Mateu Laos hozirgi vaqtda eng bahslarga sabab bo‘luvchi futbol hakamlaridan biri hisoblanadi. U ko‘pincha juda ziddiyatli qarorlar qabul qilishda, juda ko‘p kartochkalar ko‘rsatishda va ba’zi jamoalarni qo‘llab-quvvatlashda ayblanadi.
Tyc Sport nashrining ishonchli jurnalisti Gaston Edulning so‘zlariga ko‘ra, 45 yoshli Mateu Laosning mavsum oxirida hakamlik faoliyatini yakunlashiga yuqoridagi holatlar asosiy sabab qilib ko‘rsatilgan.
![](https://stadion.uz/images/news/%D0%94%D0%B4%D0%B41.jpg)
Oxirgi bir oyda u uchta o‘yinda ishladi va ulardan ikkitasi shunchaki g‘ayrioddiy bo‘ldi: JCHda Niderlandiya - Argentina va La Ligada "Barselona" - "Espanyol".
Ispaniya chempionatidagi bahsda Laos ikki futbolchi - Jordi Alba va Vinisius Kostani maydondan chetlatdi. Shuningdek, butun o‘yin davomida u 15 ta sariq kartochka ko‘rsatdi, jumladan, "Barselona" bosh murabbiyi Xavini ham ogohlantirdi.
![](https://stadion.uz/images/news/%D0%94%D0%B4%D0%B4.jpg)
JCH chorak finalidagi Niderlandiyaning Argentinaga qarshi bahsi yanada g‘ayrioddiy kechdi. Uchrashuv davomida Laos 18 bor futbolchilarni ogohlantirib, turnir rekordini o‘rnatdi.
Lionel Messi hakamlardan shunchalik g‘azablanganki, u o‘yindan keyin bergan intervyusida o‘z his-tuyg‘ularini yashirib o‘tirmadi:
"Men hakam haqida gapirmoqchi emasman, chunki u sizni to‘g‘ri o‘ynaganingiz uchun jazolaydi. Menimcha, u yerda nima bo‘lganini hamma ko‘rdi. FIFA vaziyatni qayta ko‘rib chiqishi kerak, siz bu darajadagi o‘yinga bunday hakamni tayinlay olmaysiz”.
![](https://stadion.uz/images/news/%D0%9B%D0%B0%D0%BE%D1%81-%D2%9B%D0%BE%D0%B2%D1%83%D0%BD%D0%BB%D0%B0%D1%80%D0%B8.jpg)
Quyida Laosdan eng ko‘p ogohlantirish olgan 10 ta jamoa ro‘yxati bilan tanishing:
![](https://stadion.uz/images/news/%D0%BA%D0%B0%D1%80%D1%82%D0%BE%D1%87%D0%B0%D0%BB%D0%B0%D1%80.jpg)