Nihoyat, APL debyutanti bo‘lmish «Nottingem Forest» ham o‘z homiysini topdi: yangi yildan mavsum oxiriga qadar jamoa BMTning qochoqlar ishlari bo‘yicha agentligi (UVKB) logotipi tushirilgan futbolkalarda maydonga tushadi.
Agentlik sayyoramizdagi qurolli to‘qnashuvlar va ta’qiblardan aziyat chekkan qochoqlarga yordam beradi - «Nottingem» bilan hamkorlik bu harakatni yanada jonlantiradi.
Klub sohibi bo‘lmish yunonistonlik biznesmen Evangelos Marinakis avval ham BMT bilan aloqada bo‘lgan
2013 yilda uning tasarrufidagi «Olimpiakos» (hozir ham u klub prezidenti) xalqaro tashkilotning bolalar jamg‘armasi - YUNISEF bilan hamkorlik qilgandi.
«O‘shanda biz jamg‘armaning xayriya faoliyatiga o‘z hissamizni qo‘shishga, homiylik uchun daromad olmaslikka qaror qilgandik. Biz jamoatchilik e’tiborini jamg‘armaning xayrli faoliyatiga jalb etishni maqsad qilgandik. Endi savobli ishni «Nottingem» bilan davom ettiramiz. UVKB faoliyatini mavsum yakuniga qadar boshqa loyihalar bilan birgalikda yoritib borishimizdan muxlislarimiz faxrlanishlariga umid qilaman. Xayrli tadbirimiz insoniyat jamoatchilikning nochor qatlamiga yordam berishda jiddiy qiyinchiliklarga duch kelayotgan davrga to‘g‘ri kelmoqda» - deydi Evangelos Marinakis.
Bungacha «Nottingem» reklamasiz liboslarda o‘ynayotgan, Marinakis 10 mln.li taklifni
kutgandi
O‘tgan mavsumda jamoa VOXT kompaniyasi bilan hamkorlik qilgan, keyin homiy klubga manfaatliroq kelishuvni taklif etgandi. Biroq APL debyutanti yanada yirikroq taklifni kutgandi. «Sport Biznes» ma’lumotiga ko‘ra, «Nottingem» sohibi 1 mavsum uchun 10 mln. funt olishni istagandi. Elita debyutanti uchun anchayin yirik kelishuvni risoladagidek rasmiylashtirish uchun u «Nyukasl»ning sobiq direktori Li Charnlini taklif etdi. Biroq u navbatdagi muammoga duch keldi. O‘rtamiyona jamoalarga boshqalarga nisbatan kattaroq mablag‘ taklif etishi mumkin bo‘lgan bukmekerlar payt poylash pozisiyasiga o‘tib olishgandi: La Ligada ular taqiq ostida qolishgan, ingliz futboli esa bu taqiqqa shiddat bilan yaqinlashayotgandi. Mart oyida «Vest Xem» YEL doirasidagi «Sevilya»ga qarshi uchrashuvda Betway yozuvisiz futbolkalarda maydonga tushgandi.
Darvoqe, «Barsa» ham bir paytlar BMT bilan hamkorlik qilgan - 5 yil davomida YUNISEFga 1,5 mln. yevrodan to‘lagandi
70-yillarda homiylar futbolga seldek oqib kelishdi. Inqilobni 1973 yilda Jagermeister va «Braunshveyg» kelishuvi boshlab berdi, keyin biznes futbolga seldek kirib keldi. Klublar reklamadan durustgina daromad ola boshladilar. Oxir-oqibat, 2006 yilda titul homiysi bo‘lmagan yagona top-klub - «Barselona» qolgandi. Kataloniyaliklar ongli ravishda reklamani aralashtirishni istamadilar va buni «Klubdan ko‘ra ulkanroq» shiori prinsipiga zidligi bilan izohlashgandi. To‘g‘ri, u davrda homiyning ko‘magisiz faoliyat yuritish hozirga nisbatan ancha osonroq edi. Shundan keyin muxlislar orasida makkorona nazariya paydo bo‘ldi: go‘yoki, «Barsa» boshqa jamoalardan ajralib turish maqsadida homiyning logotipi bo‘lmagan liboslarda maydonga tushadi va ko‘proq futbolkalar sotish imkoniyatiga ega bo‘lar ekan. Biroq bu nazariyani hech kim jiddiy qabul qilmadi.
Nihoyat, 2006 yilning sentyabrida hammasi o‘zgardi. 107 yillik homiysiz faoliyatdan keyin «Barsa» prezidenti Joan Laporta YUNISEF bilan kamdan-kam uchraydigan 5 yillik shartnomani imzoladi: «Barsa» bir qator tashabbuslarga ko‘ra jamg‘armaga birlashadi, homiydan pul olmaydi va yilda bir marta 1,5 mln. yevrodan (daromadning 1 foizdan ozrog‘i) to‘lash majburiyatini o‘z zimmasiga oladi.
YUNISEF bilan imzolangan kelishuvni Laporta «tarixiy voqea», «qalb amri», ijtimoiy maqomdagi YECHL g‘alabasi» sifatida e’tirof etgandi: «Mazkur tarixiy kelishuv tashkilotimiz dunyoda «Klubdan ko‘ra ulkanroq« ekanligini tasdiqlaydi. Bizning kelajagimiz porloq, chunki biz butun dunyo bolalariga yordam beramiz».
Dastlabki yildagi mablag‘ni Svazilendga, mamlakatdagi OITSga qarshi kurashishga jo‘natildi. 2004 yilda u yerda kasallikning eng yuqori ko‘rsatkichi qayd etilgandi. Ayollarning 43 foizida test-sinovlari ijobiy natija bergan, ular orasidagi 12 foiz homilador ayollar tegishli preparatlar bilan ta’minlangandi. Shu tariqa tug‘ilajak chaqaloqlarning salomatligi saqlab qolindi.
«Barsa»ning xayriya mablag‘lari Svazilenddagi maorif va sport tizimlarini rivojlantirish evaziga bolalar hayotini yaxshilashga imkon yaratdi. BMT mutaxassislar klub yordamida mahalliy aholini OITS tarqalishini to‘xtatishga o‘rgatishdi. Bolalar va ularning onalari kerakli dori-darmonlar bilan ta’minlanishdi.
Sodiq SOBIR tayyorladi
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
