Mana, Jahon chempionatining chorak-final bosqichiga ham yetib keldik. Bu davr musobaqaning eng qizg‘in davri sanaladi. Quyida butun dunyo muxlislari tomonidan e’tirof etilgan tarixdagi eng yaxshi beshta chorak-final bahslarini eslab o‘tamiz.
1. Urugvay 1-1 Gana ( pen. Urugvay 4-2 Gana), 2010 yil.
Siz tarixda qo‘l bilan o‘ynash bo‘yicha faqat Maradonani "ustasi farang" deb o‘ylasangiz, yangishasiz. 2010 yilda undan ham qiziq holat yuz bergan. Urugvay va Gana o‘yinida 1-1 hisobi qayd etilayotgan edi. Forlan va Muntari gollarga mualliflik qilgan. Ammo o‘yin tugashiga sanoqli daqiqalar qolganida, ganaliklarda super vaziyat bo‘ladi. Ammo ochiq darvozaga to‘p kirmaydi. Negaki, Suares degan futbolchi to‘pni ochiqchasiga qo‘li bilan to‘sib qolgadi. Urugvay darvozasiga penalti belgilanadi va Luis Suaresga qizil kartochka ko‘rsatiladi. Ammo penalti golga aylanmaydi. Natijada, Forlan boshchiligidagi futbolchilar 1-1ni o‘yin oxirigacha ushlab, penaltilar seriyasida 4-2 hisobida zafar quchadi. Qarabsizki, Suares qahramon!
2. Gollandiya 2-1 Argentina, 1998 yil.
Bundan 24 yil ilgari Niderlandiya va Argentina mundialning aynan chorak-finalida to‘qnashgan. Bugun ular yana bir bor kuch sinashadi. Asosiy vaqt 1-1 hisobida yakun topadi. Ariel Ortega Edvin van der Sarning boshiga zarba berib yuborgani sababli, maydondan chetilatiladi. 120 daqiqaga yaqin qolgan bir paytda, Frank de Burning qulay uzatmasi Dennis Bergkampga yetib boradi. U esa ajoyib tarzda to‘pni Karlos Roaning darvozasiga joylaydi!
3. Bolgariya 2-1 Germaniya, 1994 yil.
Bilasiz, Yaponiya Germaniyaga qarshi guruh bahsida kambek orqali g‘alaba qozongandi. Bu ishni yaqin tarixda Bolgariya ham eplagan. AQSHda kechgan turnirda bolgarlar matonat ko‘rsatgan. Lotar Matteus penaltidan gol uradi. Ammo undan keyin Xristo Stoichkov va Yordan Lechkovlar ikkita gol bilan "yashillar"ning g‘alabasini ta’minlaydi. Shundan beri, nemislar birinchi gol urgan o‘yinlarida mag‘lubiyatga uchramay kelayotgandi. Bu an’ana Yaponiya tomonidan buzilganini esa hammamiz ko‘rdik!
4. Gollandiya 2-3 Braziliya, 1994 yil.
Ochig‘i, AQSHdagi turnirning chorak-final bahslari fantastik darajada ajoyib kechadi. Ayniqca, o‘shanda, amaldagi chempion sanalgan braziliyaliklar va "uchar gollandlar" o‘rtasidagi bahs. Birinchi bo‘lim golsiz yakun topadi. Ikkinchi bo‘lim fantastik kechdi. Birinchi golni Bebetoning uzatmasi orqali Romario kiritadi. Ko‘p o‘tmay, ikkinchi golni Bebetoning o‘zi urdi. Ammo niderlandiyaliklar taslim bo‘lmadi. Bergkamp va Vinterlar hisobni tenglashtirishdi. Biroq, o‘yin tugashiga 10 daqiqa qolganida Branko ismli futbolchi fantastik jarima zarbasi berib, Braziliyani yarim finalga olib o‘tadi.
5. Argentina 2-1 Angliya, 1986 yil.
Ha, hammaning o‘ziga yarasha xotirasi va yoqtirgan o‘yinlari bor. Bu mo‘jizaviy sport turi. Unda hammaga joy yetadi. Ammo 1986 yilgi mundial o‘ziga xos bo‘lgan. Unda inglizlarning alamli mag‘lubiyati qayd etiladi. Maradonaning 51 va 55 daqiqalarda kiritgan gollari Argentinani "Asteka Stadioni"dagi g‘alabasini ta’minlaydi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
