Karlo Anchelotti Anch~io Sport radiosiga bergan intervyusida uni Braziliya terma jamoasi bilan bog‘laydigan mish-mishlar, jahon chempionati natijalari va Leo Messi va Krishtianu Ronaldu o‘rtasidagi qarama-qarshilik haqida fikr bildirdi.
- Don Karlo, «qirollik klubi»dagi kelajagingiz haqida gapira olasizmi?
- Kelajak haqida o‘ylamayman, bugun uchun yashayman. Hozir o‘zimni «Madrid»da yaxshi his qilyapman, bu mavsumda oldimizga katta maqsadlar qo‘yilgan. Meni oldinda nimalar kutayotgani haqida o‘ylash uchun vaqt bo‘ladi hali. Klub bilan shartnomam 2024 yilning 30 iyuniga qadar amal qiladi, agar madridliklarning o‘zi ishdan bo‘shatmasa, shartnomam oxirigacha ketmayman.
- Qatar maydonlarida o‘tgan jahon chempionati haqida fikringiz...
- Bu chiroyli final bilan yakunlangan ajoyib turnir edi. Argentina g‘alaba qozonishga haqli edi: ularda o‘ziga ishonch paydo bo‘ldi, ularning tarkibida ajoyib formadagi Messisi bor edi. Argentinaliklar ikki sababga ko‘ra g‘alaba qozonishdi: birinchidan, ularda yaxshi o‘yinchilar bor va jamoada eng kuchli o‘yinchilardan biri, ikkinchidan, mahorat yoshlar bilan aralashib ketgani uchun - yangi kelgan Alvares va Enso Fernandes tufayli, shuningdek, himoyadagi uyushqoqlik bilan ishlash kerak.
- Kasbdoshingiz Lionel Skaloni ham ajoyib ish qildi...
- Ha, u ajoyib ish qildi, lekin hech qanday yangilik ixtiro qilgani yo‘q: o‘yinchilarni o‘z o‘rniga qo‘ydi va himoyada o‘yinni yaxshi tashkil qildi, jamoani Messi, Alvares va Di Mariyaning mahorati qo‘llab-quvvatladi.
- Hal qiluvchi bahs ham fantastikaning o‘zginasi bo‘ldi...
- Eng yaxshi individual mahorat va eng yaxshi tashkilotchilikka ega ikki jamoa finalga chiqdi. Ular tarkiblaridagi qobiliyatlarga qaramay, o‘zlarini himoya qilishdan qo‘rqmadilar. Fransiya va Argentina - yaxshi himoyaviy ish va yuqori darajadagi o‘yinchilar mahorati orqali natijalarga erishadigan jamoalar sanalishadi.
- Butun futbol ahlining unga bo‘lgan muhabbatlarini yanada kuchaytira olgan Messi va Krishtianu haqida nima deysiz?
- Bu qarama-qarshilik ikkalasi uchun ham motivasiyadir. O‘tgan yillar davomida Messi va Ronaldu futbol olamining bosh me’morlari bo‘lishdi - ular ajoyib o‘ynashdi va ko‘p gollar urishdi. Messi faoliyatini jahon chempionatidagi g‘alaba bilan yakunlaydi, aks holda Krishtianu, lekin uning faoliyati har jihatdan aql bovar qilmaydigan, ayniqsa «Madrid»dagisi, bu yerdagi muxlislar qalbida abadiy qoladi. Krishtianu kelajakda nima qilishni rejalashtirayotganini bilmayman, lekin u kurashni eng yuqori saviyada davom ettirish istagi bor, menimcha, arab dunyosi unga to‘g‘ri kelmaydi.
MUHAMMADXON tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
