuyuldi, ammo u yakunda Angliya poytaxtiga ko‘chib o‘tishdan bosh tortdi.
Shu tariqa, "Chelsi"da yangilangan jamoa boshqaruvi tuzilmasi paydo bo‘lmoqda, uning tarkibiga Boeli, Potter va yangi sport direktori kirishi mumkin. Ammo amerikalik tadbirkor erkaklar jamoasi bilan cheklanib qolmaydi. Yaqinda "Chelsi" futbolchisi Fran Kirbi Boeli klubning ayollar tomoniga katta e’tibor qaratishini aytdi. Football London nashri o‘tgan yozda "ko‘klar" transfer bozorida bir nechta yo‘nalishda ishlaganini tasdiqlaydi. Ayollar jamoasini kuchaytirish uchun ham katta sarmoya ajratildi.
Kirbining qo‘shimcha qilishicha, Boeli "Chelsi"ning mashg‘ulot markazining holatidan norozi. Bu shuni anglatadiki, bir necha yil ichida "ko‘klar" yangi yoki takomillashtirilgan bazaga ega bo‘lishi mumkin. Londonliklar 2005 yildan beri Kobxemda joylashgan. Boeli avvalroq "Stemford Bridj"ni kengaytirish zarurligi haqida gapirgan edi. “Aristokratlar” kuchli oltilik klublari orasida sig‘imi bo‘yicha eng kichik stadionga ega. Ehtimol, "Chelsi"ning yangi xo‘jayinlari oxir-oqibat arenani rekonstruksiya qilishni o‘z zimmalariga olishlari mumkin, bu esa uzoq muddatda o‘yin kunlarida daromadlar ortib boradi.
Boeli Yevropa futbolida yaqinda paydo bo‘ldi, lekin uning rejalari ulkan. U Froyndni shunchaki ishga olmoqchi emasdi. Amerikalik tadbirkor "Red Bull" tizimidagi ishni yoqtiradi. Boeli "Red Bull" yoki "City Football Group" sxemasiga ko‘ra ko‘p klubli imperiya qurish istagini ochiq e’lon qildi. Albatta, bu loyihaning markazida "Chelsi" bo‘ladi. Keng klublar tarmog‘i "ko‘k"larga tezda iqtidorli yoshlarni topish va rivojlantirish imkonini beradi, garchi ularning akademiyasi hali ham yaxshi ishlayotgan bo‘lsa-da. Hozircha bu faqat rejalarda, ammo investisiyalarni kiritish bilan hamma narsa mumkin.
Yevropada Boeli hali juda jiddiy qabul qilinmagan. Tuxelni Potter bilan almashtirish haqidagi qarorini ko‘pchilik tushunmadi. Bundan tashqari, uning Premyer-ligada yulduzlar o‘yinini o‘tkazish g‘oyasi dushmanlik bilan qabul qilindi. Ammo ertami-kechmi Boeli tinglanadi. Daromad Premyer-ligada muhokama qilinadigan muhim mavzu va AQSH sportni qanday qilib foydali shouga aylantirishni biladi.
Sport yutuqlariga kelsak, amerikalik tadbirkor albatta tavakkal qiladi. Yuqori malakali murabbiylar mustaqillikni yaxshi ko‘radilar, ammo Boeli bilan to‘liq erkinlikka erishish mumkin emas. Boshqa tomondan, Potter natijalarga erishish uchun imkon qadar g‘ayratli bo‘ladi. Hozircha "Chelsi"da ishlar bir qarashda ko‘rinadigan darajada yomon ko‘rinmaydi. Ammo “ko‘klar”ning maydonda ham, undan tashqarida ham qiladigan ishlari ko‘p.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
