Rossiya Premyer-ligasi 11-turida kamtarin «Orenburg» o‘z maydonida «Sochi»ga kuchli «tarsaki» tushirdi - 4:1.
Mezbonlar to‘purari Vladimir Sichevoy birinchi bo‘lim yakunida penaltidan samara chiqarib, hisobni 3:0 ko‘rinishiga keltirdi. Shu tariqa chiroyli voqelikka asos tug‘ildi: muvaffaqiyatli zarbadan keyin zaxira o‘rindig‘i tomon yugurgan futbolchi murabbiyidan guldasta va uzuk oldi. Bunga parallel ravishda tribunadan mahbubasini yoniga chaqirdi. Vladimir shu asnoda sevgilisidan qo‘lini so‘radi. Gol nishonlashning go‘zal namunasi!
Futbolda shunga o‘xshash voqealar tez-tez kuzatiladi: uzukni tushirib yuborish, jamoaviy saflanish asnosida turmush qurish taklifi...
*** Mirror nashri Chili chempionatida kuzatilgan shunday voqeani esga soldi. Bunda venesuyelalik hujumchi Eduard Bello o‘yinda hisobni ochgach, zina orqali tribunaga ko‘tariladi va sevgan qizi qo‘lini so‘raydi. Bello o‘sha bahsda yana 1ta gol uradi, ammo yakunda jarohat tufayli maydondan ertaroq chiqib ketadi. Boz ustiga, uning jamoasi uchrashuvni 2:3 hisobida boy beradi.
*** Futbol sahnasi bu borada turli darajadagi boshqa ijodiy yondashuvlarni ham ko‘rgan. Deylik, sardor maqomidagi Tomas Xarvi bir safar go‘yoki jamoaviy suratga tushish uchun klubdoshlarini safga qo‘yadi. Keyin ma’lum bo‘lishicha, ularning har biri futbolkasida mahbubasi nomining harflari yozilgan ekan. E’tiborlisi, o‘sha payt miya qopqog‘i transplantasiyasiga tayyorgarlik ko‘rayotgan qiz ham stadionga kelgandi. Xullas, Xarvi unga jamoaviy saflanish asnosida turmush qurishni taklif qiladi.
*** Angliyada esa nikoh uzugi bilan bog‘liq qiziqarli holat yuzaga kelgan. «Vest Xem» vakili Issa Diop zaxiradan maydonga tushayotib, uzukni klub xodimlaridan biriga uloqtiradi. Biroq u maydon chetiga tushib ketadi va xodimning uzoq vaqt qidtirishiga to‘g‘ri keladi. Hattoki, boshqa xodimlar ham qidiruvga jalb etiladi. Diop bu vaqtda maydonda o‘ynayotgandi. Muhimi, uchrashuv tugashiga qadar uzukni topishadi va hammasi yaxshi yakunlanadi.
Darvoqe...
Vladimir Sichevoy o‘sha o‘yinda qizil kartochka olishi kerak edi. Zero, u «Sochi darvozasiga gol urishidan oldin, 31-daqiqada sariq kartochka olgandi. Demakki, hakam qoidalar bo‘yicha uni golni nishonlash vaqtidagi xatti-harakati uchun ikkinchi marta ogohlantirishi mumkin edi. Biroq referi Sichevoyni tushundi va qoidalarni chetlab o‘tdi. Vladimir - «Orenburg»ning joriy mavsumdagi eng yaxshi futbolchilaridan biri. U RPLning joriy mavsumi 7ta gol urdi, jumladan, «Ural»ga qarshi bahsning ikkinchi bo‘limida «xet-trik»ka erishdi. E’tiborli tomoni, 26 yoshli futbolchi mavsum tugagach, familiyasini o‘zgartirmoqchi. «Yangi familiyam ham tayyor - Pisarskiy. Bu o‘gay otamning sharifi. Uni o‘z otamdek ko‘raman. Yaqin orada Sichevoy emas, Pisarskiy bo‘laman», - degandi futbolchi o‘z intervyusida.
A.ABDUVALIXO‘JAYEV tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
