10 dekabr kuni jahon chempionatining chorak finalining so‘nggi o‘yinlari bo‘lib o‘tadi. Marokash terma jamoasi Portugaliya termasi bilan, inglizlar esa fransuzlar bilan kuch sinashadi. Five Thirty Eight superkompyuteri qarama-qarshiliklarning g‘oliblarini bashorat qildi. Kompyuter jamoalarning hujum va mudofaadagi kuchini aks ettiruvchi Soccer Power Index deb ataladigan ko‘rsatkichga asoslanib, uchrashuvda kim favorit ekanini tahmin qiladi.
Marokash - Portugaliya
1/8 finalda Marokash terma jamoasi sensasion tarzda Ispaniya terma jamoasini mag‘lub etdi. Asosiy va qo‘shimcha vaqt 0:0 hisobida yakunlangan bo‘lsa, afrikaliklar penaltilar seriyasida aniqroq bo‘lishdi – 3:0. Asosiy tarkibda Krishtianu Ronaldusiz Portugaliya terma jamoasi kutilmaganda Shveysariya termasini 6:1 hisobida osonlikcha mag‘lub etdi. 21 yoshli hujumchi Gonsalu Ramush tomonidan xet-trik qayd etildi. Ronalduga kelsak, u ikkinchi bo‘limda zaxiradan maydonga tushdi. Superkompyuter ma’lumotlariga ishonadigan bo‘lsak, Portugaliyaning yarim finalga chiqish imkoniyati 68%, marokashliklarda esa o‘tish ehtimoli 32%.
Angliya - Fransiya
Pley-offning birinchi o‘yinida inglizlar Senegal termasi bilan osonlikcha to‘qnash kelishdi - 3:0. Gollarga Jordan Xenderson, Xarri Keyn va Bukayo Saka mualliflik qildi. Amaldagi jahon chempioni fransuzlar polshaliklarni 3:1 hisobida mag‘lub etishdi. Olive Jiru va Kilian Mbappening dubliga Polsha terma jamoasi faqat Robert Levandovskining penaltidan aniq zarbasi bilan javob qaytardi. Superkompyuter ma’lumotlariga ko‘ra, Angliya - Fransiya juftligida Britaniya jamoasi minimal ustunlikka ega - 52% ga nisbatan 48%.
Oldingi bashoratlar amalga oshdimi?
9 dekabr kuni 1/8 finalning dastlabki o‘yinlari bo‘lib o‘tdi: Xorvatiya – Braziliya (1:1, 4:2 pen.) va Niderlandiya – Argentina (2:2, 3:4 pen.). Birinchi juftlikda superkompyuter jamoalarning imkoniyatlarini mos ravishda 23% va 77%, ikkinchisida esa 42% va 58% deb baholadi. Shunday qilib, mashinaning ikkinchi bashorati amalga oshdi, lekin birinchisi amalga oshmadi. Bu jahon chempionatida qanday natijalat qayd etilishini eng zamonaviy super texnologilar ham bashorat qila olmasligidan dalolat beradi.
Jahon chempionati 1/4 finali o‘yinlari taqvimi - 10 dekabr
20:00. Marokash - Portugaliya
00:00. Angliya - Fransiya.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
