2022 yil APLda hamma klublar ham muvaffaqiyatli kelishuvlarni amalga oshira olishmadi. Ba’zilari katta miqdordagi pulni havoga uchirishdi. Bugun o‘tgan yilning eng omadsiz transferlari haqida gaplashamiz.
Artur, “Yuventus” → “Liverpul”
Kelishuv dastlab shubhali bo‘lib tuyulsa-da, klub zudlik bilan hech bo‘lmaganda kimnidir sotib olishi kerak edi. Artur bir necha yil oldin, Miralem Pyanich bilan birga "Yuventus" va "Barselona" o‘rtasidagi noaniq ikki transferning bir qismiga aylanganda ko‘pchilikning nazaridan chetda qoldi. So‘nggi paytlarda braziliyalikning jarohatlardan boshi chiqmay qolgan edi. Va keyin "Liverpul" paydo bo‘ldi, ularga zudlik bilan maydon markazida kimdir kerak edi. Kelishuv tezda yakunlandi va 1 sentyabr kuni Artur 4,5 million yevro evaziga Yurgen Klopp jamoasiga qo‘shildi.
Bundan keyin nima bo‘lganini taxmin qiling. Artur “Liverpul” safida Chempionlar ligasi doirasida “Napoli”ga qarshi kechgan halokatli o‘yinda 13 daqiqa o‘ynadi. Keyin esa jarohat oldi va boshqa maydonga tushmadi.
Uesli Fofana, “Lester” → “Chelsi”
Bir kun kelib "Chelsi" o‘z xatolaridan saboq olishni o‘rganadi. Klub zudlik bilan tarkibdagi kamchilikni to‘g‘irlashi kerak bo‘lganda, juda ko‘p pul beparvolik bilan yo‘q bo‘lib ketadi. 2018 yilda Kepa Arrizabalaga shu tarzda sotib olindi va o‘tgan yozda tarix Fofana bilan takrorlandi. "Chelsi"ga markaziy himoyachi kerak edi, lekin asosiy maqsad - Jyul Kunde "Barselona"ga yo‘l oldi. London klubi boshliqlari "Lester" futbolchisi uchun 80 million yevro to‘lashdan yaxshiroq variant topa olishmadi.
Fofana "Chelsi" uchun ikkinchi Jon Terriga aylanishi mumkin edi, ammo buni tasdiqlashning hozircha imkoni yo‘q. Jarohati tufayli u oktyabr oyi boshidan beri maydonga tushmadi va faqat fevral oyida safga qaytadi. Fofana avvallari ham jarohatga moyil futbolchi bo‘lgan, o‘tgan mavsumda oyog‘i sinishi tufayli 40 dan ortiq o‘yinni o‘tkazib yuborgani vaziyatni yanada og‘irlashtirmoqda.
Kalvin Fillips, “Lids” → “Manchester Siti”
“Siti” shunchalik boyki, ular 49 million yevroga zaxira yarim himoyachisini sotib olishlari mumkin, bu klub yozda Fillips uchun aynan shuncha pul to‘lagan. U uzoq vaqt davomida "Lids" yetakchisiga aylandi va 2021 yilning yozida u milliy terma jamoa tarkibida yevroda o‘ynadi va bu uning narxini yanada oshirdi. Va shunga qaramay, futbolchi uchun bunday summa to‘langanda, muxlislar undan nimadir kutishadi.
Fillips uchun yagona bahona bu yelkasidagi jiddiy jarohat, shu sababli u deyarli ikki oyni o‘tkazib yubordi. Ammo qolgan vaqtlarda Kalvin Rodrining o‘yinini kuzatib o‘tirishga majbur bo‘lmoqda. Filips “Siti” safida hozirgacha bor-yo‘g‘i to‘rtta o‘yinda maydonga tushdi va ularning barchasida zaxiradan.
Mark Kukurelya, “Brayton” → “Chelsi”
Kukurelya o‘tgan mavsumda "Brayton"da shunchalik yaxshi o‘ynadiki, u yozda ko‘p klular tomonidan “talash” bo‘ldi. Aftidan, Mark “Manchester Siti”ga kelishi aniq edi - Pep Gvardiolaning shaxsan o‘zi chap qanot himoyasidagi o‘ringa o‘yinchi olishni xohlagan va uslubi jihatidan u Angliya chempionlariga juda mos edi. Biroq, “Chelsi” muzokaralardagi yomon vaziyatdan foydalanib, Kukurellani o‘z safiga qo‘shib oldi.
Kukurelya APLda qolgan bo‘lsa-da, "Chelsi"ga moslashishga majbur bo‘ldi va bu juda muvaffaqiyatli bo‘ldi, deb aytish qiyin.
Darvin Nunyes, “Benfika” → “Liverpul”
Nunyesning asosiy muammosi – muxlislar olti oydan beri eslatib kelayotgan transfer summasi. O‘tgan mavsumda Darvin "Liverpul"ni o‘zining o‘yini bilan shunchalik hayratda qoldirdiki, ingliz klubi "Benfika"ga 80 million yevro berdi. Va shunday pulga hujumchi sotib olinsa, undan gol urishini kutish, albatta, tabiiy holat.
Nunyesning statistikasini yomon deb bo‘lmaydi. Premyer-liganing 11ta uchrashuvida “gol+pas” bo‘yicha 5+2 va Chempionlar ligasining oltita uchrashuvida 3+1. Ammo urugvaylik futbolchi ko‘pchilikning fikricha yaxshi o‘yin ko‘rsatmayapti. Agar Darvin o‘z vaziyatlaridan unumli foydalanganida, u shubhasiz Erling Xoland bilan chempionat to‘purari unvoni uchun kurashgan bo‘lardi.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
