Bugun 4 aprel, 2025 yil, juma.

  • APL
      • 03.04.2025 00:00
      • Liverpul
      • 1:0
      • Everton
      • 04.04.2025 00:00
      • Chelsi
      • -:-
      • Tottenhem
      • 05.04.2025 16:30
      • Everton
      • -:-
      • Arsenal
      • 05.04.2025 19:00
      • Ipsvich
      • -:-
      • Vulverhempton
      • 05.04.2025 19:00
      • Vest Xem
      • -:-
      • Bornmut
      • 05.04.2025 19:00
      • Kristal Pelas
      • -:-
      • Brayton
      • 05.04.2025 21:30
      • Aston Villa
      • -:-
      • Nottingem Forest
  • Pro-liga
      • 03.04.2025 16:00
      • Olimpik
      • 2:3
      • Lokomotiv
      • 03.04.2025 16:00
      • Aral
      • 4:0
      • Jayxun
      • 05.04.2025 17:00
      • Olimpik MobiUz
      • -:-
      • FarDU
  • AFC U-17
      • 03.04.2025 20:00
      • O‘zbekiston
      • 4:1
      • Tailand
      • 03.04.2025 22:15
      • Saudiya Arabistoni
      • -:-
      • Xitoy
      • 04.04.2025 20:00
      • Avstraliya
      • -:-
      • Vyetnam
      • 04.04.2025 20:00
      • Janubiy Koreya
      • -:-
      • Indoneziya
      • 04.04.2025 22:15
      • Yaponiya
      • -:-
      • BAA
      • 04.04.2025 22:15
      • Yaman
      • -:-
      • Afg‘oniston
      • 05.04.2025 20:00
      • Tojikiston
      • -:-
      • Ummon
      • 05.04.2025 22:15
      • Eron
      • -:-
      • KXDR
  • Superliga
      • 04.04.2025 18:00
      • Buxoro
      • -:-
      • Bunyodkor
      • 04.04.2025 20:15
      • Surxon
      • -:-
      • Qo‘qon-1912
      • 05.04.2025 18:00
      • Qizilqum
      • -:-
      • Xorazm
      • 05.04.2025 19:30
      • Neftchi
      • -:-
      • Navbahor
      • 05.04.2025 20:15
      • Sho‘rtan
      • -:-
      • Nasaf
  • «A» Seriya
      • 04.04.2025 23:45
      • Jenoa
      • -:-
      • Udineze
      • 05.04.2025 18:00
      • Monsa
      • -:-
      • Komo
      • 05.04.2025 21:00
      • Parma
      • -:-
      • Inter
      • 05.04.2025 23:45
      • Milan
      • -:-
      • Fiorentina
  • La-liga
      • 05.04.2025 00:00
      • Rayo Valyekano
      • -:-
      • Espanyol
      • 05.04.2025 17:00
      • Jirona
      • -:-
      • Alaves
      • 05.04.2025 19:15
      • Real Madrid
      • -:-
      • Valensiya
      • 05.04.2025 21:30
      • Malyorka
      • -:-
      • Selta
      • 06.04.2025 00:00
      • Barselona
      • -:-
      • Betis
«
»

Turnir jadvali

Jamoa O' O
1 Liverpul 30 73
2 Arsenal 30 61
3 Nottingem Forest 30 57
4 Manchester Siti 30 51
5 Chelsi 30 50
6 Nyukasl 29 50
7 Aston Villa 30 48
8 Brayton 30 47
9 Fulhem 30 45
10 Bornmut 30 44
11 Brentford 30 41
12 Kristal Pelas 29 40
13 Man. Yunayted 30 37
14 Tottenhem 30 35
15 Everton 30 34
16 Vest Xem 30 34
17 Vulverhempton 30 29
18 Ipsvich 30 20
19 Lester 30 17
20 Sautgempton 30 10

O'tgan o'yinlar.

30-тур Vulverhempton 1-0 Vest Xem
30-тур Arsenal 2-1 Fulhem
30-тур Nottingem Forest 1-0 Man. Yunayted
30-тур Brayton 0-3 Aston Villa
30-тур Sautgempton 1-1 Kristal Pelas
30-тур Manchester Siti 2-0 Lester
30-тур Nyukasl 2-1 Brentford
30-тур Bornmut 1-2 Ipsvich
30-тур Liverpul 1-0 Everton

Navbatdagi o'yinlar.

