Superligaga qaytgan “Andijon” futbol klubida yangi mavsum uchun tayyorgarlik ishlari boshlab yuborilgan. Shu maqsadda jamoa a’zolari bugun klub qarorgohida to‘planib, bo‘lajak chempionat uchun dastlabki mashg‘ulot bosqichini boshladilar.
Jamoada e’tiborga molik o‘zgarishlar yuz berdi. “Andijon” klubi bosh direktori Ulug‘bek Mirzayev bugun yangi mavsumga tayyorgarlik boshlanishi oldidan jamoa a’zolari hamda klub ishchi-xodimlari bilan yig‘ilish o‘tkazdi va unda tashkiliy masalalar ham ko‘rib chiqildi.
Ulug‘bek Abdusattorovich yig‘ilishda “Andijon” jamoasining pro liga g‘olibi sifatida Superligaga qaytishida o‘zining munosib hissasini qo‘shgan futbolchilar va murabbiylarga o‘z minnatdorchiligini bildirdi.
Shuningdek, klub bosh direktori jamoada katta hajmdagi ishni bajargan va Superligaga qaytishi yo‘lida samarali faoliyat yuritgan hamda qo‘llab-quvvatlab turgan “Andijon”ning sobiq ta’sischisi Jur’atbek Quvvatovga ham olib borgan mehnati uchun o‘zining minnatdorchiligini izhor etdi.
Shuni ham ta’kidlab o‘tmoqchimizki, jamoada bir yarim mavsum davomida bosh murabbiy sifatida faoliyat olib borgan rossiyalik Viktor Kumikovning klub bilan tuzilgan shartnomasi nihoyasiga yetgani sababli u “Andijon” bilan xayrlashdi.
Ulug‘bek Mirzayev boshchiligida tashkil etilgan yig‘ilishda “Andijon” jamoamizga yangi bosh murabbiy sifatida Aleksandr Xomyakov rasman tanishtirildi.
53 yoshli rossiyalik Aleksandr Andreevichni muxlislarimiz juda yaxshi biladilar. Boisi, 2019 va 2020 yilgi mavsumlarda ham “Andijon” klubi bosh murabbiyi sifatida faoliyat olib borgan. Oxirgi ish joyi esa Muborakning “Mash’al” klubi hisoblanadi.
Bundan tashqari, Xomyakov bilan birga jamoamizda yordamchi murabbiy sifatida Artyom Petrosyan ham ish boshladi. Uning oxirgi ish joyi Bekobodning “Metallurg” klubidir. Muxlislar yaxshi bilishsa kerak, u darvozabon sifatida ishtirok etgan va endilikda murabbiy rolida mehnat qilib kelmoqda.
Qolaversa, Xomyakov ham o‘ziga bildirilgan ishonch uchun rahbariyatga o‘zining tashakkurini bildirgan holda jamoani har tomonlama ravnaq topishi yo‘lida qo‘lidan kelganicha harakat qilib, to‘plagan barcha bilim va tajribasini ishga solishini alohida aytib o‘tdi.
“Andijon” matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
