Angliya Premyer-ligasi rahbariyati 2022-23 yilgi mavsum davomida oltita holatda o‘yin natijasiga ta’sir qiladigan xato VAR-qarorlar qabul qilinganini tan oldi. Angliya hakamlar ittifoqi raisligi lavozimida boksing deydan boshlab sobiq hakam Xovard Uebb ishlay boshlaydi. U klublar, murabbiylar, futbolchilar va muxlislarni VAR'ning xatolariga ko‘z yumishga undamoqda. Bundan keyin maydondagi voqealarga VAR tomonidan aralashuv minimal darajada bo‘lishi aytilgan.
Yuqorida aytilgan olti holat ichida "Arsenal" va "MYU" o‘yinidagi Gabriel Martinellining hisobga olinmagan goli ham bor edi. Braziliyalik futbolchining goli "toza" kiritilgan. Ammo vaziyat keyinchalik VAR tomonidan ko‘rib chiqiladi va Pol Tirni golni bekor qiladi. Bunga sabab esa maydon markazida, hujum rivojlanish fazasida Martin Edegorning Kristian Eriksenga qarshi qoida buzgani edi. O‘sha vaziyatda, hatto, qoidan buzilishi ham sodir bo‘lmagan. Ammo gol bekor qilinib, yakunda "Arsenal" 3-1 hisobida mag‘lub bo‘lgan.
Yana bir xato "Vest Xem" va "Chelsi" bahsida yuz bergan. Unda "bolg‘achilar"ning hisobni tenglashtiruvchi goli VAR tomonidan bekor qilingan.
Umumiy olganda 16 tur davomida, APLning tasdiqlashicha, 42 ta vaziyatda VAR to‘g‘ri aralashgan. Qolgan 6 tasi esa xatoga sabab bo‘lgan. Shunday xatolardan yana biri "Tottenxem" himoyachisi Kristian Romeroning Kukurelya bilan bo‘lgan vaziyatidir. Unda Romero "Tottenxem"ning golidan oldin Kukurelyani sochidan tortib qolgan. Vaziyatni goldan keyin VAR ko‘rgan. Lekin reaksiya bildirmagan. Shu kabi xato "Tottenxem" va "Liverpul" bahsida Sessenyon va Aleksander-Arnold o‘rtasida ham sodir bo‘lgan.
APL va Angliya futbol tashkiloti FIFAning bir nechta yangi qoida va texnologiyalarini keyingi mavsumdan qo‘llash borasida muzokaralar olib bormoqda. Ulardan biri o‘yinga vaqt qo‘shib berishdagi sermahsullikdir. Ortiqcha va ko‘p vaqt o‘yin natijasiga ta’sir qilishi e’tiborga olingan holda, bu qoida amalda qo‘llanilishi so‘roq ostida. Shuningdek, Qatarda ishlatilgan yarim-avtomat offsayd aniqlash tizimi yuzasidan ham aniq qarorga kelinmagan. Qolaversa, mundialda ishlatilgan to‘p ichidagi chip orqali vaziyatlarni belgilash uslubiga ADIDAS tomonidan lisenziya olingan. APLni esa Nike firmasi to‘plar bilan ta’minlaydi.
ISMATOV J.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