16/04/25 Nyukasl - Kristal Pelas

So'rovnoma

  • O‘zbekistonning qayeridansiz?

  • Natijalar | Jami ovoz: 20172 ta.
  • So'rovnomalar arxivi

TV dasturlar

Blogdagi o‘zgarishlar

Teglar buluti

Xabarlar arxivi

Futbol dunyosini titratgan uch «M»: Messi-Mbappe-Martines

Baho:
+ | -
JAHON FUTBOLI / Jahon chempionati / Qatar-2022
Rukn: Yangiliklar
A A A

Oltin kubok Lionel Messi boshi uzra ko‘tarilib, argentinaliklar va bu mamlakat futboli muxlislari bayramni boshlab yuborishgach, ancha yengil tortdik, ochig‘i. Butun olamga sukunat cho‘kdi go‘yo. Bunday lahzalarda kishi faqat hordiq haqida o‘ylaydi. Bizda ham dastlab shunday tuyg‘u kechdi. «Maqola yozish shartmi? Shunday yakundan so‘ng kimdir uni o‘qiydimi?» - qabilidagi savollar ko‘ngilda g‘imirladi. Argentina terma jamoasi asosiy vaqtning so‘nggi daqiqalarida bo‘shashganini bir eslang. O‘sha payt bo‘shashish qoshida bosh yegganida, Leo Messi jahon chempioni bo‘lolmasdi. U bir siltandi va yana o‘yinga qaytdi. Biz ham yozmaslik kayfiyatidan ustun turdik va o‘qiyotganingiz maqola kompyuter monitoriga muhrlandi.

Dastlabki daqiqalardagi dilxiralik

Qaysidir muxlis hayron bo‘lar, lekin o‘yinning dastlabki daqiqalarida dilxiralik ko‘nglimizni chulg‘ab oldi. Nahotki, Fransiya termasi shu qadar yengil taslim bo‘lsa?! Didye Desham shogirdlarining shamollab qolishgani, zaharlanishgani haqidagi mish-mishlar, nahotki, rost bo‘lib chiqsa?! Yo‘q, bunday final bizga tatimasdi. Argentina termasi yaqqol ustunlikda va yirik hisobda g‘alaba qozonganidami, turli gap-so‘zlar ko‘payardi, Qatar mundialining tantanavor ruhiga soya tushardi, final shukuhiga dog‘ bosilardi. Kilian Mbappe nima sababdan o‘yinning birinchi bo‘limida ko‘zga tashlanmagani, fransiyalik futbolchilar qanday qilib juda jo‘n xatolarga yo‘l qo‘­yishgani, bunday g‘ayritabiiy holat zamirida nimalar yotgani bizga noma’lum. Ma’lumi shuki, Argentina milliy jamoasi o‘yinning birinchi qismida shunday fantastik to‘p surdiki, uncha-muncha zukko muxlis ham qat’iy xulosa chiqarib qo‘ydi: «Bo‘ldi endi! Tamom! Argentina - jahon chempioni!» 

Tushunishimizcha, Leo Messi, Anxel di Mariya va boshqa futbolchilar shiddatkor-fusunkor to‘p surishgani bois, bunday ssenariyni kutmagan va unga ruhan tayyorlanmagan Fransiya termasi dastlab gangib qoldi. Go‘yo eng zamonaviy avtomobil boshqaruvsiz qolib, istalgan tomonga burilaverdi, qayoqqa va qanday yurganini o‘zi bilmadi. Taxminlar, mish-mishlar aslida asossiz ekanligi keyinroq ko‘rindi. Shunda bildikki, dastlabki daqiqalarda yuzaga kelgan dilxiralikning asosiy sababi Argentina termasining zo‘r o‘yini ekan. O‘sha lahzalarda buni bilmasdik. O‘yin jarayonidagi voqelik bizni ham taxmin va mish-mishlarga ishontirayozgandi. Xayriyatki, ikkinchi bo‘lim yakunida hammasi o‘zgarib ketdi. 

