"Manchester Yunayted" safida yettinchi raqamda harakat qilgan futbolchilarni ko‘pchilik biladi. Jorj Best, Brayan Robson, Erik Kantona, Devid Bekxem, Krishtianu Ronaldu...
Bu ro‘yxatni uzoq davom ettirish mumkin. Shu sababli, biz ro‘yxat tuzishda tarixning ma’lum qismiga murojaat qilishga qaror qildik. Hisob-kitob esa Ronaldu "MYU"ni tark etgan, 2009 yildan boshlanadi.
Aleksis Sanches
Ochig‘ini aytganda, "MYU" tarixidagi Fergyusondan keyingi eng omadsiz xarid sifatida Sanchesni aytgan bo‘lardik. Ha, Aleksis "Arsenal"da o‘ta foydali edi. Ammo Manchester shahrida omadi kelmadi. U "qizil iblislar" uchun 32 ta bahsda 3 ta gol urgan xolos. Sanches "MYU"da haftasiga 400 ming funt maosh olardi. Shu sabab, u "Inter"ga sotib yuborildi.
Memfis Depay
"PSV"da borlagan hujumchi, 30 million funt evaziga "MYU" tomonidan xarid qilinadi. 2015 yilda sotib olingan niderlandiyalik futbolchi, ancha o‘ziga ishonardi. Shu sababdan Depayga 7 raqam taqdim etiladi. Ammo ishonchlar oqlanmadi. Memfis "MYU" safida bir mavsum to‘liq harakat qildi. U o‘zi qatnashgan 46 ta uchrashuvda jami 7 ta gol urgan xolos. Shulardan ikkitasi APLda kiritilgan. Shunday qilib, Depay ham Sanches kabi yettinchi raqamlarning omadsiziga aylangan.
Anxel Di Mariya
Depaydan oldin yettinchi raqam "MYU" safida Di Mariyaga tegishli edi. Argentinalik yulduz "Real" safida porlagach, "MYU" tomonidan 67,5 million funt evaziga xarid qilinadi. Ammo u ham Depay kabi atigi bir mavsumgina mankunianliklar bilan birga bo‘ldi. Keyingi yili, Di Mariya "PSJ"ga yo‘l oladi.
Maykl Ouen
Ouenni Fergyusonning shaxsan o‘zi sotib oladi. Ingliz hujumchisi Ronaldudan keyin ilk bor yettinchi raqamni taqadi. Ouen "Liverpul"dan sotib olingan, shu sabab, bu xaridning o‘ziga yarasha g‘alatiligi bor edi. Chunki tarixda "Liverpul" va "MYU" bir-biriga ashaddiy raqib bo‘lgan. Ouen esa mersisayddan tashrif buyurib, 2011 yilda APL chempionligini qo‘lga kiritgan.
Antonio Valensiya
Valensiya juda ham mehnatkash va charchoq nimaligini bilmaydigan futbolchi edi. U qanotda hujum yoki himoya vazifasini bajara olgan. Ekvadorlik futbolchi 2011-12 yilgi mavsumi uchun Angliyada Yil futbolchisi nomiga sazovar bo‘ladi. Garchand uning yettinchi raqamda harakat qilgan yillarini zo‘r deya olmasakda, u "MYU"ga chempionlik olib kelishda katta xizmat qilgan.
Edinson Kavani
Kavani 2020-21 yilgi mavsumda "MYU"da yettinchi raqamga ega chiqish sharafiga sazovar bo‘ladi. O‘sha mavsumda janubiy amerikalik hujumchi 17 ta gol bilan "MYU"ning ikkinchi o‘rinni olishiga yordam bergan. Urugvaylikdan o‘tgan mavsum boshida bu raqamni tortib olishdi. Uning ismi...
Krishtianu Ronaldu
Ronaldu "MYU"ni tark etganidan beri yettinchi raqamni taqqan futbolchilar ichida eng yaxshisi bu Ronalduning o‘zidir. Bu mavsumni esdan chiqaring. O‘tgan mavsumda "Manchester Yunayted" o‘z tarixidagi eng katta omadsizliklarni boshidan o‘tkazdi. O‘sha paytda butun jamoa joniga Ronaldu oro kirgan. U muxlislar uchun yagona umid uchquni bo‘ldi. Jamoada esa undan yaxshiroq to‘purar topilmadi.
Hozirda "MYU" ten Xag bilan tuzalishni davom ettirmoqda. Ammo ortga nazar tashlab shuni aytish mumkinki, agarda Ronaldu bo‘lmaganida, "qizil iblislar"ning ortda qolgan so‘nggi mavsumi yomonroq natijalar bilan yakun topishi mumkin edi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
