Ukrainalik futbolchi Mixail Mudrik Premyer-liganing tartib bo‘yicha birinchi jamoasiga emas, balki to‘qqizinchi klubiga yo‘l oldi. «Chelsi»ning kelasi yili Chempionlar ligasida o‘ynashi dargumon, bir necha oy ichida esa Angliya chempioni bo‘lishi mumkin emas. Angliyaning asosiy sport nashri The Athletic u haqida katta materialni e’lon qildi, unda Mudrikning nima uchun «Arsenal»da emas, balki «Chelsi»da qolgani batafsil tushuntirib berildi.
Mudrikning maoshi qancha bo‘ladi?
Haftasiga 97 ming funt. Bu «Arsenal» taklif qilganidan ko‘p. Umuman olganda, vinger yiliga 5 million funtdan ko‘proq maosh oladi va shartnoma 7,5 yilga mo‘ljallangan (yana 12 oyga uzaytirish imkoniyati bilan). Ya’ni, «Chelsi» futbolchini uzoq muddatga va klub uchun nisbatan kam maosh evaziga sotib oldi. Masalan, Ruben Loftus-CHik va Kallum Xadson-Odoi kabi o‘yinchilar unchalik muhim ahamiyat kasb etmaydi, ammo haftasiga 150 ming funtga yaqin miqdorda maosh oladi. Shu sababli ish haqlarini me’yoriy tartibga tushirish uchun «Chelsi»ning yangi egalari uzoq muddatli strategiyalar ishlab chiqqan. Masalan, 28 yoshli Rahim Sterlingning transferi bu tushunchaga qanchalik mos kelishini anglaysiz. Buni allaqachon Todd Boeli boshchiligidagi yangi rahbariyat tushungan. Shu bilan birga, angliyalik vinger Mudrikdan uch baravar ko‘p maosh oladi. Qanday bo‘lmasin, Mudrik bilan klub juda muvaffaqiyatli ish olib bordi - past maoshli futbolchi uchun uzoq muddatli shartnoma!
«Arsenal» Mudrik transferini qanday hal qildi?
«Shaxtyor» bosh direktori Sergey Palkinning so‘zlariga ko‘ra, «Arsenal» bilan aloqalar oktyabr oyidan beri davom etmoqda. «Chelsi» futbolchi uchun kurashga bu transferdan ikki hafta oldin kirishdi. O‘shanda futbolchi yozdan beri Mudrikni maqsad qilib olgan «Arsenal»dan bir qadam ortda qolgandek tuyuldi. Pepe «Nissa»ga ijaraga berilganidan keyin ro‘yxatdagi birinchi nomzod Rafinya bo‘ldi. «Arsenal» uning uchun «Chelsi» bilan kurashayotgandek tuyuldi, ammo futbolchi «Barselona»ni afzal ko‘rdi. O‘shanda «Arsenal» e’tiborini «Vulverxempton»dagi Pedro Neto o‘ziga tortdi, biroq tez orada futbolchiga bo‘lgan qiziqish susaydi. Yozgi transfer oynasining so‘nggi kunlarida «Arsenal» Mudrikning harakatini o‘rganishga tayyor edi, ammo Parti va Elnenining jarohatlari ularni himoyaviy yarim himoyachi izlashga majbur qildi (garchi natijada hech kim imzolanmagan bo‘lsa ham). O‘sha paytda Mudrik uchun oddiyroq summa nazarda tutilgan edi.
Qishga yaqinroq qolganda «Arsenal» Mudrik jamoa liga chempionligi uchun kurashishi kerak bo‘lgan kuch, degan xulosaga keldi. Shu darajaga yetdiki, Mudrikka har kuni «Arsenal»dan qo‘ng‘iroqlar keldi: bir qarasangiz klub sport direktori Edu, ba’zida murabbiy Arteta yoki vatandoshi Zinchenkodan. Bunday vaziyatda futbolchi uchun ligada ham peshqadamlik qilayotgan jamoadan voz kechish qiyindek ko‘ringandi. 26 dekabr kuni Mudrik hatto ijtimoiy tarmoqlarda «Arsenal» va «Vest Xem» o‘rtasidagi o‘yinni qanday tomosha qilayotganini ham e’lon qildi. Lekin bu yerda «Shaxtyor»ni ishontirish ham muhim edi.
«Chelsi» «Arsenal» bilan raqobatda qanday g‘olib chiqdi?
Todd Boeli klubi Mudrik uchun 70 million yevro to‘laydi. Yana 30 million yevro bonuslar ko‘rinishida hisobga olingan. «Arsenal»dan kelgan so‘nggi taklif summasi va ulush bo‘yicha bir xil kurash kechdi, ammo to‘lovlar tezligi bo‘yicha juda katta farq mavjud edi. «Shaxtyor» pulni avvalroq olishga qiziqdi. Bu yerda klublar birlasha olmadi. Shunday qilib, «Arsenal» yakunlanishiga yaqin bo‘lgan kelishuvga erishish imkoniyatini qo‘ldan boy berdi.
6 yanvar oqshomida «Chelsi»ning ham egasi Behdad Egbali va yangi tayinlangan direktor Pol Uinstanli Antaliyaga yo‘l olishdi. «Shaxtyor» qishki tanaffusda Turkiyada yig‘in o‘tkazmoqda. «Chelsi» vakillari bu yerga 7 yanvar kuni ertalab yetib kelishdi va Belekdagi (Antaliya yaqinidagi shahar) mehmonxonada «Shaxtyor» bilan uchrashuv o‘tkazishdi. Muzokaralarda Palkin, Srna, shuningdek, Mudrik va uning vakillari ishtirok etdi.
Shu paytgacha futbolchi «Arsenal»ga o‘tishga intilardi, ammo «Chelsi» rasmiylari futbolchini muvaffaqiyatga erishish uchun etarli o‘yin amaliyoti bilan ta’minlashga ishontirishdi. «Shaxtyor» xo‘jayini Rinat Axmetov Turkiyada bo‘lmagan, biroq «Chelsi» vakillari bilan telefon orqali gaplashgan. Shuningdek, «Arsenal»ning chap qanotida 21 yoshli braziliyalik futbolchi Martinelli borligi, bu Mudrikning o‘yin vaqtiga ta’sir qilishi mumkinligi ta’kidlandi. O‘yin amaliyotiga kelsak, shanba kuni Mudrik «Liverpul»ga qarshi bahsda 90 daqiqa o‘ynashini kutmaslik kerak. Futbolchi 23 noyabrdan buyon rasmiy o‘yinlarda qatnashmayapti va unga formaga kirishi uchun vaqt kerak bo‘lishi aniq.
Qizilqum
Ҳасанали ота
Фурқат Қурбонов
Холис таҳлилчи блоги
Жалолиддин Қобилжонов
Яҳёхўжа Улуғхўжаев
Сафарали Сиддиқов
«InterFutbol» газетаси
Ўзбекистон Миллий ахборот агентлиги
Маъмуржон Ибрагимов
Қаҳрамон Асланов
Шуҳрат Шокиржонов
Шерзод Ражабов