Uyg‘onish zarurligini his qilish - Mbappe mohiyati

Jahon chempionati finali yakunlanmoqda. Final hushtagi chalinishiga 10 daqiqa nari-berisida vaqt bor. Argentina termasi himoyani mustahkamlab, uchrashuvni sokin kayfiyatda yakunlash niyatida. Hisob ham shunga yarasha ishonchli. Bunday vaziyatda Osiyo qit’asi terma jamoalari taslimchilik kayfiyatida to‘p suradi odatda va o‘yin yakunini intizorlik bilan kutadi. Milliy futbolimizda-ku o‘yin yakunini boy berish urfga kirgan. Ayniqsa, terma jamoamiz bu borada «peshqadam». Biroq yevrofutbol o‘yinni osongina boy berishni istamaydi, bunga ko‘nmaydi. Balki shuning uchundir qayta uyg‘ongan Niderlandiya termasi mundial chorak finalida Lionel Messi va uning jamoadoshlarini juda qiynadi. Har holda, g‘alabaga 100 foiz ishonib turgan raqibni penaltilar seriyasigacha olib bordi. Bu harakati bilan Argentina termasini «Ja, o‘zingga qattiq ishonaverma! Boshqalar ham o‘ynashni bilishadi!» - degandek ogohlantirdi. Qarangki, Messining adashi bu ogohlik qo‘ng‘irog‘ini yaxshi tushunmabdi. Nazarimizda, u shogirdlari birinchi bo‘limdayoq Fransiya termasi darvozasiga 3-4ta gol urishlariga ishongan, chog‘i! Ha, bizningcha, Skaloni shunday xayoliy rejasiga tayangan. Aks holda, Anxel di Mariya­ni zaxiraga olmasdi. Yo‘q, uning rejasiga xayoliy sifatini ishlatish noo‘rin, zero, murabbiy chindan ham, ajo­yib ssenariy tuzgan. Buning asosi tinimsiz harakat va muntazam bosim, zarur gollar urishdan iborat edi. Yuzaki qaraganda, mazkur ssenariy ish berdi, Argentina termasi ikki gol farqi bilan oldinga o‘tib oldi. 

O‘sha vaziyatda futbol ahli Kilian Mbappeni unutdi. Ha, unutdi va o‘sha unutish pallasida unutilayotgan va bir muddat uxlab qolgan dahocha bir seskandi-yu ko‘zini ochdi, uyg‘ondi, mundial, maydon va Messini titratdi. Bundayin qaytish va uyg‘onish bo‘lmaganida, Mbappening Mbappeligi qolmasdi! Kilian uyg‘ona olgani, bunga o‘zida kuch topgani uchun ham dahochadir. Mudroqlik kayfiyatidan chiqish har qanday iqtidor imkonidagi ish emas. Eng qaltis vaziyat, o‘yinni qutqarish imkonsizdek ko‘ringan payt katta sahnaga qaytish va bunga kuch topish faqat daholarga yuqtirilgan! Kilian Mbappe futbol dunyosi xayollarini bir muddat to‘zg‘itdi, qishning suronli kechasini yolqinlantirdi, olovlantirdi. Turli-tuman taxmin va mish-mishlarni muxlislar ruhiyatidan uloqtirib tashlagani, futbolning futbolligini finalda yana o‘ziga qaytargani uchun shu yigitga ming tasanno! 

