Hujumchi Karim Benzema mavsumning eng yaxshi futbolchisi deb topildi. Fransiyalik futbolchi “Oltin to‘p”ni Parijda Zinedin Zidan qo‘lidan qabul qilib oldi. Dunyoga mashhur nashrlar buni turlicha talqin qilishdi. Keling, ulardan bir nechtasini ko‘rib chiqamiz.
L'Equipe: "Benzema - qirol. "Oltin to‘p"ni qo‘lga kiritgan beshinchi fransuz va Zidandan keyin birinchi. O‘tgan mavsumda u beshinchi marta Chempionlar ligasida, to‘rtinchi marta Ispaniya chempionatida g‘olib chiqdi. Qolaversa, Karim Fransiya terma jamoasi safida Millatlar ligasida g‘alaba qozongan. Tez orada u boy kolleksiyasida yetishmayotgan kubokni yutish uchun jahon chempionatiga boradi”.
AS: “Hujumchi nihoyat uning muvaffaqiyatli faoliyatini taqozo etuvchi nufuzli mukofotni qo‘lga kiritdi. Bu futbol tarixidagi eng nafis va sifatli o‘yinchilardan biri. Nihoyat unga ishonch berildi. Oldingi yillarda Benzemani noto‘g‘ri tushunishgan, garchi u ajoyib tajribaga ega bo‘lsa ham. Turli vaqtlarda u shafqatsizlarcha tanqid qilingan, ammo hozir bularning barchasi o‘tmishda. Benzema teatrda mukofot oldi, uning futbol san’ati yuqori baholandi”.
Gazetta dello Sport: “Bir qarashda hamma narsa aniq ko‘rinadi. Ammo bu unday emas. Benzema "Oltin to‘p"ni qo‘lga kiritdi va Parijda qiroldek kutib olindi. Ammo bir yildan ko‘proq vaqt oldin buni tasavvur qilib bo‘lmas edi. Fransiyada antiqahramon hisoblangan odam uchun qizil gilam yoyilishini kim ham o‘ylabdi? Endi uni jahon futboli yulduzi sifatida kutib olishdi, ammo futbolchining Fransiya bilan munosabatlari idealdan yiroq edi”.
Kicker: “Sabr o‘z samarasini beradi. O‘tgan mavsumda Karim Benzemadan yaxshiroq futbolchi yo‘q edi. U tarixda ilk bor "Oltin to‘p"ni qo‘lga kiritdi, bu o‘zi uzoq vaqtdan beri orzu qilgan sovrin. Karim Ronaldu bilan "Real Madrid"ga qaytganida portugaliyaliklar uchun ishlashga majbur bo‘ldi. Krishtianu muvaffaqiyat garovi edi, Benzema esa ko‘pincha e’tibordan chetda qolardi. Jamoadoshi mukofot olganida Karim ikkinchi qatorda edi. Shu bilan birga Benzemaning o‘zini ham qayta-qayta tanqid qilishardi. 2018 yilning yozida birdan Ronalduning ketishi bilan maydonga tushish vaqti keldi. Har mavsumda Benzema yaxshiroq va yaxshiroq o‘ynadi va keyin haqiqiy portlash yuz berdi. Jamoa Chempionlar Ligasi va La Ligada g‘olib chiqdi, Karim esa bir qancha muhim gollarni urdi. Ha, u “Oltin to‘p”ni 21 yoshida emas, 34 yoshida qo‘lga kiritdi, ammo u yoki bu yo‘lda sabr-toqat o‘zini oqladi”.
Marca: “Benzema uzoq vaqtdan beri intilib kelayotgan mukofotni oldi. Parij oxirgi paytlarda Karim uchun alohida shahar bo‘ldi. Yozda “Real” bilan birga u yerda Chempionlar ligasida g‘olib chiqdi, endi esa “Oltin to‘p”ni boshi uzra ko‘tardi. U haqli ravishda sovrinni qo‘lga kiritdi, chunki u qiziqarli mavsumni o‘tkazdi. Karim mushukchalikdan qirol Arslonga aylandi. Benzemaga doim ishonadigan bir odam bor edi. Bu "Real Madrid" prezidenti Florentino Peres. Vaqt o‘tishi bilan hamma uning haq ekaniga amin bo‘ldi".
Mundo Deportivo: "2009 yilda Peres Benzemani "Real"ga o‘tishga ko‘ndirgan edi. Keyinchalik u doimo o‘z futbolchisini qo‘llab-quvvatlagan. Va u Fransiya terma jamoasidan chetlashtirilganda va Karim "Real Madrid" libosida o‘ynagani uchun tanqid qilinganida, Peres doim u yerda edi va Benzema buni juda qadrlagan. Aytishimiz mumkinki, o‘z klubi futbolchisining navbatdagi "Oltin to‘p"ida "Real" prezidentining qo‘li bor”.
Ole: “Benzema o‘zining birinchi "Oltin to‘p"ini qo‘lga kiritdi va bu unga loyiq bo‘lganidan ham ko‘proq. Karim mukofotga eng yaxshi nomzod edi. Fransiyalik futbolchi mavsumni ajoyib o‘tkazdi, ko‘plab gollar urdi. Karim fransuz futbolchilarining 24 yillik yomon ananasini yo‘qqa chiqardi. Messi bu safar kuchli 30 talikka ham kira olmadi, Ronaldu esa 20-o‘rinni egalladi”.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
