“Andijon”ning yangi mavsumga tayyorgarlik ko‘rayotgani bilan bir qatorda bizning fan-klub ham allaqachon 2023 yilgi chempionat uchun tayyorgarlik rejalarini ishlab chiqmoqdalar.
“Andijon” muxlislari O‘zbekistonda birinchi raqamli ekanligi barchaga yaxshi ma’lum. Ayniqsa, sevimli jamoamizni qo‘llab-quvvatlashda ijodkorlik, yangidan-yangi qo‘llab-quvvatlov va performanslarni tayyorlashda bizning fan-klubga teng keladigani yo‘q.
Jamoani Superligada ham qay tarzda qo‘llashini tasavvur qilish qiyin emas. Shubhasiz, bu yil “Andijon” klubi ishqibozlari yana eng zo‘ri bo‘ladi. Shuning uchun Nodir To‘ychiyev boshchiligidagi fan-klub a’zolari yangi mavsumga jiddiy tayyorgarlik ko‘rishni boshlamoqda. Chunki andijonliklar sevimli jamoasini Superligada ko‘rishni sog‘inishgan.
Fan-klub o‘tgan yili pro ligada muxlislik qilishni “yondirdi”, endi Superligada qanaqa bo‘ladi? Bu masalada Nodir To‘ychiyev “Andijon” matbuot xizmatiga quyidagilarni aytdi:
"Biz jamoamizni Superligada ham qo‘llab-quvvatlash bo‘yicha “yondiramiz”. Buning uchun juda qiziqarli yangiliklarga qo‘l uramiz. O‘zimizni fan-klub kanalimiz bor. U yerda hammasini e’lon qilib boramiz.
Yaqinda fan-klubga a’zo bo‘lishni istaganlar uchun e’lon beramiz. Chempionat boshlanguniga qadar har haftada bir martadan muxlislar yig‘ilib, tayyorgarlik ko‘rishni boshlaymiz. Har bir keladigan muxlisni ro‘yxatga olib, belgilab boramiz. Oldin kelganman deb yoki boshqa sabablar bilan kelmaydiganlarni a’zolik uchun qabul qilmaymiz. Yil davomida fan-klubimizga a’zo bo‘ladiganlardan kerak bo‘lsa sodiqligini bildirish uchun “qasamyod” qildirib olamiz.
Fan-klubga a’zo bo‘lganlar sharf, forma, kepkalarni qabul qilib olib, keyin boshqa sektorlarga o‘tib ketadigan bo‘lishsa ham bu bizga to‘g‘ri kelmaydi. Biz asosan sodiq, ashaddiy va faol ishqibozlarni qabul qilamiz. Chunki o‘tgan yili ham, oldingi yillari ham ko‘rdikki, fan-klubga a’zo bo‘lib, keyin boshqa sektorlarga o‘tib ketishgan. Bu yil endi bunday bo‘lmaydi.
Doimiy ravishda faolligi bilan ajralib turadigan muxlislarimiz uchun o‘ziga yarasha imtiyozlar ham beriladi. Biz yangi mavsum uchun ko‘radigan tayyorgarligimizda yangidan-yangi qo‘shiq, krichalkalarni yodlab, qanday muxlislik qilishni o‘zlashtirib boramiz.
Yangi mavsumda “Andijon” jamoamizni qanday olqishlashimizga stadionda guvoh bo‘lasizlar. Biz bu borada yana hammani lol qoldiramiz”, - deydi To‘ychiyev.
“Andijon” matbuot xizmati.
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