Messining chempion  bo‘lishi - futbol adolati ramzi

Qariyb 15 yildirki, futbol dunyosi ikki qutbga bo‘lingan. Krishtianu Ronaldu va Lionel Messi raqobatining ko‘zgusi sanaladi bu davr. Futbolni sal-pal tushunadigan muxlis borki, bu ikkisining daholigiga shubhalanmaydi aslo. Qutblarga bo‘linishning daholik va daholarga aloqasi yo‘q mutlaqo. Hamma gap shaxsiy simpatiya, hayotga munosabat, qaysidir uslubni yoqtirish va yana allaqancha jihatlar bilan bog‘liq. Krishtianu Ronaldu va Lionel Messi raqobati jahon futbolining oltin davri, buyuk tarixi hisoblanadi. Faqat tor dunyoqarashga ega muxlislargina «Mana, Messi zo‘r ekan-ku, baribir! U jahon chempioniga aylandi! Krishtianu Ronaldu esa bunday maqomga ko‘tarilolmadi!» - deyishadi o‘zlaricha. Vaholanki, dahoni daho yuzaga chiqaradi, daholar birgalikda butun bir davrni ma’lum o‘zanga burishadi. Boshqacha aytganda, yolg‘iz otning changi chiqmas, changi chiqsa ham, dong‘i chiqmas. Shu ma’noda futboldagi oltin davrning mantiqiy yakuni sifatida ikki dahodan biri jahon chempioni bo‘lishi shart edi. Bunday baxt Messiga kulib boqdi. Uning jahon chempioniga aylangani - shu ma’noda futbol adolati ramzidir!
 

Mulohazalarimiz xulosasi sifatida Lionel Messi fenomenining ashaddiy muxlisi G‘ulomjon Hamidov qalamiga mansub she’rni hukmingizga havola qilamiz:

Messining mundiali

Emiliano Martines,
Zarbalarni shartta kes.
Raqiblarni ranjitgin,
O, reaksiyang buncha tez.

Yo‘q, yo‘q, Messi chopmadi,
Go‘yoki esdi shamol.
Uzoq vaqt baxt topmadi,
Nihoyat, kuldi kamol!

O, Mbappe - risar, mard,
O‘ziga yuqtirmay gard.
«Xet-trik»ka erishdi,
Eh, mag‘lublik - og‘ir dard!

Di Mariya bir chaqnab,
Tarix yozdi, sha’n yozdi.
Shiddatin ko‘rib raqib,
Go‘yo aqldan ozdi.

Kim dedi uni xatar,
Kim dedi: hikmat axtar.
Messi chempion bo‘ldi,
Qulluq senga, hoy, Qatar!

Shu she’r shukuhi bilan mulohazalarimizni yakunlaymiz. Qatar mundialining shukuhi uzoq vaqt qalblarda saqlanishiga ishonchimiz komil!

Muhammad VALI

Manba: «Интерфутбол» газетаси
Kiritildi: 08:36, 22.12.2022. O'qildi: 3020 marta. Fikrlar: 0 ta.

Bo'limga tegishli boshqa xabarlar


Bilasizmi, Lionel Messi Argentina terma jamoasi safida debyut o'yinida maydonga tushganidan so'ng 44 soniya o'tib qizil kartochka olib maydonni tark etgan

To'purarlar jadvali

Futbolchi Gol
1 Ливерпуль Muhammad Saloh 27
2 Манчестер Сити Erling Xoland 21
3 Ньюкасл Aleksander Isak 20
4 Ноттингем Форест Kris Vud 18
5 Брентфорд Brian Mbemo 16
6 Брентфорд Yoan Vissa 14
7 Челси Koul Palmer 14
8 Вулверхэмптон Mateus Kunya 13
9 Астон Вилла Olli Uotkins 13
10 Кристал Пэлас Jan-Filipp Mateta 12

So'nggi xabarlar

Boshqa xabarlar →

Konferensiya

Қаҳрамон Асланов

"Futbol plyus"


Шуҳрат Шокиржонов

Faqat futbol haqida


Шерзод Ражабов

Kuchli Beshlik


Ҳасанали Қодиров

Onlayn savol-javob


barcha konferensiyalar »
© STADION.UZ
Guvohnoma №0917. Berilgan sanasi: 02.12.2013. Muassis: «OSIYO KABEL» MCHJ. Bosh muharrir: Bo‘ronov Olimxo‘ja Azimxo‘ja o‘g‘li. Tahririyat manzili: 100057, Toshkent shahri, Usta Shirin 125. E-mail: admin@stadion.uz
Barcha huquqlar himoyalangan. Sayt materiallaridan to‘liq yoki qisman foydalanilganda veb-sayt manzili ko‘rsatilishi shart.
Blogdagi materiallar uchun blog egasi, xabarlar ostidagi fikrlar uchun foydalanuvchining o‘zi javobgar.