Jahon chempionatidagi jamoalar soni birin-ketin kamayib bormoqda. Ammo musobaqa avvalida aytilgan Braziliya nomi o‘zining favoritlik maqomini saqlab qoldi. Argentinaning esa ketib qolishiga bir bahya qoldi. Shuningdek, kutilmaganda Daniya, Germaniya va Belgiya termalari musobaqani tark etdi. Quyida chempionlik uchun eng jiddiy da’vogar jamoalar eslab o‘tiladi.
1. Braziliya
Har doim favoritlar qatorida e’tirof etiladigan bu yurt, so‘nggi ikkita o‘nyillikda mundialning finallarigacha chiqib bora olmayotgan edi. 2002 yildan beri Braziliya faqat bir marta chorak-final to‘sig‘idan o‘ta olgan xolos. Tite shogirdlari nimchorak bosqichida qiynalmasligi taxmin qilingan. Garchand jamoaning muhim a’zolari bo‘lgan Neymar va Jezus jarohat olgan bo‘lsada, zaxirada yetarlicha futbolchilar bor. Braziliya bu safar 20 yil deganda Yevropaning dominantligiga barham berishi mumkin.
2. Argentina
Messiga eng so‘nggi imkoniyati aynan Qatardagi mundial taqdim etadi. Argentinada yoshlar va tajribali futbolchilardan tuzilgan yaxshi tarkib mavjud. Jamoa 2019 yildan beri biror bir o‘yinda mag‘lubiyatga uchramay kelayotgandi. Ammo bu seriyani Jahon chempionatida Saudiya Arabistoni buzdi. Aslida bu mag‘lubiyat jamoa foydasiga ishlagan ekan. Negaki, guruhda ikkinchi o‘rinni olish, Lionel Skaloni boshchiligidagi Argentinani Fransiyaga qarshi chiqishdan asrab qoldi va Avstraliyaga ro‘baro qildi. Osiyo qit’asi vakiliga qarshi bahs Messi va sheriklariga qiyinchilik tug‘dirmadi. Endi ularni chorak finalda Niderlandiya bilan hayot-mamot jangi kutib turibdi.
3. Fransiya
Fransiyaning tarkibi juda ham yulduzli. Avstraliyaning mag‘lubiyatga uchratilishi, shuning uchun ham normal qabul qilindi. Daniya esa ammalab dog‘da qoldirildi. Uchinchi turda Tunisga qarshi kutilmagan mag‘lubiyat yuzaga keldi. Muxlislar hali ham Fransiyaning Qatardagi favorit maqomiga shubha bilan qaraydi. Ko‘ramiz, bugun ular Polsha qarshiligini yenga olarmikin...
4. Ispaniya
"Qizil furiya" hamma uchun birdek favoritdek tuyula boshladi. Chunki jamoada nisbatan bir xil mavqega ega bo‘lgan yosh, lekin talantli futbolchilar ko‘p. Bu jihatdan ispanlar anchagina barqaror sanaladi. O‘tgan yili Yevropa chempionatidagi yarim final hech kimga tatimagan. Ammo bu yurish kelajakdagi furor ko‘tarib qaytishga ishora edi. Shunday bo‘lmoqda ham. Ammo Ispaniya "xavfsizroq" yo‘ldan yurdi. Ular so‘nggi turda Yaponiyaga yutqazish orqali, Xorvatiya changalidan qutilib qoldi.
5. Angliya
Angliya haqida hamma har xil gapiradi. Lekin jamoa – o‘ta yulduzli. Eron va Uels guruhda mag‘lub etildi. AQSH esa durangga rozi bo‘ldi. Ammo 7 ochko hech narsani anglatmaydi. Nimchorak final jamoalarning haqiqiy yuzini ochib beradi. Inglizlarning bu bosqichdagi raqibi esa Afrika chempionlari – Senegal. Agarda bu to‘siq yengib o‘tilsa, keyingi o‘yin, katta ehtimol bilan Fransiyaga qarshi kechadi (yoki Polshaga).
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
