Krishtianu Ronaldu faoliyatining yangi va ehtimol yakuniy bosqichiga yaqinlashdi. Endi beshta “Oltin to‘p” sohibi Saudiya Arabistonida o‘ynaydi. Portugaliyalik futbolchi hozir 37 yoshda va uning faoliyati qachon tugasa ham, futbol tarixidagi eng yorqin o‘yinlardan biri bo‘lib qoladi.
Ronaldu sportdagi yo‘lini yana bir bor eslash imkoniyatiga ega bo‘ldi. Krishtianu Live Score YouTube kanaliga intervyu berdi va u yerda faoliyatidagi eng muhim o‘yinlarni eslab o‘tdi. Keling, ularni biz ham eslab ko‘ramiz.
Moskvadagi final
Chempionlar ligasi finali, 2008 yil 21 may
“Manchester Yunayted” 1:1 “Chelsi” (6:5 pen.)
Gollar: Ronaldu, 26 - 1:0, Lempard, 45 - 1:1.
“Chempionlar ligasi finali har doim o‘zgacha o‘yindir. Bunday paytlarda yurak urishi tezlashadi. Esimda, o‘shanda men hisobni ochgandim, ammo keyin penaltilar seriyasida Petr Chex mening zarbamni yuzi bilan qaytardi. Bitta o‘yinda men uchta hissiyotni boshdan kechirdim: goldan keyin baxt, o‘tkazib yuborilgan penaltidan keyin qayg‘u va yana g‘alabadan keyin baxt. Bu ajoyib va men o‘sha o‘yinni juda yaxshi eslayman”.
Yevrodagi g‘alaba
Yevropa chempionati finali, 2016 yil 10 iyul
Portugaliya - Fransiya - 1:0
Gol: Eder, 109 - 1:0.
“Moskvadagi Chempionlar ligasi finalida bo‘lgani kabi, his-tuyg‘ular butunlay boshqacha. Baxt, qayg‘u va yana baxt. Birinchi daqiqalardanoq maydonga chiqdim va xursand bo‘ldim, keyin jarohat olib, maydonni yig‘lab tark etdim. Keyin kiyinish xonasida asablarim buzildi, tizzam ishib ketgandi.
Bu mening faoliyatimdagi eng muhim sovrindir. Siz oilangiz va do‘stlaringiz orasida o‘sib ulg‘aygan, futbolchi, erkak, ota sifatida mamlakatingiz uchun nimadir yutib olish katta baxtdir”.
Decima – “Real Madrid”
Chempionlar ligasi finali, 2014 yil 24 may
“Real Madrid” 4:1 “Atletiko Madrid”
Gollar: Godin, 36 - 0:1, Ramos, 90+3 - 1:1, Beyl, 110 - 2:1, Marselo, 118 - 3:1, Ronaldu, 120 (pen.) - 4:1.
“Ajoyib xotiralar, qo‘shimcha ravishda o‘sha uchrashuv Lissabonda bo‘lgan. Mening oilam va boshqalar xursand bo‘lishdi. Chempionlar ligasi finalida o‘z mamlakatingizda o‘ynash - bu alohida mavzu. O‘sha o‘yin xotiralari menda abadiy qoladi.
"Real Madrid"ga o‘tganingizdan so‘ng, Chempionlar ligasida g‘alaba qozonish - bu qandaydir obsessiya ekanligini darhol his qilasiz. Ular har doim faqat u haqida o‘ylashadi. Avvaliga kubokni olishga ulgurmadik, yildan-yilga bosim kuchayib boraverdi. Va keyin 10-g‘alaba "Decima" bo‘ldi.
Jahon chempionatida xet-trik
JCH-2018 guruh bosqichi, 2018 yil 15 iyun
Portugaliya – Ispaniya – 3:3
Gollar: Ronaldu, 4 (pen.) - 1:0, Kosta, 24 - 1:1, Ronaldu, 44 - 2:1, Kosta, 55 - 2:2, Nacho, 58 - 2:3, Ronaldu, 88 - 3:3.
"Men yana maxsus o‘yin haqida gapirishni xohlamayman, lekin bu haqiqatan ham shunday edi! Ispaniyaga qarshi o‘yinda xet-trik qayd etganingizni tasavvur qiling. Fransiyami, Germaniyami, farqi yo‘q. Hatto jahon chempionatida ham! Bunday o‘yin alohida bo‘lmasligi mumkin emas. Bunday voqealar, ayniqsa, biz uchta gol urganimizdan keyin xotirada qolmoqda”.
"Sporting" uchun birinchi gollar
Portugaliya chempionati, 2002 yil 7 oktyabr
“Sporting” 3:0 “Moreyrense”
Gollar: Kutuzov, 30 - 1:0, Ronaldu, 34 - 2:0, Ronaldu, 90 - 3:0.
“Birinchi gol alohida edi va “Sporting” hali ham yuragimda. Ajoyib xotiralar. Aytgancha, gol juda yaxshi bo‘ldi. Men endigina 17 yoshda edim”.
"Real Madrid" bilan ikkinchi Chempionlar ligasi
Chempionlar ligasi finali, 2016 yil 28 may
“Real Madrid” 1:1 “Atletiko Madrid” (5:3 pen.)
Gollar: Ramos, 15 - 1:0, Karrasko, 79 - 1:1.
“Chempionlar ligasidagi g‘alabalar xotiramda abadiy saqlanib qolgan. Atmosfera, kunning o‘zi, oiladagi kayfiyat, jamoadoshlar, o‘yindan oldingi kecha. Final haqida o‘ylaganingizda bularning barchasi esga tushadi. Bu ajoyib. O‘sha finalda men seriyadagi g‘alabali penaltini amalga oshirdim, futbolkamni yechib tashladim".
"Yuventus" bilan birinchi sovrin
Italiya Superkubogi, 2019 yil, 16 yanvar
“Yuventus” – “Milan” – 1:0
Gol: Ronaldu, 61 - 1:0.
“O‘sha uchrashuvni juda yaxshi eslayman, chunki bu mening hayotimdagi yangi sarguzasht edi. “Real Madrid”dagi 9 yillik faoliyatimdan so‘ng, 33 yoshimda “Yuventus”ga, Italiya chempioni safiga o‘tdim. "Milan" bilan o‘yinda esa jamoa bilan birinchi sovrinni qo‘lga kiritdim.
Kubokni qo‘lga kiritganingizda, bu har doim ajoyib lahzadir, chunki mavsum davomida siz nimanidir yutish, mazmunli narsaga erishish uchun boringizni berasiz. Eng muhimi - gollar, deyish oson. Ammo men kuboklarni yuqoriga qo‘yaman - ular uchun biz kurashamiz, mashq qilamiz va ko‘p vaqt ajratamiz. Yangi jamoadagi birinchi chempionlik haqida gap ketganda, bu o‘zgacha vaziyatdir”.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
