"Chelsi" amerikalik biznesman Todd Byoli qo‘liga o‘tganidan keyin ko‘p narsa o‘zgarishi kutilmoqda. Shunday o‘zgarishlardan biri Tomas Tuxelning ishdan olinishi bo‘ldi. Quyida yangi murabbiy Grem Potterning amalga oshirishi mumkin bo‘lgan yettita xarid haqida gap boradi.
Neymar – "PSJ"
O‘tgan yoz davomida Neymarning "Chelsi"ga o‘tishi bilan bog‘liq xabarlar katta shov-shuvlarga sabab bo‘lgan edi. Bunga sabablar yetarli. Negaki, Parij klubida Neymar va Mbappe o‘rtasida kelishmovchilik sodir bo‘lgan. Bu qarama-qarshilikning Mbappe foydasiga hal bo‘lish ehtimoli katta. Aynan shu sabab Neymar "PSJ"dan ketgani ma’qul. U uchun yaxshi manzil esa "Chelsi" bo‘ladi.
Gonsalo Montiyel – "Sevilya"
"Chelsi" yozda o‘ng qanot himoyachisi xarid qilishga urindi. Ha, jamoada Ris Jeymsdek ishonchli vakil bor. Lekin zaxira varianti zarar qilmaydi. Shu sabab "Inter"dan Denzel Dyumfrisni olib kelishga urinildi. Ammo bu ish amalga oshmadi. Potter hali ham bu borada izlanishlarini davom ettirmoqda. "Sevilya" futbolchisi Montiyel allaqachon "Chelsi" radariga tushib ulgurgan. Argentinalik himoyachi "Chelsi"ning 3-5-2 sxemasiga aynan mos tushadi.
Demiral va Pashalich – "Atalanta"
Demiral endigina "Atalanta"da doimiy o‘ynay boshladi. U o‘tgan mavsumni "Yuventus"da ijara asosida o‘tkazgan edi. Turkiyalik himoyachi o‘zini har tarafdan yaxshi ko‘rsata olmoqda. Shu sabab tez orada "Chelsi" tomonidan xarid qilinishi mumkin. Ayni jamoadagi ikkinchi nomzod esa Pashalichdir. Yaqin o‘tmishda "Chelsi"dan ketgan futbolchi, Italiyada porlay oldi. Pashalich 6 yil davomida "aristokratlar" safida edi. 2020 yilda esa "Atalanta"ga sotib yuboriladi. Uning Xorvatiya terma jamoasidagi o‘rni ham mustahkamlangan.
Enso Fernandes – "Benfika"
"Benfika" "Liverpul" hamda "MYU"ni ortda qoldirib, "River Pleyt"dan yozda Fernandesni sotib oldi. 21 yoshli markaziy himoyachi Yevropadagi eng yorqin talantlardan biri hisoblanadi. Shu sabab portugal klubi uni uzoq vaqt saqlab qola olmasligi mumkin. Chunki gigantlarning Argentina terma jamoasi a’zosiga bo‘lgan qiziqishi o‘ta kuchli. Ular ichida "Chelsi" eng asosiy da’vogardir.
Brenden Eronson va Illan Melye – "Lids"
2020 yil "Lids" uchun o‘ta yorqin boshlangan. Jamoa APLda harakat qila boshladi. Ammo u yerda qolish oson emas. O‘z futbolchilarini olib qolish ham. "Chelsi" ayni damda amerikalik yarim himoyachi Eronsonga kuchli qiziqish bilan qaramoqda. Eduar Mendini o‘rnini bosish uchun esa "Lids"ning 22 yoshli darvozaboni Melye tanlanishi kutilmoqda. "Chelsi" ushbu juftlikni keyingi yoz uchun ro‘yxatiga qo‘shib qo‘ygan.
ISMATOV J.
Surxon
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
