Superliganing so‘nggi 26-turidan o‘rin olgan “Navbahor” — AGMK (3:1) uchrashuvidan keyingi matbuot anjumanining birinchi qismida mehmonlar bosh murabbiyi Mirjalol Qosimov qatnashib, jurnalistlarning savollariga javob berdi.
Mirjalol Qo‘shoqovich odatdagidek, o‘z so‘zini o‘yin haqidagi fikrlari bilan boshladi.
— “Navbahor”ni bugungi g‘alaba va 2-o‘rin bilan tabriklaymiz. Juda qiziqarli va muxlislarbop o‘yin bo‘ldi. Uchrashuv davomida kutilmagan vaziyatlarga ham duch keldik. 9-daqiqadayoq qizil kartochka olishimizni hisobga olmagan ekanmiz. Bu men uchun ham katta dars bo‘ldi. Haqiqatdan ham g‘alaba uchun maydonga chiqqandik. O‘sha qizil kartochka o‘yinning borishini tubdan o‘zgartirib yubordi. Har doim ham sen hohlagan narsa bo‘lmaydi. Shunga qaramasdan, yigitlarga kiyinish xonasida minnatdorchilik bildirdim. “Boshlaringni baland ko‘taringlar, sizlar bugun muxlislarga yoqadigan o‘yin ko‘rsatdinglar”, dedim.
Bizda hech qanday bosim yo‘q edi. Chunki 3-o‘ringa ham da’vogar emasdik, shuningdek, bitta quyi pog‘onaga tushib ham ketmasdik. Bugun olmaliqlik va uzoq yo‘l bosib kelib, bizni qo‘llab-quvvatlagan jamoamiz muxlislari uchun maydonga chiqqandik. Bu futbol, har qanday vaziyat bo‘lib turadi. Navbatdagi mavsumga tayyorgarlik ko‘ramiz. Osiyo Chempionlar Ligasini “Navbahor” kabi Olmaliqqa olib borishga harakat qilamiz. Juda ham qiziqarli mavsum yakuniga yetdi.
— Birinchi golga munosabatingiz qanday? Ushbu golning ta’siri jamoangizga sezildimi?
— Albatta, hozir aytib o‘tdim. Hamma narsani inobatga olgan ekanmizu, dastlabki daqiqalardagi qizil kartochka xayolimizga kelmagan ekan. Yoki keyingi safar 12 kishi bo‘lib maydonga tushamiz (kuladi). Shuncha vaqt davomida bir kishi kam bo‘lib o‘ynash, shunday katta maydonda oson emas. Xokkeyda ham borku, bir kishi kam bo‘lib 1-2 daqiqa o‘ynasa, tinkasini “quritib” qo‘yadi. “Tanasi boshqa — dard bilmas, deyishadi. Ha, albatta, bu holat jamoamizga ta’sir qildi.
— Bu yilgi chempionat juda qiziqarli o‘tdi. Mutaxassis sifatida sizning fikringiz qanday?
— Afandi haqidagi latifa esimga tushib ketdi. Har qanday holatda ham barchaga birdek yoqib bo‘lmaydi. Har xil gaplar bo‘laveradi. Chempionat to‘g‘risini aytsam, haqiqatdan ham qiziqarli o‘tdi. Yuqori o‘rinlar uchun ham, ligada qolish uchun quyi o‘rinlarda ham intriga yuqori bo‘ldi. Tilning suyagi yo‘q, gapiradigan odam gapiraveradi.
— Mirjalol Qosimov boshqargan jamoalar har doim yuqori o‘rinlar uchun kurashadi. Mutaxassis sifatida “Navbahor”ning chempion bo‘lishiga nima yetishmadi, deb hisoblaysiz?
— Buning siri yo‘q. Bu futbol. Boshqa jamoani tahlil qilolmayman. Chetdan qaraganda hammasi oson. Bitta kichkinagina epizod o‘yinni o‘zgartirib yuborishi mumkin. Shu sababdan ham millionlar o‘yini deyiladi. Oldindan natijani aytib bo‘lmaydi. Har xil vaziyat bo‘lishi mumkin.
— “Navbahor”ning butun mavsum davomida ko‘rsatgan o‘yinlariga fikringiz qanday?
— Yaxshi jamoa, tarkibida malakali futbolchilar bor. Bekorga ular kubok finalida o‘ynashgani yo‘q. Mana shuncha jamoa ichida 2-o‘rinni qo‘lga kiritdi. Bir tur oldin “Nasaf”ni 3-o‘rinni oladi deb kim ayta olardi?
“Navbahor” PFK matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Шуҳрат Шокиржонов
Шерзод Ражабов
Қаҳрамон Асланов
