“Real” guruh peshqadami maqomida Chempionlar ligasining navbatdagi uchrashuvini o‘tkazdi. Poytaxt jamoasi muddatidan avval Chempionlar ligasining 1/8 finaliga yo‘llanmani qo‘lga kiritgandi, biroq “Leypsig” o‘yin oldidan hech narsani hal qilmagan edi.
Yevropaning eng yaxshi klubi Germaniyada bir nechta top futbolchilarsiz o‘ynadi. "Leypsig" bilan uchrashuvni Modrich, Valverde va Benzema o‘tkazib yubordi. Ammo darvozani jarohati sabab Chempionlar ligasining oldingi ikki uchrashuvini o‘tkazib yuborgan Tibo Kurtua egalladi.
O‘yin boshidagi ustunlik butunlay nemislar tarafida bo‘ldi. Standart vaziyat 12-daqiqada mezbonlarga muvaffaqiyat keltirdi. Kurtua Silvaning burchakdan yetkazib berganto‘pini qiyinchilik bilan qaytardi, biroq qaytgan to‘pni Gvardiol bir necha metr masofadan darvozaga anqi yo‘lladi. "Real Madrid" himoyachilari epizodning so‘nggi bosqichida faqat kuzatuvchi sifatida harakat qilishdi va bu Karlo Anchelottining asabiylashishiga sabab bo‘ldi.
Bir-ikki daqiqadan so‘ng hisob 0:2 ko‘rinishini oldi. Bu safar Nkunku belgiyalik darvozabonni va millionlab “Real” muxlislarini ranjitdi. Bu mavsumda "Real Madrid" hech bir o‘yinda bittadan ko‘p gol o‘tkazib yubormagan edi, “Leypsig” esa bu ishni 18 daqiqada uddaladi.
Bu lahzalarda “Real Madrid” Yevropaning eng zo‘r klubiga umuman o‘xshamadi va raqib uni shunchaki “maydalab” tashladi. Anchelotti darhol Nacho va Ryudiger o‘rtasidagi o‘rinni almashtirdi - ispaniyalik chap qanotga o‘tdi, nemis esa himoya markaziga o‘tdi. "Real Madrid" 35-daqiqada gol urish uchun imkoniyat yaratdi, ammo "Leypsig" darvozaboni Blasvich Rodrigoning yaqin burchakka yo‘llagan zarbasini bartaraf qildi. Biroq birinchi bo‘limning so‘nggi daqiqasida darvozabon ojiz qoldi. Mehmonlar chiroyli hujum uyushtirishdi, Asensio Vinisiusga yuqoridan uzatma berdi, braziliyalik esa Blasvich darvozasiga to‘pni aniq yo‘llab hisobni qisqartidi.
Tanaffusdan so‘ng o‘yin biroz tinchlandi. “Leypsig” ustunlikni saqlamoqchi edi va qarshi hujumlar bilan o‘ynadi. Shundan so‘ng esa eski futbol tamoyili ishladi. Tez Nkunku chap qanotdan Vernerga ajoyib uzatma berdi va u bo‘sh darvozaga aniq zarba berishi kerak edi. Ba’zida nemis bunday epizodlarda g‘alati harakat qiladi, lekin bu safar u o‘z vazifasini bajardi.
Qo‘shib berilgan vaqtda Nkunku mezbonlar darvozasiga penalti "olib keldi". U Rodrigoni yiqitdi. Jabrlanuvchining o‘zi to‘pga yaqinlashdi va ishonchli tarzda to‘pni darvozaga yo‘lladi. Ammo "Real Madrid"ga hisobni tenglashtirishga vaqt yetmadi. Madrid klubi mavsumdagi ilk mag‘lubiyatini qabul qilib oldi. Darvoqe, ispanlar joriy yilning aprel oyidan buyon ikkitadan ortiq gol o‘tkazib yuborishmadi – o‘shanda “Manchester Siti”dan to‘rtta to‘p qabul qilishgan (3:4).
"Real Madrid" guruhda birinchi pog‘onani saqlab qoldi, "Leypsig" esa 1/8 finalga chiqish imkoniyatini oshirdi. Endi Marko Rouz shogirdlari “Shaxtyor”dan uch ochko oldinda. Oxirgi turda raqiblar neytral maydonda o‘ynashadi, ammo Ukraina klubini faqat g‘alaba qanoatlantiradi, “Leypsig”ga esa mag‘lub bo‘lmaslik kifoya. "Real Madrid" guruhdagi so‘nggi o‘yinni "Seltik" bilan o‘tkazadi va agar g‘alaba qozonsa, guruhda shubhasiz birinchi o‘rinda qoladi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
