Argentina terma jamoasi Jahon chempionati yarim finalida Xorvatiya terma jamoasi bilan to‘qnash keladi. Bahs 13 dekabr kuni Toshkent vaqti bilan soat 22:00 da to‘qnash keladi.
Ko‘pchilik argentinaliklarni yarim finalda ko‘rishini kutgandi, ayniqsa Lionel Messining muxlislari, ular uchun JCH-2022 bosh sovrinni boshi uzra ko‘tarish uchun haqiqiy imkoniyatdir. Janubiy Amerika jamoasi o‘z yo‘lini Saudiya Arabistonigv 1:2 hisobidagi shov-shuvli mag‘lubiyat bilan boshladi, ammo shundan so‘ng Lionel Skaloni shogirdlari o‘z yo‘llarini topib olishdi. Ular Meksika va Polshani 2:0 hisobida mag‘lub etib, guruhdan birinchi o‘rinda pley-offga yo‘l olishdi. 1/8 finalda Avstraliya bilan to‘qnash kelgan "albeseleste" 2:1 hisobida g‘alaba qozondi. Ularni chorak finalda Van Deyk boshchiligidagi Niderlandiya kutardi. Asabiy va keskin kurashlarga boy o‘tgan bahsda Janubiy amerikaliklar Nauel Molina va Lionel Messi (penaltidan) kiritgan gollari evaziga ishonchli hisobda oldida borayotgan edi. Biroq niderlandiyaliklar safida zaxiradan o‘yinga qo‘shilgan Vout Vegorst dubl qayd etib, bahsni ekstra taymlargacha davom etishining ta’minladi. Vegorstning 2-goli o‘yin yakuniga yetishiga so‘nggi soniyalar qolganda kiritilganini qayd etish lozim. Qo‘shimcha taymlarda jamoalar hisobni o‘zgartira olishmadi - 2:2. Penaltilar seriyasida darvozabon Emiliano Martines ko‘rsatgan qahramonlik sabab Argentina Niderlandiyani mag‘lub etdi.
Xorvatiya
Xorvatiya terma jamoasi turnir davomida unchalik qiziq bo‘lmagan o‘yin ko‘rsatsa-da, lekin ayni natija juda salmoqli. Zlatko Dalich shogirdlari guruhda birinchi o‘rinni marokashliklarga boy berib, ikkinchi o‘rin bilan pley-offga chiqdi. Natijada, 1/8 finalda ular Yaponiya bilan to‘qnashishdi, bu juda ko‘p qiyinchiliklarni keltirib chiqardi. Xorvatlar o‘zlarining uslubiga aylantirgan penaltilar seriyasida "kun chiqar yurt" vakillari ustidan g‘alaba qozonishdi. Chorak finalda ham o‘yin durang bilan yakunlangan bo‘lsa, bu yerda raqib bir necha barobar kuchliroq edi. Livakovich braziliyaliklarga asosiy vaqtda g‘alaba qozonishga imkon bermadi, u o‘yindan keyingi 11 metrlik seriyada ham qahramonlik ko‘rsatib, Neymar boshchiligidagi Braziliyaga chiqish eshiklarini ko‘rsatdi.
Jarohatlar va diskvalifikasiyalar:
Diskvalifikasiyalar: Akunya, Montiel - Argentina
Jarohatlar: yo‘q
Shubha ostida: yo‘q
Statistikalar va raqamlar:
– Tarix davomida bu jamoalar o‘zaro 4 marta o‘ynagan. 2 bor Argentina, 2 bor Xorvatiya g‘alaba qozongan. To‘plar farqi - 7:5, Xorvatiya foydasiga.
- 2018 yilda Rossiyada bo‘lib o‘tgan mundial guruh bosqichidagi o‘zaro uchrashuv 3:0 hisobida Xorvatiya foydasiga hal bo‘lgandi.
- Xorvatiya Qatarda hali mag‘lub bo‘lgani yo‘q (3 g‘alaba - 2 tasi penaltidan, 2 durang)
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
