Krishtianu Ronaldu va uning jamoasi chorak finalda Marokashga qarshi mag‘lubiyatga uchrab, turnirni tark etgandi. Shundan so‘ng, hammada 37 yoshli hujumchining terma jamoadan ketishi yoki qolishi bilan bog‘liq savollar paydo bo‘la boshladi. Xabarlarga ko‘ra, Ronalduning o‘zi xalqaro futboldan chekinmoqchi emas va Yevro-2024da Portugaliya tarkibida bo‘lmoqchi. U Portugaliya ustozi Fernandu Santush tomonidan zaxiraga mixlab qo‘yilgandi. Bunga esa Krishtianuning Janubiy Koreyaga qarshi o‘yindagi xulqi sabab bo‘lgan. Natijada, Ronaldu Shveysariya va Marokash bilan o‘yinlarda zaxirada o‘tirishga mahkum bo‘lgandi.
Ba’zi sobiq futbolchilar va muxlislar Santushning yuqoridagi qarorini noto‘g‘ri deb hisoblab, uni tanqid ostiga oldi. Oradan ko‘p o‘tmay, Ronalduga Portugaliya FA tomonidan tahdid qilingani haqida xabarlar tarqaldi. Unda aytilishcha, Ronaldu milliy terma jamoadan ketishi bilan qo‘rqitilgan. Ammo tez orada bu ma’lumotlar yolg‘on ekani Ronaldu va Portugaliya futbol ittifoqi tomonidan tasdiqlandi. Shunga qaramay, Fernandu Santush matbuotga Ronalduni zaxirada qoldirganidan afsusda emasligini bildirdi. U Marokashga qarshi mag‘lubiyatli o‘yindan keyin shunday dedi:
"Afsusda emasman. O‘ylashimcha, bu jamoa Shveysariya qarshi fantastik o‘ynagandi. Bu safar ham shunday bo‘lishi kerak edi. Ronalduga kelsak, u ajoyib futbolchi. Faqat biz undan kerak paytda foydalanmoqchi edik".
Ronaldu alamli mag‘lubiyatdan keyin Instagram tarmog‘idagi o‘z sahifasida post qoldirgandi. Bu post ko‘pchilikka Portugaliyadagi Ronalduning davri tugaganiga ishoradek tuyuldi. Unda shunday deyiladi: "Portugaliya safida Jahon chempioni bo‘lish, faoliyatimdagi eng katta orzum edi. Omadim bor ekan, men klub miqyosida ko‘plab sovrinlar yutdim. Hatto, Portugaliyada ham. Ammo o‘z yurtim bayrog‘ini jahondagi eng katta turnirda yuksakka ko‘tarish armonga aylandi. Ha, men bu uchun kurashdim. Bu orzuni amalga oshirishga sa’y qildim. 16 yil mobaynida 5 ta munidal o‘yinida gol urdim va bu atrofimdagi ahil jamoa va ortimizda turgan millionlab portugaliyaliklar yordam bilan amalga oshgandi. Men borimni berdim. Har bir bahsda maydonga borimni tashlab ketdim. Men hech qachon kurashdan yuzimni burmaganman. Bu menga xos emas va men taslim bo‘lishni xohlamadim. Achinarlisi, kecha o‘sha orzularim chilparchin bo‘ldi. Nima deyilmasin, nima yozilmasin, qancha g‘iybat bo‘lmasin, mening Portugaliyaga sadoqatim va fidokorligim bir lahza ham o‘zgarmadi. Doimo erishish mumkin bo‘lgan narsalar tomon harakat qilganman. Men hech qachon o‘z jamoadoshlarim va yurtimdan yuz o‘girmaganman. Bundan ortiq gapira olmayman. Rahmat, Portugaliya. Sendan minnatdorman Qatar. Orzu orzuligida go‘zal bo‘ladi, armonga aylanganida emas. Bugun bir-birimizga dalda bo‘lishimiz kerak. O‘ylash uchun esa vaqt talab etiladi".
Aynan yuqorida aytilgan gaplar Ronalduni Portugaliya terma jamoasidan ketadi degan xulosalarga sabab bo‘ldi. Ammo Portugaliyaning "CM Journal" nashri bergan xabarda aytilishicha, Ronaldu hali ham o‘zini terma jamoaga kerakli deb biladi va taslim bo‘lmoqchi emas. Hattoki, Fernandu Santush jamoada qolsa ham u davom etmoqchi. Hozirda Krishtianu Ronaldu "MYU"dan ketib, o‘ziga yangi klub qidirmoqda. 2024 yilgi Yevropa chempionatiga borish uchun esa unga bu narsa juda ham kerak.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
